Schmutzgeier

Schmutzgaijer
A Schmutzgaijer em Tiargàrta vu Schönbrunn
Systematik
Ordnig: Griffveegel (Falconiforme) Familie: Habischtartige (Accipitridae) Underfamilie: Gypaetinae Gattig: Schmutzgaijer (Neophron) Art: Schmutzgaijer
Wüsseschaftlige Name
Neophron percnopterus
Linnaeus, 1758

D’r Schmutzgaijer (Neophron percnopterus) esch a Griffvogel üs dr Fàmilie vun dr Habichtartige. Ar kunnt vun Sideuropa bis Zentralasia un en Afrika un Sidasia vor.

Schmutzgaijer
(Neophron percnopterus)

D’r Schmutzgaijer esch wiss gfadert mett schwàrza Schwungfadra. D’r Kopf esch fàltig, unbefadert un gahl, s’Gsecht esch verlängert met ma fina schwàrza Schnàwel. D’Doba senn schtràhlend gahl un d’Àuiga schemmra rotbrün.
Ar esch 0,60 bis 0,70 m gros, weegt 1.5 bis 2.2 kg. D’Schpànnwitta esch 1.65 m.
Ar labt garn en da Sumpfglander, àwer weniger en Bànda, ma trefft na ender en Paarla à. Ar ärnährt sech garn vu Werweloosa Klaitiarer. Ar verzärrt tailwis o Frechta un gehn garn en da Drackaimer geh umma niala. Em Gegasàtz vu da àndra Gaijer màcht sech da Vogel à Lackerbissa üss Schtrüssaijer. Ar kehrt zu da Warckzigsverbrucher, dänn ar schleht dia härta-n-Aijerschàlla met ma Schtai uff, un wänn's net klàppt, no holt ar à greeserer.
Se leega jahrlig zwai wissa, brün gflackta-n-Aijer, wu sa 42 Tag àbwackselnd làng briadla. Nohdam bliwa d’Jungvegel 80 Tag em Nascht, bevor àss sa üssfliaga.
D'r Schmutzgaier fendet ma ewer gànz Àfrika, tailwis en Àsia un Europa, vor àllem em Mettelmeergebiat un o uff da Kapwärdischa un Kànàrischa-n-Ensla.

Netzgleicher (Weblinks)

 Commons: Schmutzgaijer – Album mit Multimediadateie