جمال مبارك
جمال الدين محمد حسنى سيد مبارك (اتولد 1963) أمين السياسات فى الحزب الوطنى الديمقراطى فى مصر و الابن الاصغر ل سوزان مبارك و الرئيس حسني مبارك رئيس مصر الحالى. اشتغل فتره فى بنك فى انجلترا. ايديولوچيته مياله لاقتصاد السوق و تطوير الاستثمار الخاص فى مصر سواء المحلى او الاجنبى. بيتقال انه عنده طموحات انه يمسك الحكم بعد الرئيس حسني مبارك عشان ميوله و شغله السياسى، و بيسمو الموضوع ده توريث الحكم. مع إن المنطقه اللى حوالين مصر محكومه بمشايخ و ملوك و نظم ديكتاتوريه و فيها رؤساء ورثوا الحكم فعلاً [1]. لكن بيتلاحظ إن اجهزة اعلام المناطق دى بتحاول تضخيم الموضوع و اثارته طول الوقت.
بطبيعة الحال تطلع جمال مبارك لحكم مصر ماهواش نابع بس من انه ابنه الريس ، بدليل ان الإبن التانى " علاء مبارك " مش من المتطلعين ، لكن جمال مبارك بغض النظر عن انه ابن الريس عنده اهتمامات سياسيه و هو فعلاً رجل سياسه اكتسب خبره و نشيط جداً فى العمل السياسى بعكس مرشحين تانيين مايعتبروش اصلاً رجال سياسه لكن مشاهير. بخصوص الموضع اللى اتسمى " التوريث " بيقول طارق النجار " تعالوا نبحث فكرة التوريث الذى اتهم بها جمال مبارك، فنجد أن الرجل يسير بخطوات ثابتة فى العمل السياسى وخدمته ظروف الحياة فى هذا الأمر بحكم منصب والده، إلا أنه استطاع استثمار هذه الظروف فى تعلم فنون السياسة التى جميعنا نتحدث عنها، ولكننا لا نعرف مقومات إدارتها ودراسة وتحليل وتبعات القرار السياسى هو قرار يؤثر على مصالح الدولة ككل، وليس على وزارة أو مؤسسة أو قطاع فى الدولة لأننا بالفعل نتحدث فقط ولا نريد أن نتعلم لنصل إلى الحقيقة إلا أن هذا لا يمنع القول بأن الحملات التى ظهرت لتأييد جمال مبارك، لم تؤكد وتظهر قدرات هذا الرجل بل إنها أدت إلى تعميق فكرة التوريث فى أذهان الشعب المصرى، وهو أمر خدم من أطلقوا مشكلة التوريث فى الحكم فى مصر " [2].
فى 5 فبراير 2011 ، نتيجه لمظاهرات يناير ، استقال جمال مبارك من الحزب الوطنى و بكده انتهت حكاية التوريث ، و فى 11 فبراير 2011 استقال ابوه حسنى مبارك و استلم العسكر الحكم فى مصر و انتهت بالكامل اسطورة توريث الحكم فى مصر.
مصادر
- طارق النجار، اليوم السابع، 23 نوفمبر 2010.
فهرست
- ↑ بشار الأسد مسك الحكم فى سوريا سنة 2000 بعد وفاة ابوه حافظ الأسد
- ↑ طارق النجار
لينكات خارجيه
