Pitágores
Pitágoras de Samos (aproximadamente 582 edC - 507 edC, en griegu: Πυθαγόρας ο Σάμιος) foi un filósofo y matemáticu griegu, famoso sobre too pol Teorema de Pitágoras.
Pitágoras, nació na islla de Samos. Siendo bien mozo viaxó a Mesopotamia y Exipto. A la vuelta a Samos, finó los sos estudios y fundó la so primer escuela durante la tiranía de Polícrates. Problemes políticos obligaron-y a colar pa Crotona (Crotone), nel sur d'Italia, au fundó la so segunda escuela. Les doctrines d'esti centru cultural yeren rexíes por regles estrictes enforma. La so escuela (anque rigurosamente esotérica) taba abierta a homes y muyeres indistintamente, y la conducta discriminatoria taba desaniciada. Los sos estudiantes pertenecíen a estremaes races, relixones y estratos económicos. Tres de ser espulsaos polos pobladores de Crotona, los pitagóricos exiliáronse en Tarento au fundóse una nueva escuela.
La so escuela de pensamientu afirmaba que la estructura del universu yera aritmética y xeométrica. Poro, les matemátiques convirtiéronse nuna disciplina fundamental pa la investigación científica.
De la infancia de Pitágoras nun se sabe abondo. Yera persona instruída, con conocimientos musicales (sabía tocar la lira) y lliterarios.
Pitágoras ta consideráu l'introductor de pesos y midides, descubridor de la teoría musical; el primeru en falar de "teoría" y de "filósofos", en postular el vacíu, en considerar que l'universu yera una obra namái descifrable por medios matemáticos, y que la tierra tien forma esférica.
La lóxica del númberu
Lo primero ye la unidá, que cada cosa depende de que seya una, y esi ye'l principiu del unu: que cada dalgo seya d'una mena el tou de si o un punto. El cuatro ye'l tránsitu de la superficie a la solidez que representa la pluralidad, la suma de 1, 2, 3 y 4 ye la década, que representa l'armonía, cuyo conteníu ye la progresión lóxica que lleva a ella, y dende la que reiníciase tou movimientu.
La ambigüedá pitagórica
Constituida como secta relixosa encargada de velar polos misterios revelados a Pitágoras, y xebrada en miembros parcialmente iniciaos (los "acusmáticos") y totalmente iniciados (los "matemáticos"), el corpus de rigurosos conocimientos científicos d'esta escuela entemécese con idees místiques y supersticioses populares mui vieyes, vinculaes a la maxa numérica. Esti tratamientu llitúrxicu xustifica la famosa aberración a los númberos reales irracionales, como Pi o raíz cuadrada de dos.
Dellos escritores cuidan que Pitágoras foi una escuela del pensamiento, y non sólo una persona. Dellos opinen dafechu que foron siete personas.
Enllaces Esternos
- Biografía de Pitágoras MundoFilosofía
