Evelyn Pierce

Evelyn Pierce
Vida
Nacimientu	Del Rio, 5 de febreru de 1908
Nacionalidá	Estaos Xuníos
Llingua materna	inglés
Muerte	Oyster Bay (es) , 9 d'agostu de 1960 (52 años)
Causa de la muerte	enfermedá
Familia
Casada con	Robert Allen ( – 1960)
Fíos/es	2
Estudios
Llingües falaes	inglés
Oficiu	actriz, actriz de cine
IMDb	nm0682350

Evelyn Pierce (5 de febreru de 1908, Del Rio – 9 d'agostu de 1960, Oyster Bay ^(es) ) foi una actriz cinematográfica d'Estaos Xuníos de la dómina del cine mudu y de principios de los años trenta.

Biografía

Nacida en Del Rio, Texas, treslladóse a Hollywood pa trabayar como baillarina profesional, siendo afayada por cazatalentos que la aguiyaron pa faer una carrera como actriz a mediaos de los años venti. El so primer papel, ensin apaecer nos creitos, foi na película de 1925 Escuse Me. El so primer papel con creitu facer esi mesmu añu en Don't, xunto a Sally O'Neil. Foi, amás, una de los trelce chiques escoyíes como "WAMPAS Baby Stars" en 1925, llista qu'incluyía a l'actriz June Marlowe. Tres ello robló un pequeñu contratu cola MGM, que duró hasta 1931.

Dende 1927 a 1931 Pierce trabayó en siete películes, dos d'elles ensin apaecer nos creitos. Siguió actuando hasta 1935, en rematando'l so contratu cola MGM, pero de los seis películes nes que trabayó nesi periodu, solo apaeció nos creitos d'una.

Casóse col actor Robert (Tex) Allen y, anque'l so home siguió trabayando hasta los años ochenta, Pierce abandonó la interpretación. Tuvieron una fía, Katherine Meyer, y un fíu, Ted Baehr, que ye un conocíu críticu, según presidente de "The Christian Film and Television Commission" y editor de MOVIEGUIDE. Allen y Pierce se domiciliaron en Oyster Bay (Nueva York), onde moraben nel momentu de la so muerte en 1960.

Referencies

↑ Afirmao en: Internet Movie Database. Identificador IMDb: nm0682350. Data de consulta: 12 xunetu 2016. Llingua de la obra o nome: inglés.

Enllaces esternos

Evelyn Pierce na Internet Movie Database (n'inglés)
Evelyn Pierce, WAMPAS Baby Star, 1925

[cd8fc7307382d1354e04a8e7d336b1105a215971-1] Afirmao en: Internet Movie Database. Identificador IMDb: nm0682350. Data de consulta: 12 xunetu 2016. Llingua de la obra o nome: inglés.

[1]