27 Hydrae
Coordenaes: 
9h 20m 29.015s, -9° 33′ 20.532″
27 Hydrae (27 Hya)[9] ye una estrella múltiple na constelación d'Hidra de magnitú aparente +4,82. Alcuéntrase a 222 años lluz del Sistema Solar.
27 Hydrae A
[editar | editar la fonte]La principal componente del sistema, 27 Hydrae A, ye una xigante mariella de tipu espectral G8III-IV. Tien una temperatura efectivo ente 4920 y 5080 K[10][11] y ye 62 vegaes más lluminosa que'l Sol. El so radiu puede ser 11 vegaes más grande que'l radiu solar,[10] anque otra fonte asígna-y un menor tamañu, en redol a 8 radios solares.[12] Xira sobre sigo mesma con una velocidá de rotación proyeutada de 4,8 km/s, polo que'l so periodu de rotación puede averase a los 80 díes.[12] Amuesa un conteníu metálico daqué inferior a la solar, siendo'l so índiz de metalicidá [Fe/H] igual a -0,07.[13] Ye una estrella del discu finu con una edá envalorada de 740 millones d'años.[13] Anque nun hai consensu tocantes a la so masa, ésta taría nel rangu de 2,3 - 3,7 mases solares.[12][14]
Variaciones na velocidá radial de 27 Hydrae A suxeren la presencia d'un acompañante invisible. El periodu orbital d'esti acompañante puede ser de 3400 díes, tando separáu 5,9 UA al respective de la xigante. Asumiendo una masa de 2,3 mases solares pa esta postrera, la masa mínimo del oxetu sería 10 vegaes mayor que la masa de Xúpiter. Por ello, pue ser un planeta, una nana marrón o una estrella de baxa masa.[12]
27 Hydrae BC
[editar | editar la fonte]Alredor de 27 Hydrae A y el so posible acompañante orbita una binaria formada por una estrella de tipu F4V (27 Hydrae B / HD 80550)[15] y una nana naranxa de tipu K2V (27 Hydrae C / BD-09 2801C).[16] La primera tien una temperatura de 6653 K,[17] una masa un 38% mayor que la del Sol, y rota con una velocidá de siquier 60 km/s. De la segunda namái se sabe que ye un 26% menos masiva que'l Sol.[14]
El periodu orbital del par BC ye d'unos 12.500 años y, de la mesma, empleguen en redol a un millón d'años en completar una vuelta en redol a 27 Hydrae A.[14]
Referencies
[editar | editar la fonte]- ↑ 1,0 1,1 1,2 Afirmao en: SIMBAD.
- ↑ Peter Philip Eggleton (setiembre 2008). «A catalogue of multiplicity among bright stellar systems» (n'inglés). Monthly Notices of the Royal Astronomical Society (2): páxs. 869–879. doi:.
- ↑ 3,0 3,1 3,2 3,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Ulrich Bastian (marzu 2000). «Catálogo Tycho-2». Astronomy and Astrophysics: páxs. L27-L30.
- ↑ «Ca II HK emission in rapidly rotating stars» (n'inglés). Astronomy and Astrophysics (3): páxs. 1099–1107. xineru 2009. doi:.
- ↑ Afirmao en: Gaia DR3. Stated in source according to: SIMBAD. Llingua de la obra o nome: inglés. Data d'espublización: 13 xunu 2022.
- ↑ David Latham (7 avientu 2007). «Rotational and radial velocities for a sample of 761 Hipparcos giants and the role of binarity» (n'inglés). The Astronomical Journal (1): páxs. 209–231. doi:.
- ↑ Afirmao en: Michigan catalogue of two-dimensional spectral types for the HD Stars, Vol. 5. Stated in source according to: SIMBAD. Llingua de la obra o nome: inglés. Data d'espublización: 1999.
- ↑ 27 Hya -- Star in double system (SIMBAD)
- ↑ 10,0 10,1 Massarotti, Alessandro; Latham, David W.; Stefanik, Robert P.; Fogel, Jeffrey (2008). «Rotational and Radial Velocities for a Sample of 761 HIPPARCOS Giants and the Role of Binarity». The Astronomical Journal 135 (1). pp. 209-231. http://cdsads.u-strasbg.fr/cgi-bin/nph-bib_query?2008AJ....135..209M&db_key=AST&nosetcookie=1.
- ↑ Wu, Yue; Singh, H. P.; Prugniel, P.; Gupta, R.; Koleva, M. (2011). «Coudé-feed stellar spectral library - atmospheric parameters». Astronomy and Astrophysics 525. A71. http://cdsads.u-strasbg.fr/cgi-bin/nph-bib_query?2011A%26A...525A..71W&db_key=AST&nosetcookie=1.
- ↑ 12,0 12,1 12,2 12,3 Toyota, Eri; Itoh, Yoichi; Ishiguma, Shinichiro; Urakawa, Seitaro; Murata, Daisuke; Oasa, Yumiko; Matsuyama, Hiroko; Funayama, Hitoshi; Sato, Bun'ei; Mukai, Tadashi (2009). «Radial Velocity Search for Estrasolar Planets in Visual Binary Systems». Publications of the Astronomical Society of Japan 61 (1). pp. 19-28. http://cdsads.u-strasbg.fr/cgi-bin/nph-bib_query?2009PASJ...61...19T&db_key=AST&nosetcookie=1.
- ↑ 13,0 13,1 Soubiran, C.; Bienaymé, O.; Mishenina, T. V.; Kovtyukh, V. V. (2008). «Vertical distribution of Galactic disk stars. IV. AMR and AVR from clump giants». Astronomy and Astrophysics 480 (1). pp. 91-101 (Tabla consultada en CDS). http://cdsads.u-strasbg.fr/cgi-bin/nph-bib_query?2008A%26A...480...91S&db_key=AST&nosetcookie=1.
- ↑ 14,0 14,1 14,2 Tokovinin, A. (2008). «Comparative statistics and origin of triple and quadruple stars». Monthly Notices of the Royal Astronomical Society 389 (2). pp. 925-938. http://cdsads.u-strasbg.fr/cgi-bin/nph-bib_query?2008MNRAS.389..925T&db_key=AST&nosetcookie=1.
- ↑ HD 80550 -- Star in double system (SIMBAD)
- ↑ BD-09 2801C -- Star in double system (SIMBAD)
- ↑ Holmberg, J.; Nordström, B.; Andersen, J. (2009). «The Geneva-Copenhagen survey of the solar neighbourhood. III. Improved distances, ages, and kinematics». Astronomy and Astrophysics 501 (3). pp. 941-947 (Tabla consultada en CDS). http://cdsads.u-strasbg.fr/cgi-bin/nph-bib_query?2009A%26A...501..941H&db_key=AST&nosetcookie=1.
Coordenaes: 9h 20m 29.015s, -9° 33′ 20.532″
Datos: Q5175237
