Limp Bizkit
| Der Artikl is im Dialekt Soizkaummaguadlarisch gschriem worn. |
_II.jpg) | ||
| Oigmoans | ||
| Richtung | Nu Metal, Rapcore | |
|---|---|---|
| Grindung | 1994 | |
| Hoamseitn | http://www.limpbizkit.com | |
Grindungsmitglieda
| ||
| Fred Durst | ||
| John Otto | ||
| Sam Rivers | ||
Aktuelle Bsetzung
| ||
Gsaung |
Fred Durst | |
Schlogzeig |
John Otto | |
Bass |
Sam Rivers | |
Turntables |
DJ Lethal | |
Gitarr |
Wes Borland | |
Ehemolige Mitglieda
| ||
Gitarr |
Rob Waters (1994-1996) | |
Klawia |
Scott Borland (inoffiziells Mitglied, 1996-2001) | |
Gitarr |
Wes Borland (1996-2001, 2004-06) | |
Gitarr |
Mike Smith (2003-2004) | |
Schlogzeig |
Sammy Siegler (saisonial, 2005) | |
Limp Bizkit (limp biscut, limpbizkit, auf deitsch hoaßts sovü wia: kloans, woachs Brod (oda Keks)) is a US-amerikanische Nu Metal und Rapcore Band. Se is oane vo de kommerziell eafoigreichstn Bands vom Crossover. De Band bestehd deazeid ausm Front Sänga Fred Durst, an John Otto, an Sam Rivers, an Wes Borland und an DJ Lethal. Limp Bizkit hod in da USA alloa 17 millionen[1] und wödweid mea wia 50 millionen Oibn vakauft.
Da Naum
[Werkeln | Am Gwëntext werkeln]Die Band is 1994 in Jacksonville, Florida (USA) gründt worn. Damois hod de Band eascht 3 Mitglieda ghobt: An Fred Durst, an Bassistn Sam Rivers und an Rivers sei Cousin, da John Otto am Schlogzeig. Olladings hamse damois nu ned gwusst wia sa se nena soitn. Do is da Zuafoi dazuakema: A Freind vom Durst hod amoi gsogt, sei Hirn fühd se au wia a „limp biscuit“ (Ledschada Keks). Oiso is aus „biscuit“ zeascht „biscut“ und midn Einstieg vom Wes Borlands zu „Bizkit“ worn. So is damois da Naum entstaundn.
De easchtn drei Oibm
[Werkeln | Am Gwëntext werkeln]Eana am 1. Juli 1997 vaeffntlichts Debütoibum Three Dollar Bill, Y'All hod se bis jiatzt 6 Millionen moi vakauft. S'zweite, 1999 vaeffntlichte Oibum Significant Other is zu an nu greßan Vakaufseafoig woan wias Debutoibum. Mid ana storkn Untastützung vom KoRn-Sänga Jonathan Davis, an Wu-Tang Clan sei Method Man und an Stone Temple Pilots-Sänga Scott Weiland hod se des Oibum alloa in da easchtn Wocha 684.000 vakaufd und hod Limp Bizkit damois in de easchte Liga vo de Metalband brocht. Fian 4. Juli 2000 is daun des neiche Olbum midn Naum Limpdependence aukündigt woan. Unta an großn Eafoigsdruck hod de Band aun de neichn Songs gorweit. Da Eafoigswille hod dazua gfiaht, dass da Release-Termin aufn 16. Oktoba 2000 vaschom woan is und des Olbum auf Chocolate Starfish and the Hot Dog Flavored Water umgnennt woan is. Limp Bizkit ham olle bsiherign Vakaufsrekorde mid 1.054.511 vakaufte Oibn in da easchtn Wocha üwabotn. Gleichzeitig hod de Gruppn wieda augfaungt zum tourn.
Anger Management Tour & Pacific Rim Tour
[Werkeln | Am Gwëntext werkeln]Auf da Anger Management Tour hams mid Eminem, Papa Roach und an DMX gspüüd. Direkt im Oschluss hams de Pacific Rim Tour, eana easchte Wödtournee ois Headliner in Japan, Neuseelaund und Australien ghobt. Bei an Konzeat am 26. Jenna 2001 in Australien hods an tragischn Todesfoi duach a fuchzehn jaarigs Diandl des an Herzonfoi griagt hod und gstoam is gem. Se ham owa trotz da offnkundig geeissatn Traua („really nothing can describe the sadness and anguish we are feeling“, af boarisch: „Wirkli nix ko de Traua beschreim, de ma empfindn“) üwa den Voafoi, mid eanara 'Anger Management Tour weidagmochd. Gigs in Deitschlaund und in Ialaund san weng ana Rücknvaletzung vom Fred Durst abgsogt woan.
Fia 2001 is de Vaeffntlichung vo an neichn Oibum, Limp Remizkit aukündigt woan, des nei gmischte – owa bekaunte – Songs drin hom soidad. Im Heabst/Winta 2001 is dauns Oibum untam Naum New Old Songs aufn Moakt kema. Vor da Vaeffntlichung vom neichn Oibum is daun owa da Gittarnspüla Wes Borland bei Limp Bizkit ausgstiegn. Da Borland hod min Musiksenda MTV damois üwa sein Ausstieg gmant, dass a bei LB neta nu wengan Göd midgmochd häd, owa weis eam umd Musi gaunga is hod a mid Kollegn aus seina Zweitbänd Big Dumb Face de Bänd Eat The Day gründt, de se owa boid wieda aufgleßt hod, weis koan Sänga gfundn ham.
Put Your Guitar Where Your Mouth Is
[Werkeln | Am Gwëntext werkeln]Limp Bizkit hamse deswegn an neichn Gitarristn suacha miassn. De Fans haum da „Tour“ Put Your Guitar Where Your Mouth Is de Chance griagt, se in ana 60-sekündign Session z'beweisn. Wia de Tour am 11. Feba 2002 in Los Angeles aufghead hod, hams imma nu koan Easozt fian Wes Borland gfundn. Wei de Produktion vum viatn Oibum boid draukema is, ham da Durst und da Rivers entschlossn zeascht söwa de Gitarrnparts z'mocha. Bei a boa Songs is de Gitarr vom Mitproduzentn und Sound-Engineer Elvis Baskette eigspüüd woan. Kuaz voam End vo de Aufnauhmen zu Results May Vary is da Ex-Snot Mike Smith, dea a Nu Metal erfohrena Musiker wor ind Band eigstiegn. In da Mittn vo 2002 hod se da Fred Durst wieda gmödt. Da Fred häd woin, dass da Wes zruckkimmt. Auf des auffe hoda dem sei E-Mail-Adressn bekaunt gem. Da Wes Borland hod darauf gsogt, dass a de Mailüwaschriftn gleesn hod und se aussagstöd hod dass 75% geng a Comeback gwen san.
Results May Vary (2003 bis August 2004)
[Werkeln | Am Gwëntext werkeln]Am 16. Septemba 2003 is mid „Eat You Alive“ de easchte Singl vo „Results May Vary“, des wos a Wocha späda ind'Gschäfta kema is easchienen. De zweite Singl is des The Who Cover „Behind Blue Eyes“, des a gleichzeitig ois Soundtrack fian Füm „Gothika“ gnumma woan is kema. „Behind Blue Eyes“ wor da chartmäßig gräßte Eafoig fia Limp Bizkit in Eiropa, unta aundam hod dea Song Plotz zwoa in de deitschn bzw. Plotz drei in de estarraischischn Singlecharts earreichd. De Hauptroin im dazuagherign Musikvideo hod de Halle Berry gspüd, de ma doatn min Fred Durst gsägn hod. Vom 1. Juni bis zum 10. August 2004 san Limp Bizkit ois Support gemeinsaum mid Mudvayne, de Deftones, Linkin Park und und Metallica aufd Summer Sanitarium Tour gaunga. Im Herbst hods daun de Back To Basics Tour gemeinsaum mid Korn gem. Vom Feba bis zum Aprü 2004 worn Limp Bizkit in Eiropa auf da Tour.
Da Wiedaeinstieg vom Wes Borland
[Werkeln | Am Gwëntext werkeln]Am 13. August 2004 is da oide Limp-Bizkit-Gitarrist Wes Borland wieda ind Bänd zruckghoid woan. Es hod owa schau länga Gerüchte gem, dass de Band fia a neichs Oibum probn woit, wofias daun a am 13. August 2004 a offizielle Bestätigung vo Limp Bizkit gem hod. Mitanaund hod de oide Besetzung de Aufnauhmen fia The Unquestionable Truth (Part I) augfaungt. Ãfaung 2005 hod se da Schlogzeiga John Otto weng seine Drognprobleme söbst in a Reha-Klinik glegt. Fia eam is da Samy Siegler am Schlogzeig eigsprunga. De Vaeffntlichung vo The Unquestionable Truth (Part I) is ohne a jegliche Medienuntastützung eafoigt und es is koa Single vaeffntlichd woan. Gmessn aun de Vakaufszoin vo Chocolate Starfish And The Hot Dog Flavored Water wor The Unquestionable Truth (Part I) a Flop. Des Oibum hod se in da easchtn Wocha neta uma 250.000 Mal vakauft.
Greatest Hitz
[Werkeln | Am Gwëntext werkeln]Ende 2005 is des Greatest-Hits-Album Greatest Hitz vaeffetlichd woan, des näm de bekauntestn und eafoigreichstn Liadln vo da Band a den ois Singl vaeffntlichtn Song „Home Sweet Home/Bittersweet Symphony“ enthoit, dea a Mischung (Mash-Up) zwischn an Mötley Crüe eanan „Home Sweet Home“ und The Verves „Bitter Sweet Symphony“ is. emfois gibts auf dera CD zwoa aundere Tracks, de „Why“ und „Lean On Me“ hoassn, und aus da Results-may-Vary-Zeit keman. Gleichzeitig is a de DVD „Greatest Videoz“ vaeffntlicht woan, auf deas vü Musikvideos zu de easchienanen Singles gibd. Des Oibum bzw. de DVD is vo da Plottnfiama gfoadat und ned vo Limp Bizkit söwa.
An Wes' sei Projekt
[Werkeln | Am Gwëntext werkeln]Da Gitarrist Wes Borland hod 2005 beschlossn, se da Band „Black Light Burns“ ois Leadsänga auzschliassn, de aus bekaunte Mitglieda vo aundare Bands bestähd: (Wes Borland (Limp Bizkit), Danny Lohner (Nine Inch Nails), Drummer Josh Freese (A Perfect Circle) und da Keyboarda Josh Eustis (Telefon Tel Aviv)). Es is zu Gerüchtn kema, noch denen da Wes de Band Limp Bizkit wieda valossn häd, wei sowoi sei neiche Band owa a Limp Bizkit 2006 auf Tour gaunga wan. Gründe dafia worn, dass mid da Zeid ruahiga um Limp Bizkit woan is, und de Bändmitglieda koan engen Kontakt zuanaunda ghobt ham.
MySpace
[Werkeln | Am Gwëntext werkeln]Ois Reaktion auf a Intaview min Wes Borland im Meaz 2006, in dem a de Auflösung vo Limp Bizkit vakündt hod, hod da Fred Durst gsogt, dass Limp Bizkit se ned aufgleßt hod, sundan aun an neichn Sound órweit und dass LB gród an Ersotz fian Wes Borland suachn. Seidn End vom Streit zwischn an Wes Borland und an Fred Durst, hod da Fred a poor ned vaeffntlichte Songs ins MySpace-Poatal gstöd. U.a hoda When it Rains (zu koana Albumzeid), Crack Addict, Relentless, Cowgirls from Hell, Masterbation, Press Your Luck, Fool's Game, Poison Ivy (olle aus da „Results May Vary“-Zeid), Until the End, Unacceptableinterlude, Space Invader und Say Something Sayable iwa sei MySpace-Seitn vaeffndlicht, um „de Wortezeid aufs neiche Oibum z'vakiazn“.
De Zeid voam Comeback (2007 - 2009)
[Werkeln | Am Gwëntext werkeln]Im März 2007 hod da Fred Durst iwas MySpace-Portal eaneit gschriem, dass a se gean wieda min Wes Borland aufreindn dad um mideinaund a Tour z'mocha. Da Wes hod owa drauf gsògt, dass a se neta nu auf Black Light Burns konzentrian wü. Nochdem laung nix neichs mear vo da Band vaeffntlichd woan is, ham mehrare Fanseitn im Mai 2007 a große Protestaktion weng da Infomationspolitik vo Limp Bizkit gstart. Auf des auffe is auf da MySpace-Seite vo Limp Bizkit a neichs Freestyle-Lied wos „Summer of Bipolar Love“ ghoassn hod, vom Fred Durst vaeffntlicht woan.
Im Feba 2008 hod's a Pressemitteilung weng an Release vo ana Live-DVD vom LB Konzeat beim Rock im Park vo 2001 gem. De DVD is in Deitschlaund am 25. Aprui 2008 (Englaund: 31. Meaz 2008 ; USA: 15. Mai 2008) vaeffntlichd woan, wobei's zwoa vaschiedane Versionen vo da DVD gem hod. A CD/DVD-Veasion und a DVD-Veasion. Auf da DVD is des komplette Konzeat, a Intaview midn DJ Lethal und a Remix-Veasion vom Konzert drauf. Auf da DVD vo da CD/DVD-Version gibts neta a Remix-Veasion vom Konzeat.
Im Jenna 2009 hod de Band daun auf eanara offiziejn Homepage a neichs Büdl vaeffntlicht, duach des san neiche Spekulationen üwa a boidigs Comeback aufkema limpbizkit.com.
Kuaz drauf is bekauntgem woan, dass meglichaweis a neichs Studioalbum kimmt, wahrscheinlich wor The Unquestionable Truth (Part 2).
Ãfang Feba daun, ham Limp Bizkit eana Teilnahme bei de zwoa Deitschn Mainstream Rock Festivals Rock Am Ring und Rock Im Park 2009 zuagsogt ghobt.[2]
S'Comeback (2009-jiatzt)
[Werkeln | Am Gwëntext werkeln]Am 12. Feba 2009 ham Limp Bizkit in eanam Blog Eitrog bekaunt gem, dass in da Zukunft wida in da Originalbesetzung aufspün. Aus dem Eitrog losst se entnehma, dass nem de schau bekaunten Auftritt bei Rock am Ring und Rock im Park[2] im Friajohr a Wöd-Tournee, de Unicorns n'Rainbow Tour, mid zoihreiche Headliner-Auftrittn auf greßane Festivals, u. a as Download Festival in Großbritanien, Rock am Ring/Rock im Park in Deitschlaund und an Nova Rock in estarreich gibt sowia a neichs Oibum pland is.
Da Borland Wes hod de foignde Nochricht bestätigt: „We decided we were more disgusted and bored with the state of heavy popular music than we were with each other. Regardless of where our separate paths have taken us, we recognize there is a powerful and unique energy with this particular group of people we have not found anywhere else. This is why Limp Bizkit is back.“[2][3]
Am 20. Mai 2009 ham Limp Bizkit s'easchte moi seid 8 Joar im originaln Line-up (Fred Durst, Wes Borland, Sam Rivers, John Otto DJ Lethal) auf eanara "Unicorns n' Rainbows" Tour quea duach Eiropa in Riga, Lettlaund gspüd. Am 24. August 2009 wor don da easchte offizielle Tog vo de Aufnauhmen fias neiche Oibum. Oa Monad späda hod da Fred Durst schau iwa Twitter bekaunt gem, dass de Instrumental-Aufnauhmen fertig san. Es is a bekaunt gem woan, dass aufn neichn Oibum da Tom Green und da Christopher Boykin middan.
Späda aussakema, dass s'neiche Oibum "Gold Cobra" hoassn wiad und in da easchtn Höftn vo 2011 aussakimd.
Diskografie
[Werkeln | Am Gwëntext werkeln]Oibm
[Werkeln | Am Gwëntext werkeln]
| Joar | Titl | Chart-Positionen | ||||
|---|---|---|---|---|---|---|
| DE | AT | CH | US | UK | ||
| 1997 | Three Dollar Bill, Yall$ | - | - | - | 22 | - |
| 1999 | Significant Other | 13 | 7 | 38 | 1 | 10 |
| 2000 | Chocolate Starfish And The Hot Dog Flavored Water | 1 | 1 | 4 | 1 | 1 |
| 2001 | New Old Songs | 10 | 12 | 32 | 26 | - |
| 2003 | Results May Vary | 1 | 1 | 6 | 3 | 7 |
| 2005 | The Unquestionable Truth (Part 1) | 4 | 17 | 8 | 24 | - |
| 2005 | Greatest Hitz | 20 | 27 | 41 | 47 | - |
| 2008 | Rock im Park 2001 | - | - | - | - | - |
| 2008 | Collected | - | - | - | - | - |
| 2011 | Gold Cobra | 1 | 2 | 2 | 16 | 30 |
| 2021 | Still Sucks | |||||
Singls
[Werkeln | Am Gwëntext werkeln]| Joar | Liad | Hächste Chartposition | Oibum | ||||||||||||
|---|---|---|---|---|---|---|---|---|---|---|---|---|---|---|---|
| US | US Main |
US Mod |
AUS | AUT | D | NLD | NZ | SU] | UK | ||||||
| 1997 | "Counterfeit" | — | — | — | — | — | — | — | — | — | — | Three Dollar Bill, Yall$ | |||
| "Sour" | — | — | — | — | — | — | — | — | — | — | |||||
| 1998 | "Faith" | — | 33 | 28 | — | — | — | — | — | — | — | ||||
| 1999 | "Nookie " | 80 | 6 | 3 | 13 | — | — | 36 | — | — | — | Significant Other | |||
| "Re-Arranged" | 75 | 8 | 1 | 35 | — | — | — | — | — | — | |||||
| "N 2 Gether Now" (feat. Method Man) | 70 | — | — | — | — | — | — | — | — | 184 | |||||
| 2000 | "Break Stuff" | 123 [12] |
19 | 14 | 41 | — | 42 | 28 | — | 95 | — | ||||
| "Take a Look Around" | 115 [12] |
15 | 8 | 28 | 4 | 4 | 7 | 29 | 7 | 3 | Mission: Impossible II Chocolate Starfish... | ||||
| "Rollin' (Air Raid Vehicle)" | 65 | 10 | 4 | 11 | 10 | 10 | 18 | 14 | 21 | 1 | Chocolate Starfish... | ||||
| "My Generation" | — | 33 | 18 | 31 | 19 | 23 | 14 | 14 | 23 | 15 | |||||
| 2001 | "My Way" | 75 | 4 | 3 | — | 51 | 38 | 56 | 41 | 99 | 6 | ||||
| "Boiler" | — | 30 | — | — | 44 | 50 | 68 | 68 | 57 | 18 | |||||
| 2003 | "Eat You Alive" | — | 16 | 20 | 30 | 16 | 13 | 36 | — | 31 | 10 | Results May Vary | |||
| "Behind Blue Eyes" | 71 | 11 | 18 | 4 | 3 | 2 | 5 | 5 | 5 | 18 | |||||
| "Red Light-Green Light" (feat. Snoop Dogg | — | — | — | — | — | — | — | — | — | — | |||||
| 2005 | "Home Sweet Home/Bittersweet Symphony" | — | — | — | — | 44 | 45 | 96 | — | — | — | Greatest Hitz | |||
| 2011 | "Shotgun" | — | — | — | — | — | — | — | — | — | — | Gold Cobra | |||
| "Gold Cobra" | — | — | — | — | — | — | — | — | — | — | |||||
| "—" zoagt a vaeffntlichung au, des ned in de Charts gschofft hod. | |||||||||||||||
Demos
[Werkeln | Am Gwëntext werkeln]- 1995: Mental Aquaducts (ois Limp Biscut)
- 1996: Three Dollar Bill Y'all
DVDs
[Werkeln | Am Gwëntext werkeln]- 2005: Greatest Videoz
- 2008: Rock Im Park 2001
Soundtracks
[Werkeln | Am Gwëntext werkeln]- 1998: Faith (Very Bad Things)
- 1999: Just Like This (Big Daddy)
- 1999: Crushed (End of Days)
- 1999: "N2Gether Now" (How High)
- 2000: Take A Look Around (Mission Impossible II)
- 2001: My Way & Rollin' (Air Raid Vehicle) (Wrestlemania X-Seven)
- 2001: Rollin' (Urban Assault Vehicle) (The Fast and the Furious)
- 2001: Rearranged (Das Haus am Meer)
- 2001: Rollin' (Air Raid Vehicle) (WWF Smackdown! Just Bring It - Videospü)
- 2001: Rollin' (Air Raid Vehicle) (Undertaker) - Big Evil Gimmick
- 2002: Rollin' (Air Raid Vehicle) (Wrestlemania X-8)
- 2003: Counterfeit (Pauly Shore Is Dead)
- 2003: Crack Addict & Rollin' (Air Raid Vehicle) (Wrestlemania XIX)
- 2003: Build a Bridge (Survivor Series 2003)
- 2003: Behind Blue Eyes (Gothika)
Videografie
[Werkeln | Am Gwëntext werkeln]- 1997: Counterfeit (Version 1)
- 1997: Counterfeit (Version 2)
- 1998: Sour
- 1998: Counterfeit (Lethal Dose Remix)
- 1998: Faith
- 1998: Faith (Australische Version)
- 1999: Nookie
- 1999: Re-Arranged
- 1999: N 2 Gether Now
- 2000: Break Stuff
- 2000: Take A Look Around
- 2000: My Generation
- 2000: Rollin'
- 2001: My Way
- 2001: My Way (William Orbit Remix)
- 2001: Boiler
- 2001: Faith/Fame (Remix)
- 2001: Nookie (Androids vs. Las Putas Remix)
- 2001: Nookie (Neptunes Remix)
- 2001: N 2 Gether Now (Neptunes Remix)
- 2001: Re-Arranged (Timbaland Remix)
- 2003: Eat You ALive
- 2003: Behind Blue Eyes
- 2003: Behind Blue Eyes (US-Veasion)
- 2003: Behind Blue Eyes (US-Veasion - Edition 2)
- 2005: The Truth
- 2005: Home Sweet Home / Bittersweet Symphony
- 2011: Gold Cobra
- 2011: Autotunage
Auszeichnunga
[Werkeln | Am Gwëntext werkeln]- MTV Video Music Awards: bests Rock Video (Break Stuff; 2000)
- MTV Video Music Awards: bests Rock Video (Rollin; 2001)
- Billboard Video Music Awards: bests Video vom Joar (Break Stuff; 2000)
- Billboard Video Music Awards: Maximum Award Vision (Nookie; 2001)
- Orvill J.Gibson Award: besta Bassist: Sam Rivers (2000)
- Blockbuster Awards: beste „Modern Rock Group“ (2000)
- Billboard End-Year Charts: beste Rockband (2000)
- MTV Europe Music Awards: beste Webseitn (2001)
- MTV Europe Music Awards: beste Gruppm (2001)
- MTV Europe Music Awards: bests Oibum (Chocolate Starfish and the Hot Dog Flavoured Water; 2001)
- American Music Awards: beste „Altanative Group“ (2001)
- Blockbuster Award: beste Rockband (2001)
- Echo: beste intanationale Metalband (2001)
- American Music Award: besta „alternative Artist“ (2002)
- The K-Rock Awards: bests Cova vom Joares (2003)
- The K-Rock Awards: besta „screaming vocal“ (2003)
Im Netz
[Werkeln | Am Gwëntext werkeln]- Offizielle internationale Website (englisch)
- MySpace (offizielle Neigkeitn Plottform)
- Limp Bizkit bei laut.de
Beleg
[Werkeln | Am Gwëntext werkeln]- ↑ [1] Archivierte Kopie (Memento des Originals [2] vom 25. Juli 2013 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ 2,0 2,1 2,2 [3]
- ↑ http://www.limpbizkit.com/
- ↑ 4,0 4,1 4,2 American singles chart. Billboard charts. Archiviert vom Original [4] am 13. Juni 2008. Abgerufen am 3. Septemba 2008.
- ↑ Australian singles chart. australian-charts.com. Abgerufen am 3. Septemba 2008.
- ↑ Austrian singles chart. austriancharts.at. Abgerufen am 3. Septemba 2008.
- ↑ Referenzfehler: Es ist ein ungültiger
<ref>-Tag vorhanden: Für die Referenz namensgerwurde kein Text angegeben. - ↑ Dutch singles chart. dutchcharts.nl. Abgerufen am 3. Septemba 2008.
- ↑ New Zealand singles chart. charts.org.nz. Archiviert vom Original [5] am 14. Meaz 2016. Abgerufen am 3. Septemba 2008.
- ↑ Swiss singles chart. Die Offizielle Schweizer Hitparade. Abgerufen am 3. Septemba 2008.
- ↑ Referenzfehler: Es ist ein ungültiger
<ref>-Tag vorhanden: Für die Referenz namensukwurde kein Text angegeben. - ↑ 12,0 12,1 American singles chart
