Jump to content

Mandaue

Gikan sa Wikipedia, ang gawasnong ensiklopedya

Ang Mandaue usa ka ika-1 klase nga dakbayan sa lalawigan sa Sugbo sa Pilipinas. Kining dakbayan usa sa mga kinaurbanisadong dakbayan sa lalawigan sa Sugbo, kauban sa Dakbayan sa Sugbo ang ulohan sa lalawigan. Kining duroha na dakbayan maoy ang sentro sa arya sa Metropolitan Sugbo.

Ang Mandaue tabok sa Pulo sa Mactan. Sa Mactan ang Dakbayan sa Lapu-Lapu, ug didto nahamutangan ang Mactan-Cebu International Airport, na maoy ang ika-duhang busiestnga tugpahanan sa nasod. Nahasumpay ang Mandaue sa Mactan pinaagi sa Mandaue-Mactan Bridge ug Marcelo Fernan Bridge na mao ra ang duha ka ruta gikan sa tugpahanan ug Dakbayan sa Sugbo.

Sumala sa senso sa 2009, ang Mandaue may 337,320.

Impraestruktura

Payl:Skyline mandaue3.jpg
Dalan sa Mandaue
Cebu International Convention Center

Makit-an sa dakbayan ang Cebu International Convention Center.

Mga baranggay

Ang Dakbayan sa Mandaue may kawhaan ug pito (27) ka baranggay.

  • Alang-alang
  • Bakilid
  • Banilad
  • Basak
  • Cabancalan
  • Cambaro
  • Canduman
  • Casili
  • Casuntingan
  • Centro (Pob.)
  • Cubacub
  • Guizo
  • Ibabao-Estancia
  • Jagobiao
  • Labogon
  • Looc
  • Maguikay
  • Mantuyong
  • Opao
  • Pakna-an
  • Pagsabungan
  • Subangdaku
  • Tabok
  • Tawason
  • Tingub
  • Tipolo
  • Umapad

Labogon

Ang Labogon usa sa mga labing dako nga baranggay sa Mandaue, Sugbo, Pilipinas. Sa Labogon makita nimo ang laing-laing industriya.

Tipolo

Ang Tipolo usa ka barangay sa Mandaue sa nasud sa Pilipinas. Ang Tipolo maoy usa sa kinaurbanisadong baranggay sa Mandaue. Mao usab kini ang may pinaka-dako ug kita.

Diin gikan ang pangalan

Ang baranggay sa Tipolo ginganlan human sa puno-an sa Tipolo. Ang maong puno-an paryente sa puno-an sa Breadfruit (Ngalan sa Sinugboanon: puno-an sa kulo) sa pamilya sa mga puno-an na Moraceae. Kaning mga dagkong puno-an abunda kaayo sa una sa gihisgutang baranggay[1].

Kasaysayan

Ang kasaysayan sa barangay Tipolo wala mahilayo sa kasaysayan sa dakbayan sa Mandaue. Mahimong isulti na ang dakbayan sa Mandaue gasugod sa barangay sa Tipolo.

Niadtong ika-7 sa Abril 1521, si Fernando de Magallanes midunggo ug mitukod ug gamayng sityohan sa Cove of Cebu[2]. Lima ka dekada human sa kamatayon ni Ferdinand Magellan, si [[Miguel López de Legazpi mibalik sa Pilipinas[2]. Ang maong tuig, 1565, si Legazpi mitukod sa pinakaunang dry-dock complex sa maong dapit[2].

Pipila ka-metro gikan sa maong dapit makita ang usa ka tubod na gilibutan sa mga puno-an sa Tipolo. Mga tawo nga nagagikan sa nagkalain-laing dapit moadto sa tubod para manglaba ug maligo. Duol sa tubod ug hitung-an sa mga puno-an sa Tipolo nahiluna ang karaang agianan sa tren.

Sa dekada 60, ang San Miguel Corporation mipalapad sa ilang operasyon sa probinsya sa Cebu. Ang Mandaue maoy napilian na tukoran sa bag-ong brewing complex. Sa Tipolo gitukod ang maong complex tungod sa maayong nahimutangan sa barangay. Gisugdan pagtukod ang industrial complex niadtong tuig 1964 ug gi-inaugurahan sa ika-8 sa Pebrero 1968. Ang 2.71 ektaryang SMC complex miukopar sa lugar na umahan kaniadto. Sugod niadto ang maong edipisyo gihimo na usa ka mohon sa barangay sa Tipolo ug usab sa Mandaue[2]. Masulti sa usa ka tawo na naa na siya mahimutang sa Tipolo kung makita niya ang edipisyo sa SMC.

Karon wala'y usa ka puno-an sa Tipolo na makita sa barangay. Nahubas usab ang tubod. Sa nahimutangan kaniadto sa tubod, misubay ang usa ka kanal na awasanan sa mga hugaw sa SMC. Ibabaw sa kanal nahiluna ang Tipolo bridge. Sumpay sa taytayan ang highway, M.C. Briones Street, kung diin nahiluna kaniadto ang agianan sa tren[1]. Ang baybayon sa Tipolo kung diin nagsugod ang barangay, nawala na human gi-reclaim sa 1990's.


Heograpiya

Ang Tipolo maoy ikaduhang habagatanong barangay sa Mandaue. Ang una mao ang Subangdaku na maoy boundary sa Tipolo sa habagat ug sa habagatnong kasadpan. Sa sidlakan ang boundary sa Tipolo mao ang Mandaue Reclamation Area. Sa norte mao ang barangay Guizo ug sa amihanang sidlakan ang Banilad, Mandaue.


Konsulada

Consulate: Netherlands
Address: Methaphil Compound Tipolo, Mandaue City
Telephone Number: (63-32) 346-1823
Honorary Consul: Mr. Roberto E. Aboitiz


Mga Eskuylahan


Mga kompanyang nahimutang sa barangay

Mga reperensya

  1. ↑ 1.0 1.1 Mandaue City Barangay Information Sharing Network
  2. ↑ 2.0 2.1 2.2 2.3 The City - City of Mandaue Cite error: Invalid <ref> tag; name "City" defined multiple times with different content

Mga sumpay sa gawas

Gikuha gikan sa "https://ceb.wikipedia.org/w/index.php?title=Mandaue&oldid=648711"