Курнавăш ял тăрăхĕ

Курнавăш ял тăрăхĕ — Чăваш Республикин Елчĕк районĕнчи муниципалитет. Тĕп ялĕ - Курнавăш. Тăрăхĕнче çичĕ ял.

Ял тăрăхĕн пуçлăхĕ — Кузьмин Владимир Ильич.

Кун-çулĕ

XVI ĕмĕрĕн пуçламăшĕнче Кĕçĕн Пăла çывăхне Тăвай районне кĕрекен Тушкил ялĕнчен çынсем куçса килнĕ. Вĕсем Кĕçĕн Пăла юхан шывăн кăнтăр енче йĕркеленнĕ. Хăйсен ялне вара Курнавăш тесе ят панă. Курнавăш «курнă» сăмахран тата «вăш» татăкран тăрать. Ăна пуçарса яраканĕ вăрăм çи-пÿллĕ, хытканрах этем Кăрăç Папай пулнă. Пĕррехинче вăл хăй ялĕнчен кăнтăр еннелле çичĕ çухрăм çула тухать. Ăна çĕр виçекен чарсассăн вара Кăрăç Папай аллисене сарса пăрахса çĕр çине выртать. Унтан çĕр виçекенрен алăсенчен тĕрлĕ енне тата тăватă çухрăм виçсе пама ÿкетлет. Çĕр виçекен Кăрăç Папай ыйтăвне канăçтарать. Уншăн çак чиновника лаша парса тав тăваççĕ. Чи малтанах çак ялта темиçе çемйе çеç тĕрекленнĕ: Кăрăç Папай, Изамблат, Шакл, Мулентей, Туйтерек, Ентирек, Мăрсанай, Мусканей, Явкай, Мишке, Енехмет. Каярах кунта паянхи Курнавăш пулса тăрать.

Паллă çыннисем

• Кадышев Михаил Семёнович, сăвăç;
• Прокопьев Николай Алексеевич, сăвăç;
• Христофоров Иван Иванович, юрăçă;
• Христофоров Вячеслав Васильевич, юрăçă;
• Турхан Кузьма, çыравçă;
• Турхан Хветĕр, сăвăç;
• Турхан Энтри, сăвăç, тăлмач;
• Елен Нарпи, çыравçă;
• Кузнецов Иван Данилович, критик-литературовед.

Ялсем

Ял тăрăхне кĕрекен ялсем:

Ят	Ял капĕ	Халăх шучĕ
Курнавăш (выр. Новые Шимкусы)	Тĕп ял	1050
Çĕнĕ Пăва (выр. Новое Байбатырево)	Ял	651
Вырăскасси (выр. Полевые Буртасы)	Ял	273
Çуткÿль (выр. Белое Озеро)	Ял	275
Аслă Шăхаль (выр. Новое Чурино)	Ял	324
Кĕçĕн Шăхаль (выр. Новое Ищеряково)	Ял	194
Турхан (выр. Карабаево)	Ял	137

Организацисем

Курнавăш ял тăрăхĕнче çак организацисем пур:

• Курнавăш ял-хуçалăхăн администрацийĕ;
• Курнавăшри вăтам пĕлÿ паракан тĕп шкул;
• «Ылтăн пулă» ача-пăча сачĕ;
• Курнавăшри вăтам пĕлÿ паракан тĕп шкулăн пĕрле пурăнмалли çурт;
• Курнавăшри вăтам пĕлÿ паракан тĕп шкулăн стадионĕ;
• Курнавăш ял тăрăхĕнчи АТС;
• Курнавăш ял тăрăхĕнчи моделлĕ библиотека;
• Курнавăш ял тăрăхĕнчи чирккÿ;
• Курнавăш ял тăрăхĕнчи историпе краеведени халăх музейĕ;
• Курнавăш ял тăрăхĕнчи Культура çурчĕ;
• Курнавăш ял тăрăхĕнчи фельдшерпа акушер пункчĕ;
• Курнавăш ял тăрăхĕнчи çыхăну пайĕ;
• 2 мăкаçей.

Çавăн пекех ял-хуçалăх производствăллă кооператив çирĕп аталанса пынине палăртмалла.

Кĕперсем

Курнавăш ял тăрăхĕн официаллă сайчĕ