28. desember

Nov - Des - Jan
Má	Tý	Mi	Hó	Fr	Le	Su
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
Kalendari fyri 2024 Allir dagar

28. desember er dagur 362 í árinum í gregorianska kalendaranum (dagur 363 um skotár er). 3 dagar eru eftir av árinum.

Hendingar

• 1065 - Westminister Abbey í London verður vígd. Kirkjan í dag er bygd í 1340-1509, men ein einstakur bygningur er eftir av upprunakirkjuni.
• 1869 - Tannlæknin William Semple fær patent til tyggigummi.
• 1879 - Tay jarnbreytarbrúgvin í Skotlandi brotnar, meðan tokið úr Edinburgh til Dundee fer um hana. Tokið dettur niður í ánna, og í minsta lagi 59 fólk láta lív.
• 1968 - Ísraelskarherdeildir gera álop á Beirut Airport og leggja 13 arabisk flogfør í oyði.
• 1990 - Danska kommunistblaðið Land og Folk kemur út á síðsta sinni. Blaðið kom fyrstu ferð út í 1921 við navninum Arbejderbladet.
• 2013 - Ein álvarsom ferðsluvanlukka hendi í Oyndarfirði onkuntíð millum kl. 6 og 10 um morgunin. Tveir ungir mans vóru við bilinum, 20 og 22 ára gamlir, báðir úr Oyndarfirði. Bilurin var farin útav vegnum og endaður á sjónum við Rættargjógv. Tann 22 ára gamli maðurin, Jens Pauli Juul, varð funnin deyður sama morgun, sum vanlukkan hendi. Leita varð eftir tí 20-ára gamla manninum í fleiri dagar, men hann varð ikki funnin fyrr enn eina viku seinni, tá umleið 400 fólk og 70 bátar luttóku í leitingini saman við Brimli, Tjaldrinum og Hvidbjørnen. Harumframt luttóku eisini eitt nú bjargningarbátarnir Lív, Ziska og Sverri. Líkið av Rana í Billustovu varð funnið hin 4. januar 2014 kl. 13.44.
• 2014 - Eldur kom í italsku bilferjuna Norman Atlantic, sum grikska reiðaríið Anek Line leigaði, tá ið hon var á veg úr grikska býnum Patras til italska býin Ancona við støðgi í havnabýnum Igoumenitsa. 478 fólk vóru við ferjuni, 423 ferðafólk og manningin taldi 55. Eldurin kyknaði á dekkinum tíðliga um morgunin. Veðrið var sera vánaligt og bjargingararbeiði tók langa tíð, tyrlur tóku ein persón í senn upp av dekkinum. Mánadag seinnapart eydnaðist tað at bjarga teimum seinastu, og tá vóru øll, ið vóru á lívi, bjargaði av ferjuni. Tíggju fólk eru higartil funnin deyð orsakað av vannlukkuni, og tveir albanar doyðu, tá ið ferjan bleiv sleipað til albanska býin Vlori.
• 2014 - Eitt Malaysiskt flogfar datt niður í Karimatasundið, millum oyggjarnar Java, Sumatra og Borneo. 155 ferðafólk vóru umborð á flogfarinum umframt manningina, ið taldi 7 persónar. Flogfarið var á veg úr Surabaya í Indonesia til Singapore. Av ferðafólkunum vóru 16 børn og eitt pinkubarn. Restir av flogfarinum og fleiri lík vóru funnin tveir dagar seinni, 30. desember, á sjónum umleið 10 km frá staðnum har flogfarið seinast var sætt á radara.

Føðingar

• 1856 - Woodrow Wilson, amerikanskur forseti (d. 1924)
• 1882 - Lili Elbe, danskur listmálari (d. 1931)
• 1932 - Katy Bødtger, danskur sangari
• 1934 - Maggie Smith, bretsk sjónleikarinna
• 1954 - Denzel Washington, amerikanskur sjónleikari
• 1981 - Sienna Miller, bretsk-amerikonsk sjónleikarinna

Andlát

• 1937 - Maurice Ravel, franskur komponistur (f. 1865)
• 1983 - Dennis Wilson, amerikanskur tónleikari (The Beach Boys) (f. 1944)
• 2015 - Lemmy, bretskur tónleikari (f. 1945)
• 2016 - Debbie Reynolds, amerikonsk sjónleikarinna (f. 1932)