ECU

Ponderación das moedas nacionais respecto ao valor do ECU

Moeda	13.03.1979- 16.09.1984	17.09.1984- 21.09.1989	21.09.1989- 31.12.1999
BEF	9.64%	8.57%	8.183%
DEM	32.98%	32.08%	31.955%
DKK	3.06%	2.69%	2.653%
ESP	-	-	4.138%
FRF	19.83%	19.06%	20.316%
GBP	13.34%	14.98%	12.452%
GRD	-	1.31%	0.437%
IEP	1.15%	1.20%	1.086%
ITL	9.49%	9.98%	7.840%
LUF	-	-	0.322%
NLG	10.51%	10.13%	9.98%
PTE	-	-	0.695%

O ECU (European Currency Unit, en galego Unidade Monetaria Europea), foi unha unidade de conta empregada na Comunidade Europea —posteriormente Unión Europea (UE)— con propósitos monetarios. O código ISO 4217 era XEU.

Historia

Creada en 1979, o ECU foi ata o 31 de decembro de 1998 a unidade de conta do Sistema Monetario Europeo (SME) e dos documentos xurídicos e financeiros da UE, empregouse en créditos sindicais e nas operacións comerciais do mercado monetario, sendo reemprazada polo Euro o 1 de xaneiro de 1999.

O seu nome, ECU, etimoloxicamente escudo que proven do grego skytos, é representativa da numismática francesa, a referencia obrigada na Europa continental durante cuatrocentos anos, dende a súa orixe no século XIII, acuñadas por primeira vez por Luis IX, antes de partir ás cruzadas, e que baixo distintas improntas, circulou ata o século XVII.

ECU, pola súa resonancia francesa, non era do agrado de todos, e o chanceler de Alemaña Helmut Kohl sinalou que lle soaba igual a Ein Kuh, que en alemán poderíase entender coma unha vaca. Na reunión de Madrid de decembro de 1995, optouse por chamar Euro á moeda única comuntaria, tendo unha paridade 1:1 co ECU.

Nunca se acuñaron moedas de ECU, salvo para ocasións conmemorativas e para coleccionistas. Tampouco se emitiron billetes nesta unidade monetaria.

Funcionamento

Tratábase dunha moeda cesta, composta pola suma de cantidades fixas de doce das quince moedas dos Estados membros, estimándose a porcentaxe de cada unha delas en función de tres criterios: a participación de cada unha das divisas no conxunto do comercio intracomunitario, o PIB de cada país e a súa cuota no Fondo Europeo de Cooperación Monetaria (FECM).

Respaldado polo Fondo Europeo de Cooperación Monetaria, o ECU desempeñou un papel fundamental no mecanismo de tipos de cambio (MTC), en virtude do cal os estados membros debían manter o valor das súas moedas nacionais dentro dunha banda porcentual respecto dunha paridade central. Non obstante, o ECU non so dependía do MTC. As moedas dos membros da UE que non pertencían ao MTC, como o Reino Unido e Italia, continuaron sendo partes integrantes do ECU.

A composición do ECU modificouse en varias ocasións, pero quedou conxelada o 1 de novembro de 1993, cando entrou en vigor o Tratado de la Unión Europea. Esta conxelación debía ser irrevocable ata o comezo da terceira fase da Unión Económica e Monetaria. Con todo, variou o tipo de cambio de cada moeda fronte ás moedas doutros estados membros do SME e fronte ao ECU. Se unha moeda incrementaba o seu valor con respecto a tódalas demáis, eran necesarias menos unidades desta moeda para adquirir a mesma cantidade de calquera das restantes moedas ou do ECU das que se precisaban anteriormente.

Véxase tamén

• Banco Central Europeo
• Euro

ligazón externa

• Imaxe