Rodolfo Ucha

Rodolfo Ucha Piñeiro

Nome orixinal	(es) Rodolfo Ucha
Biografía
Nacemento	(es) Justo Perfecto Rodolfo Ucha Piñeiro 29 de setembro de 1882 Vigo, Galiza
Morte	27 de xaneiro de 1981 Ferrol, Galiza
País de nacionalidade	Galego
Educación	Universidade de Madrid
Actividade
Ocupación	Arquitecto
Movemento	Arquitectura Art Nouveau
Obra
Obras destacables Casa Rodríguez Fernández Casa Pereira Casa Antón
Familia
Cónxuxe	María de los Ángeles Donate Hernández-Ardieta

Fachada do Teatro Jofre, 1921.

Rodolfo Ucha Piñeiro, nado en Vigo o 29 de setembro de 1882 e finado en Ferrol o 27 de xaneiro de 1981, foi un arquitecto galego, un dos practicantes do estilo modernista na Galiza, especialmente en Ferrol.

Traxectoria

Sendo un neno trasladouse coa súa nai, viúva, a Ferrol. Logo de estudar na Escola Técnica Superior de Arquitectura de Madrid, en 1906 obtivo o título. Volveu a Ferrol onde traballou como arquitecto municipal dende 1909.

Faleceu na cidade departamental, case centenario, o 27 de xaneiro de 1981.

Características

A obra de Ucha inscríbese no estilo modernista, no que utiliza ás veces elementos innovadores, como poden ser as cores ou os chapiteis. Nos proxectos máis tardíos, dende os anos 30, os seus proxectos acostuman incluírse como déco.

Obra (selección)

Practicamente todas as súas obras foron levantadas na mesma cidade de Ferrol.

• Fonda Suíza (actual Hotel Suízo), 1910.
• Casa Romero, 1910.
• Peixería de Abastos Municipais, 1910.
• Edificio de "El Correo Gallego", 1912.
• Casa Brañas, 1913.
• Hotel Suízo, 1913.
• Hotel Ideal, 1917.
• Chalet de Emilio Antón Iboleón, 1918.
• Casino de Ferrol, 1921.
• Fachada do Teatro Jofre, 1921.
• Edificio Pita Saavedra, 1939.
• Edificio Calvo Formoso, 1939.

Galería

• 
  Casa Pereira
• 
  Antiga imprenta de El Correo Gallego
• 
  Casino de Ferrol
• 
  Hotel Suízo
• 
  Casa Brañas
• 
  Casa Rodríguez Trigo

Véxase tamén

Ligazóns externas

• Burgoa, Juan (9-4-2014). "Penoso centenario del modernismo de Rodolfo Ucha". Diario de Ferrol (en castelán).