Alberto García García
| Biografía | |
|---|---|
| Nacemento | 22 de setembro de 1953  (71 anos)Catoira, España |
 Alcalde de Catoira | |
| maio de 2020 – 2023 ← Xoán Xosé Castaño Conde – Xoán Xosé Castaño Conde → | |
| Alcalde de Catoira | |
| 1989 – 2019 – Xoán Xosé Castaño Conde → | |
| Actividade | |
| Lugar de traballo | Catoira |
| Ocupación | político |
| Partido político | Partido Socialista Obrero Español |
| Membro de | |
Alberto García García, nado en Catoira o 22 de setembro de 1953, é un político galego do PSdeG-PSOE.
Traxectoria
[editar | editar a fonte]Administrativo. É concelleiro en Catoira dende 1979, cando encabezou por primeira vez a candidatura do PSdeG-PSOE. No inicio da súa carreira política mantivo responsabilidades de goberno co alcalde independente de esquerdas Andrés Castaño Conde. Trala integración deste no grupo socialista en 1983, foi o número 2 da candidatura socialista, tanto nesa convocatoria como en 1987, logrando a maioría absoluta en ambas as ocasións.
Foi elixido alcalde en xullo 1989, logo da dimisión de Castaño. Nas eleccións municipais de 1991 encabezou a candidatura socialista e foi reelixido alcalde cunha ampla maioría absoluta de 9 concelleiros sobre 11. Volveu ser reelixido en 1995 e 1999 con maioría absoluta, 7 concelleiros, sendo ademais deputado provincial entre 1999 e 2003.
Nas municipais de 2003 perdeu a maioría absoluta, ao baixar a 5 concelleiros ante o pulo do BNG, sendo reelixido alcalde como cabeza da lista máis votada e gobernando con apoios puntuais dos demais grupos. Nas municipais de 2007 recuperou a maioría absoluta con 6 concelleiros. En 2011 e 2015 revalidaría novamente a alcaldía con maioría absoluta, subindo a 7 concelleiros no 2015.
Nas municipais de 2019 perdeu a maioría absoluta ao baixar a 5 concelleiros, ante o ascenso experimentado polo PPdeG. Desta forma perdeu a alcaldía ao apoiaren os 3 concelleiros do PPdeG ó candidato do BNG, Xoán Castaño Conde, segunda forza máis votada, tamén con 3 concelleiros[1]. As malas relacións entre os candidatos nacionalista e popular levaron a que en marzo de 2020 se anunciase unha moción de censura que o devolvería á alcaldía co apoio dos populares. Porén, en maio de 2020 a moción desactivouse pola dimisión de Castaño, forzada por concelleiros do grupo socialista que buscaban evitar o acordo co PPdeG, o cal supuxo un cisma entre estes e García[2]. Desta forma, no mes de xuño de 2020 recuperou a alcaldía como cabeza da lista máis votada, conformando un goberno con tódolos edís socialistas agás un[3]. En abril de 2021 destituíu os dous concelleiros críticos que entraran no goberno, polo que gobernou o resto do mandato cun só un concelleiro a maiores del[4].
Nas municipais de 2023 perdeu a alcaldía ao lograr o BNG a maioría absoluta.
| Predecesor: Andrés Castaño Conde |
Alcalde de Catoira 1989 - 2019 |
Sucesor: Xoán Castaño Conde |
| Predecesor: Xoán Castaño Conde |
Alcalde de Catoira 2020 - 2023 |
Sucesor: Xoán Castaño Conde |
Notas
[editar | editar a fonte]- ↑ Redacción (15 de xuño de 2019). [Redacción "Xoan Xosé Castaño Conde, del Bng, elegido alcalde de Catoira con el apoyo del PP"]
|url=incorrecto (Axuda). farodevigo.es (en castelán). Consultado o 9 de marzo de 2023. - ↑ Redacción/Europa Press (21 de maio de 2020). "Dimite o alcalde de Catoira (BNG) e suspéndese o pleno da moción de censura presentada por PSOE e PP". nosdiario.gal. Consultado o 9 de marzo de 2023.
- ↑ Alberto García regresa a la Alcaldía de Catoira
- ↑ García retira áreas de gobierno a los tres concejales críticos y el PSOE de Catoira pide que dimitan como ediles
Véxase tamén
[editar | editar a fonte]Bibliografía
[editar | editar a fonte]- Barrera, Feliciano, ed. (2002). "García García, Alberto". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. ISBN 84-8064-113-4.
Outros artigos
[editar | editar a fonte]Ligazóns externas
[editar | editar a fonte]