Código Lyoko
 | Este artigo ou sección describe un tema de ficción principalmente desde unha perspectiva ficticia. Por favor, revise o contido e reescriba o mesmo para explicar a ficción con claridade, desde a perspectiva do mundo real. |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2013.) |
| Código Lyoko | |
|---|---|
 Logo de Código Lyoko. | |
| Formato | Acción, Aventuras |
| Creado por | Thomas Romain e Tania Palumbo |
| Intérpretes | Animación |
| Tema de apertura | Un monde sans danger (Un mundo sen perigo) |
| País de orixe | Francia |
| Episodios | 52 |
| Produción | |
| Produtor(es) executivo(s) | Christophe e Benoît Di Sabatino |
| Duración | 26 minutos por episodio |
| Emisión orixinal | |
| Canle de orixe | France 3 |
| Primeiro episodio | 3 de setembro de 2003 |
| Derradeiro episodio | ? |
| Na rede | |
| https://web.archive.org/web/20140209080852/http://www.netmedia.co.id/program/code-lyoko | |
     | |
| [ editar datos en Wikidata ] | |
Código Lyoko (Code Lyoko) é unha serie animada francesa creada por Thomas Romain e Tania Palumbo no ano 2003. Está producida por Antefilms (1ª tempada) e por MoonScoop (da 2ª tempada en diante), en asociación con France 3 e Canal J.
Esta serie utiliza a animación en 2-D (para a representación do mundo real) e a animación en 3-D (para a representación de Lyoko, o mundo informático). En Galicia emítese de luns a venres á mañá no espazo infantil-xuvenil Xabarín Club.
Sinopse
[editar | editar a fonte]A serie está baseada en Garage Kids que trata de catro estudantes adolescentes que van á Academia Kadic, chamados Jeremie, Yumi, Odd e Ulrich, que descobren a Aelita, unha humana virtual, e viaxan a Lyoko por medio duns escáneres situados nunha fábrica abandonada. Teñen como misión defende-la terra de XANA.
XANA trátase dun virus informático que toma posesión da supercomputadora e ataca ao mundo virtual de Lyoko, creado por Franz Hopper (un antigo profesor de ciencias e ademais, pai de Aelita) para consegui-la dominación do mundo. Ataca ao mundo activando as "torres", xeralmente unha por unha, que actúan como acoplamentos ao mundo real. Os catro amigos teñen que virtualizarse usando os escáneres da fábrica, para axudar a Aelita a atopa-la torre que está activa. Son unhas corenta torres dispersas polos cinco sectores de Lyoko: xeo, deserto, bosque, montaña e Cartago. Mentres que Jeremie se encarga de detecta-los diferentes monstros que lles fan a vida imposible, guiarlles polo bo camiño e axudarlles todo o que pode dende a fábrica, os outros loitan contra estes monstros que XANA envía para que non cumpran co propósito de desactiva-la torre.
Para desactiva-la torre, Aelita ten que entrar nela e teclea-lo código (Lyoko), e así deter a XANA e mailo seu ataque contra o mundo verdadeiro. Despois de conseguilo, a supercomputadora pode iniciar o "regreso ao pasado", se o ataque de XANA foi de grande importancia, deixando só cos recordos do devandito ataque aos nosos heroes.
Personaxes
[editar | editar a fonte]Principais
[editar | editar a fonte]- Jeremie Belpois
- "Transferencia, escáner, virtualización!"
- É un mozo francés de 13 anos. Jeremie é un grande estudante admirado polos seus profesores. É o cerebro do grupo e ás veces é chamado "Einstein" ademais trátase dun experto en ordenadores. Traballa dende a fábrica axudando aos seus amigos nas súas misións. Na primeira tempada, traballa para materializar a Aelita no mundo real e remata por conseguilo, pero descobre que ela ten un virus que a vencella a XANA, e se XANA morre, Aelita tamén. Así Jeremie ten que atopa-lo anti-virus para eliminalo e destruír a XANA. Jeremie está namorado de Aelita.
- Primeira aparición: "Godzilla, o oso de peluche"; episodio 1.
- Aelita Schaeffer
- "Torre desactivada"
- Ten 12 anos e é tímida. Está namorada de Jeremie. Ela é a única que pode desactivar as torres. Despois de recuperar a súa memoria ó final da segunda tempada, descóbrese que é filla de Franz Hopper.
- Primeira aparición: "Godzilla, o oso de peluche"; episodio 1.
- Puntos vitais: 100.
- Poder: a sintetización; pode crear ou destruír obxectos de Lyoko. Pode crear copias de persoas para distrae-los monstros que os atacan. Estes poderes quítanlle-los seus puntos de vida, polo que non os pode usar máis dunha ou dúas veces.
- Arma: lanza bólas de enerxía de cor rosa que pode facer máis grandes ou xuntar dúas para protexerse.
- Vehículo: utiliza calquera dos tres vehículos dipoñibles.
- Yumi Ishiyama (Ishiyama Yumi-san en xaponés)
- Yumi é un ano maior có resto do grupo. Naceu no Xapón e conserva a súa cultura orixinal. A tradición de vestirse con roupa negra e o seu gran respecto polos seus pais, pódenlle dar un aspecto frío e rebelde, pero en realidade é xenerosa e amable. Ten un irmán máis novo chamado Hiroki. En Lyoko, o seu traxe é o dunha gueixa ou princesa xaponesa. O seu equipo simboliza a súa personalidade, cultura e beleza natural. Está namorada de Ulrich, pero na segunda tempada coñece a William Dunbar, e comeza a dubidar...
- Primeira aparición: "Godzilla, o oso de peluche"; episodio 1.
- Puntos vitais: 100.
- Poder: a telecinesia. Este poder permítelle levantar a maioría dos obxectos de Lyoko, incluíndo persoas. Mentres está a usar o seu poder, unha luz branca-rosada arrodéaa.
- Arma: os seus dous abanos que é capaz de lanzar coma un boomerang, aínda que tamén os pode usar coma escudo.
- Vehículo: utiliza o "overwing", un scooter deseñado por Jeremie para permitir un percorrido máis rápido en Lyoko. Pódese voar con el.
- Ulrich Stern
- Ten 13 anos e é fillo único. Está namorado de Yumi, pero ponse celoso ao vela con William. Comparte con Odd o cuarto da academia. É solitario e calado, pero é forte e veloz. Non sabe claramente de que país provén, pero el pensa que vén de Alemaña debido ao seu nome. En Lyoko convértese nun samurai.
- Primeira aparición: "Godzilla, o oso de peluche"; episodio 1.
- Puntos vitais: 100.
- Poder: a multiplicación; pode clonarse a si mesmo, pero como Aelita, se se destrúen os seus clones, perde 50 puntos de vida. Tamén pode fomar un triángulo equilátero ao redor dos seus inimigos para distraelos. Trátase dunha mestura entre a multiplicación e a supercarreira, un poder que lle permite correr a gran velocidade por Lyoko.
- Arma: é unha katana dixital, chamado comunmente sabre, que é o único que o protexe.
- Vehículo: utiliza un "overbike", unha motocicleta dunha soa roda. Foi desenvolvida por Jeremie e pode voar.
- Odd Della Robbia
- Ten 13 anos. Non se sabe o país de orixe, pois o seu apelido é italiano pero o seu nome é noruegués e outras veces dise que é canadense. Os seus pais son artistas. Recibe burlas dos seus amigos pola súa obsesión coa comida, aínda así é fraco e prefire describirse como "esvelto". É o cómico e tamén o máis valente e enérxico. Ten un can chamado "Kiwi", o cal está escondido na academia sen que ninguén o descubrise ata o de agora. En Lyoko é un home/gato moi parecido a como é na Terra.
- Primeira aparición: "Godzilla, o oso de peluche"; episodio 1.
- Puntos vitais: 100.
- Poder: a anticipación aos feitos nun espazo de tempo curto (non usa este poder na segunda tempada).
- Arma: as "frechas láser" situadas nun lanzador por riba da súa man.
- Vehículo: posúe un "overboard", unha táboa que se axusta á súa personalidade e deseñada por Jeremie. Con ela pode ir máis rápido por Lyoko e tamén pode voar. É o máis doado de manexar.
- William Dunbar
- William introdúcese como un novo estudante na segunda tempada. Foi expulsado da súa vella escola. É un admirador de Yumi. Porén, respecta a relación romántica entre Yumi e Ulrich, e non se propón rompela. No episodio 65 (A batalla final) únese ao grupo para loitar contra XANA, pero é posuído pola Scyphozoa e faise un servo de XANA.
- Primeira aparición: "Nova orde"; episodio 27.
- Puntos vitais: 100.
- Poder: Super fume, co que pódese transformar nun fume negro e lle permite permite moverse a gran velocidade por Lyoko, máis que Ulrich, e tamén pode atacar con este poder.
- Arma: unha espada moi grande, do tipo Zweihänder.
- Vehículo: cando foi posuído por XANA, el utiliza mantas e tarántulas. En Código Lyoko: Evolución, utiliza o super fume como vehículo.
- XANA
- É a antagonista da serie e quere destruír aos nosos heroes e dominar o mundo. XANA foi creada por Franz Hopper. Cando lanza un ataque activando unha torre, esta vólvese de cor vermella e os montros que están ao seu servizo van protexe-la torre activa para que Aelita non a desactive. Máis adiante, descóbrese que cada vez que inician o "regreso ao pasado", XANA dobra a súa enerxía.
- Primeira aparición: "Godzilla, o oso de peluche"; episodio 1.
Secundarios
[editar | editar a fonte]- Elisabeth "Sissi" Delmas
- É a filla do director da escola, Jean-Pierre Delmas, e considérase a moza máis atractiva de toda a escola. Está namorada de Ulrich (quen non corresponde) e está celosa de Yumi (á que lle atrae Ulrich). Indubidablemente, durante a primeira tempada non apareceu moito. Tivo máis protagonismo na segunda tempada, aínda que ela segue sen ser unha peza imporante da serie. Ás veces, ela incluso axuda ao grupo a alcanza-la vitoria, a pesar de que ela non sabía da importancia da súa axuda. Nun capítulo admite que o único que desexa é ser aceptada por Jeremie e os demais.
- Milly Solovieff e Tamiya Diop
- Son dúas xornalistas que editan o xornal do colexio. Aínda que son pequenas, adican o seu tempo libre a fotografar e realizar artigos para o xornal de Kadic. Milly posúe un oso de peluche ó que lle ten moito agarimo. As dúas comparten cuarto na escola.
- Jim Moralés
- É o mestre de educación física, o supervisor do campus e o técnico, entre outras cousas. Nun episodio decide ser parte do grupo para non perde-lo seu traballo e estivo presente nunha materialización de Aelita, cousa que non recorda por mor do "regreso ao pasado". Nalgúns episodios da segunda tempada Jim di que tivo varios traballos (traballador dos sumidoiros, soldado, fotógrafo de guerra, instrutor de baile etc.), pero evita falar do tema cando se lle pregunta.
- Jean-Pierre Delmas
- É o director da Academia Kadic e, ademais, é o pai de Sissi Delmas. Non é moi estrito, pero pódeo ser se é necesario nun caso de emerxencia na escola (como nun ataque de XANA); ou coa súa filla, cando se comporta mal.
- Hervé Pichon e Nicolas Poliakoff
- Son os dous inseparables amigos de Sissi. Aínda que ela non os acepta como tal, os dous indubidablemente a seguen a calquera parte. Mágoa para ela, os dous están namorados da filla do director.
- Franz Hopper (Waldo Schaeffer)
- É o creador da supercomputadora, de Lyoko e de XANA. Foi mestre de ciencias na Academia Kadic. Jeremie ten unha copia dos seus diarios, copiada duns CDs que foron destruídos por Xana pouco despois de que o grupo os encontrara. Franz está escondido nalgún sitio de Lyoko e non se sabe do seu paradoiro.
Escenarios
[editar | editar a fonte]Fábrica
[editar | editar a fonte]A fábrica é o lugar da serie onde se pode atopar o supercomputador que contén Lyoko. Aquí áchase o equipo usado para poder ter acceso a Lyoko. Consiste nun espazo de catro niveis: o piso da fábrica, o laboratorio, o cuarto de escáneres e o cuarto da supercomputadora. Os tres últimos niveis están protexidos por grandes portas seladas electromagneticamente por motivos de seguridade. Soamente se pode acceder á fábrica por un sumidoiro situado no bosque que está ao carón da Academia Kadic. Para acceder á sala da supercomputadora hai que usar un ascensor que protexe ben tódolos aparellos que aí gardan.
- O laboratorio: No seu centro está o Holósfero, un proxector circular que mostra unha representación tridimensional de Lyoko ou de Cártago (o 5º sector). Unha cadeira que está conectada cunha pista no teito permite que o usuario que usa o Holósfero o faga xirar ao redor deste.
- A sala de escáneres: Esta área sitúase debaixo do laboratorio. Dentro dela están os tres escáneres que proporcionan o acceso a Lyoko. No centro deste cuarto hai unha porta que proporciona acceso ao cuarto da supercomputadora.
- A sala da supercomputadora: Alberga a supercomputadora física que contén Lyoko.
Academia Kadic
[editar | editar a fonte]A Academia Kadic funciona como unha escola de educación secundaria. O seu director é Jean-Pierre Delmas e o seu supervisor é Jim Moralés. Cando XANA lanza algún ataque vai dirixido a esta Academia, pois o grupo vive e estuda aí.
- Cuartos das caldeiras: Estes cuartos sitúanse nos sotos do edificio da administración e no ximnasio. Os cuartos das caldeiras proporcionan a calor para a escola nos días de friaxe, usando estufas algo pasadas de moda de carbón. Nun episodio da serie Jim e o director Delmas levan aos estudantes (incluíndo Yumi, Ulrich e Odd) á caldeira para evitar que estes se conxelaran por mor do mal tempo que fora causado por XANA.
- A cafetería: Este edificio proporciona a comida aos estudantes. Nela adoita estar Rosa, a cociñeira.
- Os dormitorios: Son os cuartos onde os estudantes pasan a noite. Os dormitorios dos nenos están separados dos das nenas (están situados en diferentes pisos). Jim encárgase de vixiar que ninguén pase dun piso ao outro.
- O ximnasio: Son as instalacións que serven para realizar varios deportes de interior como, por exemplo, baloncesto ou escalada. Tamén é usado como espazo para acoller varios acontecementos na escola. Este edificio tamén posúe un cuarto de adestramento que Jim utiliza.
Episodios
[editar | editar a fonte]Esta é unha listaxe dos episodios da serie, e só as dúas primeiras tempadas foron emitidas na Televisión de Galicia. Están estruturados en cadansúa tempada:
Primeira tempada
[editar | editar a fonte]| # | Título | Data de emisión en Galicia | Data de emisión en Francia |
|---|---|---|---|
| 1 | "Godzilla, o oso de peluche" | 14 de abril do 2007 | 3 de setembro do 2003 |
| 2 | "Ver para crer" | 21 de abril do 2007 | 10 de setembro do 2003 |
| 3 | "Vacacións con bruma" | 28 de abril do 2007 | 17 de setembro do 2003 |
| 4 | "O diario" | 1 de maio do 2007 | 24 de setembro do 2003 |
| 5 | "O virus" | 5 de maio do 2007 | 1 de outubro do 2003 |
| 6 | "Dilema cruel" | 12 de maio do 2007 | 8 de outubro do 2003 |
| 7 | "Problema de imaxe" | 19 de maio do 2007 | 15 de outubro do 2003 |
| 8 | "Última toma" | 26 de maio do 2007 | 22 de outubro do 2003 |
| 9 | "O satélite" | 2 de xuño do 2007 | 29 de outubro do 2003 |
| 10 | "A rapaza dos meus soños" | 9 de xuño do 2007 | 5 de novembro do 2003 |
| 11 | "A praga" | 16 de xuño do 2007 | 12 de novembro do 2003 |
| 12 | "O ataque das avespas" | 23 de xuño do 2007 | 19 de novembro do 2003 |
| 13 | "Xusto a tempo" | 30 de xuño do 2007 | 26 de novembro do 2003 |
| 14 | "A trampa" | 7 de xullo do 2007 | 3 de decembro do 2003 |
| 15 | "Ataque de risa" | 14 de xullo do 2007 | 10 de decembro do 2003 |
| 16 | "Claustrofobia" | 21 de xullo do 2007 | 17 de decembro do 2003 |
| 17 | "Amnesia" | 28 de xullo do 2007 | 24 de decembro do 2003 |
| 18 | "Melodía mortal" | 4 de agosto do 2007 | 31 de decembro do 2003 |
| 19 | "Fronteira" | 11 de agosto do 2007 | 7 de xaneiro do 2004 |
| 20 | "Os robots" | 18 de agosto do 2007 | 14 de xaneiro do 2004 |
| 21 | "Zona de gravidade cero" | 25 de agosto do 2007 | 21 de xaneiro do 2004 |
| 22 | "Rutina" | 1 de setembro do 2007 | 28 de xaneiro do 2004 |
| 23 | "Ataque subterráneo" | 8 de setembro do 2007 | 4 de febreiro do 2004 |
| 24 | "A canle oculta" | 15 de setembro do 2007 | 11 de febreiro do 2004 |
| 25 | "Código: Terra" | 22 de setembro do 2007 | 18 de febreiro do 2004 |
| 26 | "Intento frustrado" | 29 de setembro do 2007 | 25 de febreiro do 2004 |
Segunda tempada
[editar | editar a fonte]| # | Título | Data de emisión en Galicia | Data de emisión en Francia |
|---|---|---|---|
| 1 (27) | "Nova orde" | Descoñecido | 31 de agosto do 2005 |
| 2 (28) | "Territorio inexplorado" | Descoñecido | 7 de setembro do 2005 |
| 3 (29) | "Exploración" | Descoñecido | 14 de setembro do 2005 |
| 4 (30) | "Un gran día" | Descoñecido | 21 de setembro do 2005 |
| 5 (31) | "O señor Pück" | Descoñecido | 28 de setembro do 2005 |
| 6 (32) | "O día de San Valentín" | Descoñecido | 5 de outubro do 2005 |
| 7 (33) | "Mestura final" | Descoñecido | 12 de outubro do 2005 |
| 8 (34) | "O elo perdido" | Descoñecido | 19 de outubro do 2005 |
| 9 (35) | "As cartas sobre a mesa" | Descoñecido | 26 de outubro do 2005 |
| 10 (36) | "Marabunta" | Descoñecido | 2 de novembro do 2005 |
| 11 (37) | "Intereses comúns" | Descoñecido | 9 de novembro do 2005 |
| 12 (38) | "Tentación" | Descoñecido | 7 de decembro do 2005 |
| 13 (39) | "Unha volta mala" | Descoñecido | 16 de novembro do 2005 |
| 14 (40) | "Ataque de zombies" | Descoñecido | 23 de novembro do 2005 |
| 15 (41) | "Ultimatum" | Descoñecido | 30 de novembro do 2005 |
| 16 (42) | "Unha boa lea" | Descoñecido | 14 de decembro do 2005 |
| 17 (43) | "O bico de XANA" | Descoñecido | 11 de xaneiro do 2006 |
| 18 (44) | "Vertixe" | Descoñecido | 11 de xaneiro do 2006 |
| 19 (45) | "Guerra fría" | Descoñecido | 18 de xaneiro do 2006 |
| 20 (46) | "Escenas repetidas" | Descoñecido | 18 de xaneiro do 2006 |
| 21 (47) | "En forma" | Descoñecido | 25 de xaneiro do 2006 |
| 22 (48) | "Anda alguén aí?" | Descoñecido | 25 de xaneiro do 2006 |
| 23 (49) | "Franz Hopper" | Descoñecido | 1 de febreiro do 2006 |
| 24 (50) | "Contacto" | Descoñecido | 1 de febreiro do 2006 |
| 25 (51) | "A revelación" | Descoñecido | 8 de febreiro do 2006 |
| 26 (52) | "A clave" | Descoñecido | 8 de febreiro do 2006 |
Terceira tempada
[editar | editar a fonte]| # | Título | Data de emisión en Galicia | Data de emisión en Francia |
|---|---|---|---|
| 1 (53) | "Directo ao corazón" | Non estreado | 9 de setembro do 2006 |
| 2 (54) | "Lyoko menos un" | Non estreado | 16 de setembro do 2006 |
| 3 (55) | "A marea alta" | Non estreado | 23 de setembro do 2006 |
| 4 (56) | "Unha pista falsa" | Non estreado | 30 de setembro do 2006 |
| 5 (57) | "Memorias de Aelita" | Non estreado | 7 de outubro do 2006 |
| 6 (58) | "O pretendente" | Non estreado | 14 de outubro do 2006 |
| 7 (59) | "O segredo" | Non estreado | 21 de outubro do 2006 |
| 8 (60) | "Demencia temporal" | Non estreado | 1 de novembro do 2006 |
| 9 (61) | "Sabotaxe" | Non estreado | 2 de novembro do 2006 |
| 10 (62) | "A ninguén en particular" | Non estreado | 3 de novembro do 2006 |
| 11 (63) | "Problema triplo" | Non estreado | 6 de novembro do 2006 |
| 12 (64) | "Problema dobre" | Non estreado | 7 de novembro do 2006 |
| 13 (65) | "A batalla final" | Non estreado | 8 de novembro do 2006 |
Cuarta tempada
[editar | editar a fonte]| # | Título | Data de emisión en Galicia | Data de emisión en Francia |
|---|---|---|---|
| 1 (66) | "O regreso de William" | Non estreado | 13 de agosto do 2007 |
| 2 (67) | "Dous dobres" | Non estreado | 14 de agosto do 2007 |
| 3 (68) | "Acto de apertura" | Non estreado | 30 de agosto do 2007 |
| 4 (69) | "Sala de xogos" | Non estreado | 15 de agosto do 2007 |
| 5 (70) | "Skidbladnir" | Non estreado | 16 de agosto do 2007 |
| 6 (71) | "Primeira viaxe" | Non estreado | 17 de agosto do 2007 |
| 7 (72) | "Curso intensivo" | Non estreado | 20 de agosto do 2007 |
| 8 (73) | "Réplica" | Non estreado | 21 de agosto do 2007 |
| 9 (74) | "Prefiro non falar sobre isto" | Non estreado | 22 de agosto do 2007 |
| 10 (75) | "Choiva quente" | Non estreado | 23 de agosto do 2007 |
| 11 (76) | "O lago" | Non estreado | 24 de agosto do 2007 |
| 12 (77) | "Perdida no fondo do mar" | Non estreado | 27 de agosto do 2007 |
| 13 (78) | "O laboratorio" | Non estreado | 28 de agosto do 2007 |
| 14 (79) | "Dereito de gabar" | Non estreado | 29 de agosto do 2007 |
| 15 (80) | "Vida de can" | Non estreado | 29 de agosto do 2007 |
| 16 (81) | "Falta de boa vontade" | Non estreado | 30 de agosto do 2007 |
| 17 (82) | "Memorias distantes" | Non estreado | 30 de agosto do 2007 |
| 18 (83) | "Mala sorte" | Non estreado | 8 de setembro do 2007 |
| 19 (84) | "Mísil guiado" | Non estreado | 15 de setembro do 2007 |
| 20 (85) | "A fermosa de Kadic" | Non estreado | 22 de setembro do 2007 |
| 21 (86) | "Un can multiplicado" | Non estreado | 29 de setembro do 2007 |
| 22 (87) | "Unha odisea para Odd" | Non estreado | 6 de outubro do 2007 |
| 23 (88) | "Curmáns inimigos" | Non estreado | 13 de outubro do 2007 |
| 24 (89) | "Música que calma a besta salvaxe" | Non estreado | 20 de outubro do 2007 |
| 25 (90) | "Medusa" | Non estreado | 27 de outubro do 2007 |
| 26 (91) | "Mala cobertura" | Non estreado | 3 de novembro do 2007 |
| 27 (92) | "Suor fría" | Non estreado | 3 de novembro do 2007 |
| 28 (93) | "Regreso á Terra" | Non estreado | 3 de novembro do 2007 |
| 29 (94) | "Loitar ata o final" | Non estreado | 10 de novembro do 2007 |
| 30 (95) | "Ecos" | Non estreado | 10 de novembro do 2007 |
| # | Título | Data de emisión en Galicia | Data de emisión en Francia |
|---|---|---|---|
| 1 (96) | "XANA 2.0" | Non estreado | 5 de xaneiro do 2013 |
| 2 (97) | "Cortex" | Non estreado | 5 de xaneiro do 2013 |
| 3 (98) | "Espectromanía" | Non estreado | 5 de xaneiro do 2013 |
| 4 (99) | "Señora Einstein" | Non estreado | 19 de xaneiro do 2013 |
| 5 (100) | "Rivalidade" | Non estreado | 26 de xaneiro do 2013 |
| 6 (101) | "Sospeitas" | Non estreado | 2 de febreiro do 2013 |
| 7 (102) | "Conta atrás" | Non estreado | 9 de febreiro do 2013 |
| 8 (103) | "Virus" | Non estreado | 16 de febreiro do 2013 |
| 9 (104) | "Como enganar a XANA" | Non estreado | 23 de febreiro do 2013 |
| 10 (105) | "O espertar do guerreiro" | Non estreado | 2 de marzo do 2013 |
| 11 (106) | "Encontro" | Non estreado | 9 de marzo do 2013 |
| 12 (107) | "Caos en Kadic" | Non estreado | 16 de marzo do 2013 |
| 13 (108) | "Venres 13" | Non estreado | 23 de marzo do 2013 |
| 14 (109) | "Intruso" | Non estreado | 30 de marzo do 2013 |
| 15 (110) | "Sen códigos" | Non estreado | 6 de abril do 2013 |
| 16 (111) | "Confusión" | Non estreado | 13 de abril do 2013 |
| 17 (112) | "Unha carreira profesional asegurada" | Non estreado | 20 de abril do 2013 |
| 18 (113) | "Obstinación" | Non estreado | 27 de abril do 2013 |
| 19 (114) | "Trampa" | Non estreado | 5 de maio do 2013 |
| 20 (115) | "Espionaxe" | Non estreado | 13 de decembro do 2013 |
| 21 (116) | "Falsos dobres" | Non estreado | 14 de decembro do 2013 |
| 22 (117) | "Motín" | Non estreado | 15 de decembro do 2013 |
| 23 (118) | "O día malo de Jeremie" | Non estreado | 16 de decembro do 2013 |
| 24 (119) | "Paradoxo temporal" | Non estreado | 17 de decembro do 2013 |
| 25 (120) | "Masacre" | Non estreado | 18 de decembro do 2013 |
| 26 (121) | "Última misión" | Non estreado | 19 de decembro do 2013 |
Dobraxe ó galego
[editar | editar a fonte]- Estudio: Século XXI.
- Data: 2006.
- Dirección: Tuto Vázquez e Xerardo Couto.
- Tradución: Xerardo Couto.
- Elenco da dobraxe:
| Personaxe | Actor de dobraxe |
Actor orixinal
|
|---|---|---|
| Jeremie Belpois | Óscar Fernández | Sharon Mann |
| Aelita Schaeffer | Ana Ouro | Sharon Mann |
| Yumi Ishiyama | Montse Davila | Mirabelle Kirkland |
| Ulrich Stern | Antón Ja | Barbara Scaff |
| Odd Della Robbia | Chema Gagino | Matthew Géczy |
| Elisabeth 'Sissi' Delmas | Teresa Santamaría | Jodi Forrest |
| William Dunbar | Xerardo Couto | David Gasman |
| Jim Morales | Matías Brea | David Gasman |
| Herb Pichon | Matías Brea | David Gasman |
| Nicolas Poliakov | Roberto Reboiro | Matthew Géczy |
| Milly Solovier | Isabel Vallejo | Mirabelle Kirkland |
| Tamiya Diop | Chelo Díaz | Barbara Scaff |
| Hiroki Ishiyama | Teresa Santamaría | Barbara Scaff |
| Suzanne Hertz | Isabel Vallejo | Jodi Forrest |
| Jean-Pierre Delmas | Tuto Vázquez | Allan Wenger |
| Franz Hopper | Xosé Manuel Rodríguez | Paul Bandey |
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte].png){kind=small}
