Le Corbusier

Le Corbusier (1964)

Charles-Edouard Jeanere-Gris jiji azán 6tọ, osun 10tọ owhe 1887 - azán 27tọ, osun 8tọ 1965) yin yinyọnẹn gbọn yinkọ vonọtaun lọ Le Corbusier, yin yẹdenanutọ po wekantọ to oto Switzerland ton po. To owhe 1930, e lẹzun tovi yovofrance tọn. E yin gbẹtọ nukundeji na alọnuzọn yẹdenanutọ tọn to egbezangbe. Tito etọn bẹ nukọnyiyi to họgbigba na gbẹtọ he nọ nọ tohomẹ lẹ hẹn. Ehe yinmọ na to ojlẹ lọ mẹ gbẹtọ hẹntọnọ lẹ su taun. Yẹdide etọn susu lẹ wẹ ko yin zinzan lẹdo aihọn pe. E sọ yiwanna osẹn podo atinpipa po.

Bẹjẹeji gbẹzan etọn tọn

Le Corbusier whẹn to La Chaux de Fonds, oto pẹvi de to agewaji Switzerland tọn. To 1907, whenue e tindo owhe 19, e sẹtẹn yi yovotomẹ to Paris, e sọ dla oto devo lẹ pọn lẹdo Europe, ehe mẹ, e plọn nususu bo sọ tindo nuyọnẹn yoyo lẹ. E plọn ogbe (German) devo bo sọ wazọn podo azọnyọnentọ yẹdenanutọ Peter Behrens.

Wẹkẹ whan

To wẹkẹ whan tintan whenu, Le Corbusier lẹkọyi switzerland bo lẹzun mẹplọntọ. Madẹnmẹ, ewọ lọsu hun azọnwhe etọn titi yẹdenanutọn podo tavẹylọvi etọn po bọ ye wa azọn dopọ kakajẹ 1940. To owhe 1940, e pe osen satọ Amédéé ozenfant, e wa yin họntọn nugbonọ de. Ye kọngbedopọ bo de yẹdide yọyọ tọn he nọ yin Purism.

Wẹkẹ whan godo

Awhan lọ godo, le Corbusier zindonukọn to yẹdide etọn mẹ kakajẹ owhe 1922. Enẹgodo, e bẹ azọn tọn etọn jẹeji to aliho de mẹ he sọgan yinuwa do mèdevo lẹ ji, bo sọ nọ jla họmẹ do na mẹlẹ bo sọ nọ gọalọna ye. E nọ ohọ kleun kleun lẹ nado sudo hudo gbẹtọ susugege he ma do ohọ to ota to paris. E dọmọ nude dona yin wiwa nado gọalọna mẹhe jẹhẹn bo ma do nude. E sọ da yẹdide de na oto de (Ville Comtemporaine), e ma yin alọkẹyi gbede, bo ka yin ayilinlẹn Skycrapers. E sọ do nuhe e wleawu etọn hia ahọludu France tọn, ye sọ gbẹ. enẹ zon bọ ye ma doayi lehe gbẹtọ lẹ su do, bo ka to nuyiwa do oto lọ ji taun.

Owhe lẹ godo

Le Corbusier ma hunzo to tonudidọ mẹ to owhe 1942. Enẹwutu, e gba ohọ flinflin lẹ gbọn France.

Oyin etọn

Yinkọ lọ Le Corbusier, yin yovo france. Yinkọ yin ada devo na yinkọ daho onọ daho etọn tọn he yin le corbesier. Yinkọ yin lilẹdo ogbe Glẹnsigbe mẹ The Crowlike One. E kẹalọyi yinkọ lọ to 1920.