Jump to content

Սյուզան Բլեքմոր

Վիքիպեդիայից՝ ազատ հանրագիտարանից
Սյուզան Բլեքմոր
անգլ.՝ Susan Blackmore
Դիմանկար
Ծնվել էհուլիսի 29, 1951(1951-07-29)[1] (73 տարեկան)
ԾննդավայրԼոնդոն, Միացյալ Թագավորություն
Քաղաքացիություն Միացյալ Թագավորություն
Կրոնաթեիզմ
ԿրթությունՍենտ Հիլդա քոլեջ (Օքսֆորդ), Սուրեյի համալսարան, Սուրեյի համալսարան (1974)[2] և Սուրեյի համալսարան (1980)[3]
Մասնագիտությունֆրիլանսեր, դասախոս, հեռուստահաղորդավարուհի, հոգեբան, գրող, ֆակուլտետ և հետազոտող
ԱշխատավայրՊլիմուտի համալսարան[4] և Արևմտյան Անգլիայի համալսարան[5]
ԱմուսինAdam Hart-Davis?
Պարգևներ և
մրցանակներ
Կայքsusanblackmore.co.uk
 Susan Blackmore Վիքիպահեստում

Սյուզան Բլեքմոր (անգլ.՝ Susan Blackmore, Sue Blackmore, հուլիսի 29, 1951(1951-07-29)[1], Լոնդոն, Միացյալ Թագավորություն), անգլիացի հետազոտող և մեմետիկայի հանրահռչակող, Պլիմուտի համալսարանի պրոֆեսոր, բազմաթիվ հրատարակությունների և գրքերի հեղինակ, որոնցից ամենահայտնին 1999 թվականի «Մեմերի մեքենա»-ն է[6]։

Կենսագրություն

Սյուզան Բլեքմորը ծնվել է 1951 թվականի օգոստոսի 29-ին Լոնդոնում։ 1973 թվականին ավարտել է Օքսֆորդի Սուրբ Հիլդա քոլեջը՝ հոգեբանության և ֆիզիոլոգիայի մասնագիտությամբ։ 1974 թվականին ստացել է մագիստրոսի որակավորում Սուրեյի համալսարանից՝ «Շրջակա միջավայրի հոգեբանություն» մասնագիտությամբ։ Նույն համալսարանում դոկտորի կոչում է ստացել «Հոգեկան ընկալումները որպես ճանաչողական գործընթաց» թեմայով (անգլ.՝ Extrasensory Perception as a Cognitive Process)[7]:

2009 թվականին դասավանդել է Բրիստոլի արևմտա-անգլիական համալսարանում[8]։ 2009 թվականից դասավանդել է Պլիմուտի համալսարանի հոգեբանության դպրոցում։ Բլեքմորը գրել է մի քանի ամսագրերի, թերթերի և բլոգերի, մասնավորապես «The Guardian» և «Psychology Today» («Հոգեբանությունն այսօր») թերթերի համար, ինչպես նաև ռադիոյի և հեռուստատեսության հաճախակի հեղինակ և հաղորդավար է եղել։ «TED»-ի դասախոսը, որը «Edge» համայնքի անդամ էր, 2015 թվականին ընդգրկվել է «Global Minds»-ի 100 առաջատար մտածողների ցանկում[9]։

Հետազոտական գործունեություն

Սյուզան Բլեքմորի հետազոտական կարիերայի սկիզբը կապված է անձնական փորձի հետ, որը, ինչպես նա պնդել է, ունեցել է «արտամարմնային» բնույթ[10]։ Այն խթան է հանդիսացել պարանորմալ և պարապսիխոլոգիական երևույթների նկատմամբ հետաքրքրություն առաջացնելու համար։ Այնուամենայնիվ, բազմաթիվ փորձերի և որոնումների ժամանակաշրջանից հետո Սյուզանը հրաժարվել է գործունեության մետաֆիզիկական ոլորտներից և դարձել թերահավատ և աթեիստ։ Նա սկսել է հետաքրքրվել մեմերի և մեմետիկայի տեսությամբ, որն աստիճանաբար սկսել է դիտվել որպես գիտակցության և մարդաբանության հարցերի պատասխանների համընդհանուր համակարգ։ Այս ուսումնասիրությունների արդյունքը դարձել է 1999 թվականին հրատարակված «Մեմերի մեքենա» գիրքը, որը մեծ ժողովրդականություն է ձեռք բերել և լայն ուշադրություն հրավիրել հեղինակի վրա։ Հիմնվելով Ռիչարդ Դոքինզի տեսության վրա՝ Բլեքմորը մեծապես ընդլայնել է մեմետիկայի հորիզոնները իր մարդաբանական մեկնաբանության միջոցով։ Ըստ նրա՝ մարդը մի տեսակ գործակալ է, որը ծառայում է մեմերին՝ դրանց բազմացման և տարածման համար։ Որոշակի ուղղվածության մեմերի ամբողջությունը կոչվում է մեմբլեքսներ, որոնց բնույթն ու կառուցվածքը նույնականացնելը մեմետիկայի խնդիրն է։ Փոխվում է նաև անձի և նրա «ես»-ի ընկալումը։

Մարդու «ես»-ը, ըստ մեմերի մեքենայի տեսության, մեմպլեքսի այնպիսի մի տեսակ է, որը կոչվում է «ես-մպլեքս»։ 2010-ական թվականներին Բլեքմորը սկսել է զբաղվել տեխնոլոգիաների միջոցով մեմերի տարածման խնդրով։ Արդյունքում, նա հասել է այն մտքին, որ մեմեր տարածելու առումով ավելի հարմար են տեխնոլոգիաները, քան մարդիկ, ուստի մենք կարող ենք խոսել մարդկանց տեխնոլոգիաներով փոխարինելու գործընթացի մասին, որպես մեմերի զարգացման և տարածման հիմնական գործակալներ, որոնք նա անվանել է «թիմամ»։ Մեմերը հետաքրքրված են տեխնոլոգիաների զարգացմամբ՝ որպես ավելի արդյունավետ կրողներ, սակայն առայժմ նրանք չեն կարող հրաժարվել մարդուց՝ բազմանալու նրա ունակության պատճառով։ Տեխնոլոգիաների ինքնարտահայտման հնարավորությունների ի հայտ գալու դեպքում մեմերի համար մարդկանց անհրաժեշտությունը կվերանա[11]։

Ընտանիք

1977 թվականին Սյուզան Բլեքմորն ամուսնացել է Թոմ Տրոստյանկոյի (անգլ.՝ Tom Troscianko) հետ, որից բաժանվել է 2009 թվականին։ 1982 թվականին ծնվել է նրանց դուստրը՝ Էմիլի Տրոստյանկոն (անգլ.՝ Emily Tamarisk Troscianko), իսկ 1984 թվականին որդին՝ Ջեյդոն Տրոստյանկոն (անգլ.՝ Jolyon Tomasz Troscianko): 2010 թվականից ամուսնացել է Ադամ Հարթ-Դևիսի (անգլ.՝ Adam Hart-Davis) հետ[12]։

Հիմնական աշխատանքներ

  • Blackmore, S. and Troscianko, E. 2018 Consciousness: An Introduction, Third Edition, London, Routledge, ISBN 1138801313.
  • Blackmore, S 2017 Consciousness: A Very Short Introduction, Second Edition, Oxford, Oxford University Press ISBN 0198794738
  • Blackmore, S 2017 Seeing Myself: The new science of out-of-body experiences, London, Robinson ISBN 1472137361
  • Blackmore, S 2011 Zen and the Art of Consciousness, Oxford, Oneworld Publications, ISBN 185168798X
  • Blackmore, S. 2010 Consciousness: A Brief Insight, New York, Sterling, ISBN 1402775288
  • Blackmore, S. 2010 Consciousness: An Introduction, Second Edition, London, Hodder Education, pb ISBN 144410487X. New York, Oxford University Press, Feb 2011, pb ISBN 0199739099
  • Blackmore, S. 2009 Ten Zen Questions, Oxford, OneWorld 2009. ISBN 978-1-85168-642-1
  • Blackmore, S. 2005 Conversations on Consciousness, Oxford, Oxford University Press, hb ISBN 0 19 280 622-X and New York 2006 hardback ISBN 0-19-517958-7 .
  • Blackmore, S. 2005 A Very Short Introduction to Consciousness, Oxford, Oxford University Press, paperback ISBN 0-19-280585-1
  • Blackmore, S. 2003 Consciousness: An Introduction, London, Hodder & Stoughton, pb ISBN 0-340-80909-4. and 2004 New York, Oxford University Press, hb ISBN 0195153421 pb ISBN 019515343X .
  • Blackmore, S. 1999 The Meme Machine, Oxford and New York, Oxford University Press, Hardback ISBN 0-19-850365-2 . 2000 Paperback ISBN 0-19-286212
  • Blackmore, S., Hart-Davis, A. 1995 Test Your Psychic Powers London, Thorsons, ISBN 1-85538-441-8 ; and 1997 New York, Sterling, ISBN 0-8069-9669-2 .
  • Blackmore, S. 1996 In Search of the Light: The Adventures of a Parapsychologist, Amherst, New York, Prometheus Books, ISBN 1-57392-061-4.
  • Blackmore, S. 1993 Dying to Live: Science and the Near Death Experience, London, Grafton, ISBN 0586 09212 9
  • Blackmore, S. 1982/1992 Beyond the Body: An investigation into out-of-body experiences 1992, Chicago, Academy Chicago, ISBN 0 89733 344 6 . First published in 1982, London, Heinemann, ISBN 434 07470 5;
  • Blackmore, S. 1986 The Adventures of a Parapsychologist Buffalo, New York, Prometheus, ISBN 0 87975 360 9
  • Blackmore, S. 1978 Parapsychology and out-of-the-body Experiences 1978, Society for Psychical Research, London; and Transpersonal Books, Hove, ISBN 0906326 01X .

Ծանոթագրություններ

  1. ↑ 1,0 1,1 Internet Movie Database — 1990.
  2. ↑ ORCID Public Data File 2021 — 2021. — doi:10.23640/07243.16750535.V1
  3. ↑ ORCID Public Data File 2021 — 2021. — doi:10.23640/07243.16750535.V1
  4. ↑ Montenegro A. ORCID Public Data File 2023 — 2023. — doi:10.23640/07243.24204912.V1
  5. ↑ Montenegro A. ORCID Public Data File 2023 — 2023. — doi:10.23640/07243.24204912.V1
  6. ↑
    Lisman, SR; Dougherty, K. (2007). Chronic Fatigue Syndrome For Dummies. John Wiley & Sons. p. 298
  7. ↑
    Dr Susan Blackmore. Distinguished Supporters: British Humanist Association Արխիվացված է Հունիս 7, 2013 Wayback Machine-ի միջոցով: Вы посетили: 24.10.2018
  8. ↑
  9. ↑
    Who am I? Dr. Susan Blackmore Արխիվացված է Հունվար 10, 2019 Wayback Machine-ի միջոցով:
  10. ↑
    Blackmore, S. 1978 Parapsychology and out-of-the-body Experiences 1978, Society for Psychical Research, London; and Transpersonal Books, Hove
  11. ↑
    Memes and temes, TED Talk Արխիվացված է Նոյեմբեր 27, 2020 Wayback Machine-ի միջոցով: Вы посетили: 24.10.2018
  12. ↑ «Curriculum Vitae. Dr. Susan Blackmore». Արխիվացված է օրիգինալից 2019-01-10-ին. Վերցված է 2019-01-16-ին. {{cite web}}: Unknown parameter |deadlink= ignored (|url-status= suggested) (օգնություն)
Վիիքպահեստ
Վիքիպահեստն ունի նյութեր, որոնք վերաբերում են «Սյուզան Բլեքմոր» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Սյուզան_Բլեքմոր&oldid=9037890» էջից