Սերժ Թանկյան
| Սերժ Թանկյան | |
|---|---|
 | |
| Հիմնական տվյալներ | |
| Բնօրինակ անուն | Serj Tankian |
| Ի ծնե անուն | արմտ. հայ.՝ Սերժ Թանգեան |
| Ծնվել է | օգոստոսի 21, 1967 (57 տարեկան)[1]  Բեյրութ, ԼիբանանԼիբանան |
| Երկիր | Արևմտյան Հայաստան և ԱՄՆ |
| Ժանրեր | Ծանր ռոք Ալտերնատիվ ռոք Ալտերնատիվ մետալ Արտ Ռոք էքսպերիմենտալ ռոք Նու մետալ Պրոգրեսիվ մետալ Ֆանկ մետալ Ֆոլկ ռոք |
| Մասնագիտություն | Երաժիշտ, երգահան, բանաստեղծ |
| Երգչաձայն | քնարական բարիտոն |
| Գործիքներ | Վոկալ Ստեղնաշարային Դաշնամուր Կիթառ Բաս կիթառ |
| Գործունեություն | 1993 - ներկա |
| Լեյբլ | Serjical Strike Records, Reprise Records, American Recordings, Columbia Records, Axis of Justice |
| Կրթություն | Ռոզ և Ալեք Փիլիպոս վարժարան |
| Անդամակցություն | System of a Down |
| Կապված | System of a Down Serart Axis of Justice Buckethead & Friends Scars on Broadway |
| Պարգևներ |  |
| Կայք | serjtankian.com |
 Serj Tankian Վիքիպահեստում | |
Սերժ Թանկյան (օգոստոսի 21, 1967[2][3], Լիբանան), ամերիկահայ ռոք երաժիշտ, երգահան, բանաստեղծ և քաղաքական ակտիվիստ։ Նա աշխարհահռչակ System of A Down ալտերնատիվ մետալ-ռոք խմբի և Axis of Justice («Արդարության առանցք») հասարակական կազմակերպության հիմնադիրն է։ Ճանաչվել է աշխարհի 26-րդ լավագույն մեթալ վոկալիստ։ SOAD-ի կազմում արժանացել է Գրեմմի մրցանակի։ Առ այսօր ձայնագրել է հինգ ալբոմ SOAD-ի հետ և հինգ սոլո-ալբոմ, ինչպես նաև Elect the Dead սիմֆոնիան։
Կենսագրություն
[խմբագրել | խմբագրել կոդը]Լոս Անջելոսում ընդունվել է հայկական Rose and Alex Pilibosi դպրոցը, հետագայում ուսումը շարունակում է մարքեթինգի բնագավառում։ 90-ական թվականների սկզբին հանդիպում է Դարոն Մալաքյանի հետ, որի հետ էլ որոշում են նոր ռոք խումբ ստեղծել։ Սերժն ունի իր սեփական ձայնագրման ստուդիան, որը կոչվում է Serjical Strike: Թանկյանը հանդես է գալիս անարդարությունն ու դաժանությունը դատապարտող բազմաթիվ ելույթներով։ Նա համագործակցելով Տոմ Մորելլոյի հետ՝ ստեղծել է Axis Of Justice կազմակերպությունը, որի նպատակն է աջակցել երիտասարդներին պաշտպանելու իրենց իրավունքները քաղաքականության ոլորտում։ Նրանք կազմակերպել են բազմաթիվ բարեգործական արշավներ։ Նրանք նաև մեծ ջանքեր են գործադրում, որպեսզի ստիպեն Միացյալ Նահանգներին և Թուրքիային ճանաչել և ընդունել Հայոց Ցեղասպանությունը։ Որպես մենակատար, SOAD-ի գործունեության ընդմիջման ժամանակ ձայնագրել է «Elect The Dead» և «Imperfect Harmonies» ալբոմը։ 2010 թվականի նոյեմբերին հայտարարեց System of a Down-ի վերամիավորման մասին։ 2011 թվականին խումբը շրջագայության է մեկնում ԱՄՆ և Եվրոպա։
2013 թ. հունիսի 25-ին թողարկվեց Սերժ Թանկյանի չորրորդ, դասական ժանրով ալբոմը՝ Orca Symphony No. 1:
Երաժշտություն է գրել հայկական հեղափոխության մասին I Am Not Alone 2019 թ․ վավերագրական ֆիլմի համար։
Անձնական կյանք
[խմբագրել | խմբագրել կոդը]Բրիտանական Թայմս թերթի համար վերցված հարցազրույցներից մեկում Սերժը խոստովանել է, որ ֆիլմերի իր սիրելի ժանրը սարսափն է, իսկ իր ամենասիրելի ֆիլմը, որը իր կարծիքով բոլոր ժամանակների լավագույն սարսափ ֆիլմն է, «Օմեն»-ն է։
Սերժ Թանկյանը բուսակեր է[4]։ PETA-ի հետ հարցազրույցներից մեկում նա ասաց, որ իր ապրելակերպի փոփոխումը կապված է «շրջագայությունների ժամանակ կերած անորակ սննդի հետ», նա նաև նշեց, որ դա ինչ-որ տեղ «բնազդային բնույթ» էր կրում։ Բացի դրանից, նա նաև մայր հողի նկատմամբ հարգանքի անհրաժեշտություն է զգում[5]։ 2009 թվականի հուլիսին Թանկյանը խնդրագիր ստորագրեց KFC-ի սպանդանոցներում հավերին մորթելու եղանակների դեմ[6][7]։
2012 թ. հունիսի 10-ին Մալիբու քաղաքում կայացավ Սերժ Թանկյանի և ծագումով վանաձորցի Անժելա Մադաթյանի հարսանեկան արարողությունը[8]։ Ունեն մեկ որդի։ Բնակվում են Նոր Զելանդիայում։
Հասարակական գործունեություն
[խմբագրել | խմբագրել կոդը]Blabbermouth-ից ստացված տեղեկությանը համաձայն, Սերժ Թանկյանը սկսեց քարոզարշավ, որի ժամանակ դիմեց ԱՄՆ-ի իշխանություններին, պահանջելով ընդունել 1915 թվականին Օսմանյան կայսրությունում հայերի նկատմամբ իրականացված ցեղասպանությունը։ System of a Down խմբի ղեկավարի նախաձեռնությունը նախատեսվել էր հայերի ցեղասպանության հիշատակի օրվան Արդարության առանցք։ Քարոզարշավի բաղկացուցիչներից մեկը տեսանյութն էր, որում Սերժ Թանկյանը և նրա համախոհները (նրանց թվում նաև կոնգրեսմեն Ադամ Շիֆը) կոչ էին անում ԱՄՆ-ի նախագահ՝ Բարաք Օբամային պաշտոնապես ընդունել հայերի ցեղասպանությունը 1915 թվականի իրադարձությունների ժամանակ։ Թանկյանը նաև կոչ է արել տեսանյութի դիտորդներին զանգահարել Սպիտակ տուն և խնդրել Օբամային վերջ դնել Թուրքիայի միջազգային անմեղության ճանաչմանը հայերի մասսայական սպանությունների մեջ XX դարի առաջին քառորդում։ Իր տեսանյութում Թանկյանը հայտարարեց, որ Բարաք Օբաման Ամերիկայի միակ նախագահն է, որը իսկապես կարող է նպաստել ԱՄՆ-ի և համաշխարհային հանրության դիմադրությանը համատարած անմարդկությանը։ 4 րոպեանոց տեսահոլովակի ռեժիսորը Արա Սոյուջանն էր, ով ավելի վաղ համագործակցել էր Թանկյանի հետ՝ նա երգչի «Money» կոմպոզիցիայի համար կլիպ էր նկարահանել։
Թանկյանը մեծ հոդված գրեց, որում պատմեց հայ ժողովրդի ցեղասպանության պատմությունը և բացատրեց, թե ինչու է այս թեման նրան այսքան անհանգստացնում՝ նրա տատերին ու պապերին դաժանաբար սպանել էին։ Կամպանիայի շրջանակներում Արդարության առանցք հանդես եկավ լոսանջելեսյան 90.7 KPFK ռադիոկայանում։
Աջակցել է Թավշյա հեղափոխությանը[9]։
2023 թվականի դեկտեմբերին Սերժ Թանկյանը և Black Sabbath-ի կիթառահար Թոնի Այոմին Gibson-ի գլխավոր տնօրեն Սեզար Գուեյկյանի աջակցությամբ թողարկեցին բարեգործական «Deconstruction» սինգլը։ Ստացված միջոցները կփոխանցվեն Հայկական հիմնադրամին Արցախի փախստականների հարցերով նախաձեռնության աջակցության համար։ Նաև Թանկյանը բարեգործական աճուրդի է հանել իր «Մեր սարերը» նկարը և Gibson Les Paul Standard կիթառը, որի վրա պատկերված է այդ նկարը[10]։
Ձայնադարան
[խմբագրել | խմբագրել կոդը]Ալբոմներ
System of a Down
- System of a Down 1998
- Toxicity 2001
- Steal This Album! 2002
- Mezmerize 2005
- Hypnotize 2005
Serj Tankian
- SerArt 2003 (Արտո Թունջբոյաջյանի և Սերժ Թանգյանի համատեղ ալբոմը)
- Elect the Dead 2007
- Elect the Dead Symphony 2010
- Imperfect Harmonies 2010
- Harakiri 2012
- Orca Symphony No. 1 2013
- Jazz-Iz-Christ 2013
- 1915 (Original Motion Picture Soundtrack) 2016
Սինգլներ
- The Unthinking Majority 2007
- Empty Walls 2007
- Lie Lie Lie 2007
- Sky Is Over 2008
- The Charade 2010
- Left of Center 2010
- Reconstructive Demonstrations 2010
- Figure It Out 2012
- Cornucopia 2012
- Harakiri 2012
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]
- ↑ Serj Tankian Արխիվացված 2012-06-20 Wayback Machine, MTV
- ↑ Internet Movie Database — 1990.
- ↑ ČSFD (չեխերեն) — 2001.
- ↑ Известные вегетарианцы рок- и поп-музыканты | «ВИТА»
- ↑ «Q&A With Serj Tankian of System of a Down | peta2.com». Արխիվացված է օրիգինալից 2012 թ․ նոյեմբերի 16-ին. Վերցված է 2017 թ․ օգոստոսի 22-ին.
- ↑ Serj Tankian Signs New KFC Petition!
- ↑ Серж Танкян защитил «Гринпис» и осудил «Газпром» | KM.RU
- ↑ Լոս Անջելեսում կայացավ Սերժ Թանկյանի հարսանիքը
- ↑ «System Of A Down's Serj Tankian Is A Political Influencer In Armenia For more than a decade, the L.A.-based rock star has been a household name in Armenia, for his music and his politics. BY AARON SCHRANK, LAist, June 2020». Արխիվացված է օրիգինալից 2020 թ․ հունիսի 24-ին. Վերցված է 2020 թ․ հունիսի 25-ին.
- ↑ «Սերժ Թանկյանն ու Թոնի Այոմին Արցախից բռնի տեղահանվածներին աջակցելու նպատակով համատեղ երգ են թողարկել». NEWS.am — նորություններ. Վերցված է 2024 թ․ հունվարի 31-ին.
 | Վիքիքաղվածքն ունի նյութեր, որոնք վերաբերում են «Սերժ Թանկյան» հոդվածին։ |
 | Վիքիպահեստն ունի նյութեր, որոնք վերաբերում են «Սերժ Թանկյան» հոդվածին։ |
| ||||||||||||||||||||||||
- Էջեր, որոնք օգտագործում են JsonConfig
- Ապրող անձինք
- 1967 ծնունդներ
- Օգոստոսի 21 ծնունդներ
- Լիբանանում ծնվածներ
- System of a Down մասնակիցներ
- «Գրեմմի» մրցանակի դափնեկիրներ
- Անձինք այբբենական կարգով
- Երաժիշտներ այբբենական կարգով
- System of a Down
- Ծագումով հայ երաժիշտներ
- Ամերիկահայ երգիչներ
- Ամերիկահայ ռոք երաժիշտներ
- Ամերիկահայ կոմպոզիտորներ
- Ամերիկահայ բանաստեղծներ
- Լիբանանցիներ հայկական սերմամբ
- Լիբանանցի ռոք երաժիշտներ
- Ամերիկացի ռոք ստեղնահարներ
- Հայ հասարակական գործիչներ