იხილეთ წყარო გვერდისთვის ზევსის ტაძარი ოლიმპიაში

[[ფაილი:Olympia-ZeusTempelRestoration.jpg|250პქ|მინი|მარჯვნივ|XIX საუკუნის რეკონსტრუქცია]]
'''ზევსის ტაძარი ოლიმპიაში''' — [[ძველი საბერძნეთი|ძველბერძნული]] საკულტო არქიტექტურის ძეგლი, [[ზევსი|ზევსის]] სალოცავის ცენტრი. ააგეს [[ოლიმპია|ოლიმპიაში]] ძვ. წ. 470 და 456 წლებს შორის, არქიტექტორი — [[ლიბონი (არქიტექტორი)|ლიბონი]] [[ელიდა|ელიდიდან]]. წარმოადგენს [[დორიული ორდერი|დორიული ორდერის]] [[პერიპტერი|პერიპტერს]] (მოკლე გვერდებზე — 6, ხოლო გრძელ გვერდებზე 13 სვეტით) [[ბაზისი (არქიტექტურა)|ბაზისით]] (27,68 × 64,12 მ). აგებულია ადგილობრივი [[კირქვა|კირქვით]], სვეტები შემდგომი შეღებვისათვის დაფარული იყო [[მარმარილო|მარმარილოს]] [[ბათქაში|ბათქაშით]]. გეგმა ფორმირებულია [[ინტერკოლუმნიუმი|ინტერკოლუმნიუმის]] სიგრძის ტოლი მოდულის საფუძველზე (5,22 მ). სვეტების სიმაღლე (10,51 მ) თითქმის შეესაბამება [[პართენონი|პართენონის]] სვეტთა სიმაღლეს (10,43 მ), რომლის აგების დროსაც ოლიმპიის ტაძარი ნიმუშად გამოიყენეს. ტაძრის სკულპტურული დეკორი (დღეს დაცულია ოლიმპიის არქეოლოგიურ მუზეუმსა და პარიზის [[ლუვრი|ლუვრში]]) წარმოადგენს ადრეული [[კლასიკური ხელოვნება|კლასიკის]] ცენტრალურ ძეგლს. [[ფრონტონი|ფრონტონების]] ჯგუფები (აღმოსავლეთ ფრონტონზე — მითი [[პელოფი|პელოფზე]], დასავლეთ ფრონტონზე — [[კენტავრომაქია]]) შექმნილია ძვ. წ. 468–456 წლებში. [[ცელა (არქიტექტურა)|ცელას]] რელიეფურ [[მეტოპი|მეტოპებზე]] (6–6 ტორსულ მხარეებზე) გამოსახულია [[ჰერაკლე|ჰერაკლეს]] გმირობები. [[აკროტერიუმი]] შესრულებულია ძვ. წ. V საუკუნის მეორე ნახევარში ცნობილი მოქანდაკის [[პეონიოსი|პეონიოსის]] მიერ. ძვ. წ. 438 წელს მოქანდაკე [[ფიდიასი|ფიდიასმა]] ტაძრისათვის [[ქრისოელეფანტური სკულპტურა|ქრისოელეფანტური ტექნიკით]] შექმნა [[ზევსის ქანდაკება ოლიმპიაში|ზევსის 12-მეტრიანი ქანდაკება]], რომელიც შემდეგ [[მსოფლიოს შვიდი საოცრება|მსოფლიოს შვიდი საოცრებიდან]] ერთ-ერთად აღიარეს. იმპერატორ [[თეოდოსიუს II (ბიზანტია)|თეოდოსიუს II]]-ის ბრძანებით (ახ. წ. 426) დაიწყო ოლიმპიის წარმართული სალოცავების განადგურება, რომელიც VI საუკუნეში მიწისძვრებმა დაასრულა. 1875 წლიდან მიმდინარეობს ტაძრის ნანგრევების სისტემატური კვლევები.<ref>{{დრე წიგნი |ავტორი=Асимов Н. Н. |სათაური=Зевса храм в Олимпии |ტომი=10 |გვ=357–358 |id=1991330}}</ref>

<gallery mode="packed">
Temple of Zeus (Olympia) Plan.svg|გეგმა
2007 Greece Olympia Museum Heracles and Cretan Bull.jpg|[[მეტოპი]]ს დეტალი, სადაც გამოსახულია [[ჰერაკლე]] და [[კრეტის ხარი]]
Olimpyamuseum002.jpg|[[ფრონტონი]]ს ქანდაკებები ოლიმპიის მუზეუმში
Dias entrance EAST 01.jpg|ტაძრის ახლანდელი მდგომარეობა
</gallery>

== სქოლიო ==
{{სქოლიო}}

[[კატეგორია:ზევსის ტაძრები]]