იხილეთ წყარო გვერდისთვის მინა (კონსტანტინოპოლის პატრიარქი)

'''წმინდა მინა''' (გ. [[552]]) — [[კონსტანტინოპოლის პატრიარქები|კონსტანტინოპოლელი პატრიარქი]] ([[536]]-[[552]]); [[მართლმადიდებლობა|მართლმადიდებელი]] ეკლესიის წმინდანი, ხსენების დღე არის ძველი სტილით [[25 აგვისტო]], ახალი სტილით - [[7 სექტემბერი]]. იგი თავდაპირველად ხუცესად მსახურობდა კონსტანტინოპოლში და ღირსი სამსონ უცხოთშემწყნარებლის დავრდომილთა თავშესაფრის ზედამხედველი იყო წმინდა [[იუსტინიანე I]]-ის (527-565) ზეობისას. სათნოებებით უხვად შემკული, მართლმადიდებლობის მხნე აღმსარებელი მამა ერეტიკოს [[ანთიმ I (კონსტანტინოპოლის პატრიარქი)|ანთიმოზის]] (535-536) ჩამოგდების შემდეგ აღასაყდრეს კონსტანტინოპოლის საპატრიარქო ტახტზე. ხელდასხმა აღასრულა იმჟამად კონსტანტინოპოლში მყოფმა რომის პაპმა [[აღაპიტე]]მ (535-536). მღვდელმთავარ მინას პატრიარქობის დროს კონსტანტინოპოლში მოხდა სასწაული, რომელიც მთელს ქალაქში გახდა ცნობილი.

ერთი ებრაელის ბავშვი ტაძარში შევიდა და ქრისტეს წმინდა სისხლსა და ხორცს ეზიარა. როდესაც ამის შესახებ მან სახლში მამას მოუთხრო, ეს უკანასკნელი საშინლად განრისხდა, ყრმა შეიპყრო და გავარვარებულ ღუმელში შეაგდო, მეუღლისთვის კი არაფერი უთქვამს. სასოწარკვეთილი დედა სამი დღე ტირილით დაეძებდა შვილს და ხმამაღლა უხმობდა, სანამ ბოლოს იგი გახურებული ქურიდან არ შეეხმიანა. დედამ იქიდან გაჭირვებით გამოიყვანა ბავშვი, რომელიც სრულიად უვნებელი აღმოჩნდა. ბიჭი ყვებოდა, ბრწყინვალე ქალბატონი მოდიოდა ჩემთან, ცეცხლის სიმხურვალეს განაქარვებდა და წყალსა და საზრდელს მიზიდავდაო. ამის შესახებ მღვდელმთავარმა მინამ და წმინდა იუსტინიანე I-მა შეიტყვეს. დედა-შვილი მოინათლნენ, გულგაქვავებულმა მამამ კი იმ დიდი სასწაულის მიუხედავად, რომლის მოწმეც შეიქნა, არ ისურვა ცოდვის მონანიება. მაშინ იმპერატორმა სამსჯავროს გადასცა იგი, როგორც მკვლელი და სიკვდილით დასაჯა. პატრიარქი მინა თექვსმეტი წელი განაგებდა [[კონსტანტინოპოლი]]ს ეკლესიას. წმინდა სოფიას ცნობილი ტაძარი სწორედ მისი პატრიარქობის დროს იკურთხა. წმინდა მღვდელმთავარი მშვიდობით მიიცვალა [[552]] წელს.

== ლიტერატურა ==
* წმიდანთა ცხოვრება, ტომი III, გვ. 211–212, თბილისი, 2001 წ.  
==რესურსები ინტერნეტში==
*[https://www.georoyal.ge/?MTID=5&TID=53&id=2733 წმიდა მინა, კონსტანტინოპოლის პატრიარქი]
{{დაიწყე ყუთი}}
{{მემკვიდრეობის ყუთი | წინამორბედი= [[ანთიმ I (კონსტანტინოპოლის პატრიარქი)|ანთიმ I]] | ტიტული=[[კონსტანტინოპოლის პატრიარქები|კონსტანტინოპოლის პატრიარქი]]<br /> | წლები=[[536]] – [[552]]  <br />| შემდეგი=[[ევტიქი (კონსტანტინოპოლის პატრიარქი)|ევტიქი]]}}
{{დაასრულე ყუთი}}

{{კონსტანტინოპოლის პატრიარქები}}

[[კატეგორია:კონსტანტინოპოლის პატრიარქები]]
[[კატეგორია:VI საუკუნის ქრისტიანი წმინდანები]]
[[კატეგორია:გარდაცვლილი 552]]