ឧស្សាហកម្ម

ឧស្សាហកម្មជាសំណុំសកម្មភាពសេដ្ឋកិច្ចដែលប្រើប្រាស់ឬប្លែងរូបធាតុដើម ដើម្បីផលិតគ្រឿងសម្ភារៈ។ ជារួមឧស្សាហកម្មមានឧស្សាហកម្មជីកគាស់ អាគារនិងសាធារណការ ផលិតកម្មទឹក ឧស្ម័ននិងអគ្គីសនី ព្រមទាំងឧស្សាហកម្មប្លែងភាពផងដែរ។

ប្រភេទសំណង់

ជាទូទៅគេអាចធ្វើចំណែកថ្នាក់ឧស្សាហកម្មជាសាខា និងអនុសាខាទៅតាមផលិតផលបង្កើតបាននិងទៅតាមបច្ចេកទេសអនុវត្តន៍។ ប៉ុន្តែគេអាចធ្វើចំណែកថ្នាក់ផ្សេងៗទៀតដែរតាម៖

1. លក្ខណៈរូបធាតុដើម ឬផលិតផលសម្រេច៖ ឧស្សាហកម្មធន់ធ្ងន់ ឧស្សាហកម្មធន់ស្រាល។
2. កម្រិតកម្ពស់នៃបម្រើបម្រាស់ផលិតផលបង្កើតបាន៖ គ្រឿងឧបភោគបរិភោគ គ្រឿងបរិក្ខារ ផលិតផលពាក់កណ្តាលសម្រេច។
3. កម្រិតកម្ពស់បច្ចេកវិទ្យា៖ ឧស្សាហកម្មប្រពៃណី ឧស្សាហកម្មស្រួចស្រាលឬបច្ចេកវិទ្យាខ្ពស់។
4. តម្រូវការទុន៖ ឧស្សាហកម្មមូលធន ឬឧស្សាហកម្មហត្ថពលកម្ម។

ផលប៉ះពាល់នៃឧស្សាហកម្មទៅលើបរិស្ថាន

1. ឧស្សាហកម្មដើរដោយចំហេះឥន្ធនៈផូស៊ីល បង្កឱ្យមានឧស្ម័នពុលផ្សេងៗទៅក្នុងបរិយាកាស ពិសេសកាបូនឌីអុកស៊ីតដែលជាឧស្ម័នផ្ទះកញ្ចាក់ដ៏សំខាន់មួយដែលធ្វើឱ្យផែនដីឡើងកម្តៅ។
2. ឧស្សាហកម្មដើរដោយចំហេះឥន្ធនៈនុយក្លេអ៊ែបន្សល់ទុកនូវសំណល់ជាតិពុល ពិសេសធាតុវិទ្យុសកម្មដ៏គ្រោះថ្នាក់។
3. ឧស្សាហកម្មគីមីបង្កមហន្តរាយដល់បរិស្ថានទាំងក្នុងប្រទេសអភិវឌ្ឍ និងប្រទេសកំពុងអភិវឌ្ឍ។