China

China ([ˈʃiːna] (IPA) es ene kultureller Gägend in Ossasie, die övver 3500 Johr ald es. Zwesche 221 vür Chress un 1912 wor se politisch un geographisch dat Kaiserrich China un dann de Republik China. Vun 1927 bes 1945 gov et de Chinesische Bürgerkreeg (1927–1949), un am Engk woodt de Regeerung vun de Kuomintang vun de Kommuniste unger Mao Tse-tung fott gejag. De Kommuniste, am Aanfang och Maoiste genannt, regeere zick 1949 op däm chinesische Fessland. Se nannte ehre Staat Volksrepublik China Ävver de ahle Regeerung kunnt sich de Insel Taiwan schnappe. Se maahte och ene Staat met däm Name Republik China auf Taiwan. Un zickdäm strigge se sich wie de Puute op däm Spillplatz övver de Sandförmche, dä ein kann de andere nit in Roh losse un well dat ganze Land för sich han.

De gebildete Lück, die sich mit China befasse dun, nenne ihre Wesseschaff Sinologie oder Chinawesseschaffte, un sich selvs Sinologe.