Fontem paginae Gundaharius (rex Burgundionum) inspicere

[[Fasciculus:Peter von Cornelius Hagen versenkt den Nibelungenhort 1859.jpg|275px|thumb|Gundaharius [[Hagano]]ni mandat ut gazam in Rhenum demittat (pinxit [[Petrus von Cornelius]], 1859)]]

[[Fasciculus:Gunnar in snakepit Hylestad.jpg|275px|thumb|Gundaharius in fovea serpentium pedibus psalterio canens, portá sinistrá ecclesiae Hylestad insculptus]]

'''Gundaharius''' sive '''Gundicharius''' fuit rex [[Burgundiones|Burgundionum]] ab anno [[411]] aut iam prius usque ad mortem anno [[436]] aut [[437]], cum ab [[Hunni]]s profligatus et magna cum parte populi sui caesus est. Posterioribus saeculis unus e maximis heroibus [[Mythologia Germanica|mythologiae Germanicae]] factus est. In traditione Theodisca '''Guntharius''' et '''Gunther''', Nordica '''Gunnarr''' vel '''Gunnar''', et Anglosaxonica '''Gūðhere''' appellatur.

==Historia==
De Gundaharii vita pauca certe novimus, quippe qui ter tantum in [[saeculum 5|saeculi 5]] scriptis nominatim memoretur. In ''[[Lex Burgundionum|Burgundionum Lege]]'' Gundaharius numeratur inter eos qui ante [[Gundobadus (rex Burgundionum)|Gundobadum]] regem regnaverunt, post [[Gibica (rex Burgundionum)|Gibicam]], [[Godomarus I (rex Burgundionum)|Gundomarem]] et [[Gislaharius (rex Burgundionum)|Gislaharium]]. Duo horum nominum e fabulis quoque novimus: Gibica haud alius esse videtur ac ''Gibicho'' / ''Gibeche'' / ''Gjúki'' qui in variis fabulis Gundaharii pater habetur, et Gislahario ''Gîselher'' / ''Gislher'' comparari potest qui in ''[[Carmen Nibelungorum|Nibelungorum carmine]]'' et ''[[Fabula Theoderici|Theoderici fabula]]'' Gundaharii frater minimus et regni consors dicitur.<ref name="[Nib.1.4]">''Nib. carm.'' 1.4: "Ir pflâgen drîe künege edel unde rîch / Gunther unde Gêrnôt, die recken lobelîch, / und Gîselher der junge, ein ûzerwelter degen; diu frouwe war ir swester, die fürsten hetens in ir pflegen." ("Eam tres reges curabant, nobiles et divites, Gunther et Gêrnôt, heroes laudabiles, et Gîselher iuvenis, heros electus; femina soror fuit eorum - eam reges illi curare debebant.")</ref> In eisdem fabulis frater medius et ille regni particeps, ''Gêrnôt'' nomine, memoratur,<ref name="[Nib.1.4]"/> qui – etsi nomen mutavit – Gundomaris memoriam conservasse videtur. His rebus adductis conicere possumus Gibicam Gundomaris Gislaharii et Gundaharii patrem fuisse, cui mortuo omnes tres filii more prisco Germanico pariter successerunt.

==Mythologia Germanica==

==Fontes==
;Fontes historici fere contemporanei
*''[[Lex Burgundionum]]'' (ca. 500 iussu Gundobadi Burgundionum regis edita), cpt. 3:
:''Si quos apud regiae memoriae auctores nostros - id est Gibicam, Gundomarem, Gislaharium, '''Gundaharium''', patrem quoque nostrum et patruum - liberos liberasve fuisse constiterit, in eadem libertate permaneant.''
*[[Hieronymus]] (ca. 346 - 420), ''Chronica'' 247a, ad annum 373:
:''Burgundionum LXXX ferme milia, quod numquam antea, ad Rhenum descenderunt.''
*[[Paulus Orosius]] (ca. 385 - ca. 420), ''[[Historiae adversum paganos]]'' ???:
:''Burgundionum quoque novorum hostium novum nomen, qui plus quam octaginta milia, ut ferunt, armatorum ripae Rheni fluminis insederunt.''
*[[Olympiodorus Thebanus]] (ca. 380 - post 425), fr.18 (Blockley) de rebus anno 411 gestis:
:{{Polytonic|ὅτι Ἰοβῖνος ἐν Μουνδιακῷ τῆς ἑτέρας Γερμανίας κατὰ σπουδὴν Γώαρ τοῦ Ἀλανοῦ καὶ '''Γυντιαρίου''', ὃς φύλαρχος ἐχρημάτιζε τῶν Βουργουντιόνων, τύραννος ἀπηγορεύθη.}} (Quod Iovinus Mundiaci, Germaniae secundae in urbe, Goare Alano et '''Gyntiario''', qui dux Burgundionum habebatur, faventibus tyrannus proclamatus est.)
*[[Renatus Profuturus Frigeridus]] (saec.5), ''Historiae'', ad annum 411:
:''Vixdum quartus obsidionis Constantinus mensis agebatur, cum repente ex ulteriore Gallia nuntii veniunt, Iovinum adsumpisse ornatus regios et cum Burgundionibus, Alamannis, Francis, Alanis omnique exercitu inminere obsedentibus.''
*[[Prosper Tiro]] (390-455), ''Epitoma chronicôn'' 740, ad annum 413:
:''Burgundiones partem Galliae propinquam Rheno obtinuerunt.''
*Ibid. 745, ad annum 435:
:''Eodem tempore '''Gundicharium''' Burgundionum regem intra Gallias habitantem Aëtius bello obtrivit pacemque ei supplicanti dedit, qua non diu potitus est, siquidem illum Chuni cum populo suo ab stirpe deleverint.''
*Anon. ''[[Chronica Gallica anni 452]]'', ad annum 436:
:''Bellum contra Burgundionum gentem memorabile exarsit, quo universa paene gens cum rege per Aëtium deleta.''
*[[Hydatius]] (400-469), ''Chronicôn'', ad annum 436:
:''Burgundiones, qui rebellaverant, a Romanis duce Aëtio debellantur.''
*Ibid. ad annum 437:
:''Narbona obsidione liberatur Aëtio duce et magistro militum, Burgundionum caesa viginti milia.''
*Inscriptio in honorem [[Flavius Aetius|Flavii Aëtii]] in [[Atrium Libertatis|Atrio Libertatis]] Romae ([[CIL]] VI, 41389, 7-9):
:''ob Italiae securitatem, / quam procul, domitis gentib(us) peremptisque / [B]urgundionib(us) et Gotis oppressis, vincendo praestit(it).''
*[[Sidonius Apollinaris]] (430 (?) – 489), carm. 7 (Panegyricus in Avitum), 230-5:
:''Aetium interea, Scythico quia saepe duello est / edoctus, sequeris ; qui, quamquam celsus in armis, / nil sine te gessit, cum plurima tute sine illo. / nam post Iuthungos et Norica bella subacto / victor Vindelico Belgam, Burgundio quem trux / presserat, absolvit iunctus tibi.''
*Anon. ''[[Chronica Gallica anni 452]]'', ad annum 443:
:''Sapaudia Burgundionum reliquiis datur cum indigenis dividenda.''

;Fontes historici posterioris aetatis
*[[Paulus Diaconus]] (ca. 725-797/9), ''Historia Romana'' 14.5 (scribens de pugna anno [[451]] in [[Pugna Catalaunica|campis Catalaunicis]] gesta):
:''Attila itaque primo impetu, mox ut Gallias introgressus est, '''Gundicarium''' Burgundionum regem sibi occurrentem protriuit.''
*id. ''Gesta episcoporum Mettensium'' (scribens de rebus anno 451 gestis):
:''Eo igitur tempore [...] Attila rex Hunnorum, omnibus beluis crudelior, habens multas barbaras nationes suo subiectas dominio, postquam '''Gundicarium''' Burgundionum regem sibi occurrentem protriverat, ad universas deprimendas Gallias suae saevitiae relaxavit habenas.''

;Fontes mythologici:
*''[[Carmen Nibelungorum|Nibelungorum carmen]]''
*''[[Fabula Theoderici|Theoderici fabula]]''
*''[[Waltharius|Waltharii carmen]]''

== Notae ==
<div class="references-small"><references /></div>

{{Bio-stipula}}

[[Categoria:Nati saeculo 4]]
[[Categoria:Mortui 436]]
[[Categoria:Reges]]
[[Categoria:Romae adversarii]]
[[Categoria:Mythologia mediaevalis]]
[[Categoria:Mythologia Nordica]]