Hamburgum

Hamburgum,^[1] vulgo Hamburg, est maximus portus Germaniae. Hamburgum simul est urbs et terra foederalis Germanica. Decemvirorum rebus publicis administrandis collegium Hamburgi senatus appellatur, cuius his diebus Petrus Tschentscher praeses et praefectus est urbi.

Nomen

Urbs Latine Hamburgum,^[1] Hamburga, Hammanisburgum^[2] a variis auctoribus appellata est atque interdum sollemnius Hammonia iuxta nomen deae neoclassicae huic urbi tutricis. Theodisce Hamburg appellatur (medio aevo Honburgh) sed sollemniter Freie und Hansestadt Hamburg, unde Latine nonnumquam "libera et Hanseatica civitas Hamburgi".^[3]

De situ et incolis

Hamburgum ad ripas Albis fluvii et lacus Alsterensis situm centum fere chiliometra et viginti abest a mari Germanico. Nostra aetate Hamburgi ad octies decies centena milia hominum habitant. Lingua Saxonica lingua ingenua est Hamburgensium, qui tamen his temporibus lingua Germanica multo saepius uti solent. Dialectus Hamburgensium, quo miscentur, quae Saxonicae et Germanicae linguae propria sunt, ipsorum verbo missingsch appellatur.

De rebus gestis populi Hamburgensis

De urbe condita

Castra Hamburgensia anno 811 a Carolo Magno imperatore condita esse traduntur. Anno 831 Ludovicus imperator cognomine Pius Anscharium archiepiscopum Hamburgensibus primum inauguravit. Fundamentum regiae episcopalis etiamnunc in Via Lapidea aspici potest. Anno 845 Normanni (Vicingi) feroces Hamburgensibus bellum intulerunt, postea etiam Sclavi. Quarum rerum documenta praeclara sunt libri Adami Bremensis Gesta Hammaburgensis Ecclesiae Pontificum inscripti.

Medioaevum

Medio quod dicitur aevo Hamburgenses ad foedus hanseaticum accesserunt, cuius oppida praecipua facta sunt Lubeca, Brema, Dantiscum, Hamburgum.

Tempore Napoleonis

Napoleone primo eius nominis imperatore Francogallis imperante ager Hamburgensis una cum Batavorum Frisiorumque sedibus dicioni et imperio Francogallorum allegatus, mox autem tyranno superato in libertatem vindicatus est.

Pars Confoederationis Germanicae

Annis 1815 - 1866 Hamburgum pars Confoederationis Germanicae erat, deinde Foederationis Germanicae Septemtrionalis. A die 5 ad usque 8 Maii 1842 urbs maximo incendio deleta et postea pulcherrimis aedificiis iterum exstructa est.

Imperium Germanicum

Anno 1871, cum Germanorum civitates tribus populi Gulielmo I rege Borussiae imperante devictis Francogallis in unum imperium coniungerentur, etiam Hamburgenses sua sponte ad imperium Germanicum accesserunt. Sed non prius quam 1888 Hamburgum etiam sodalis Societatis portorii Germanicae facta est. Inde ab eo tempore illud populi Germanici portae ad orbem terrarum cognomen urbis honorificum vulgatum est.

Res publica Vimariana

Anno 1918 etiam Hamburgo constitutio libera data est, ita ut omnibus incolis aequa iura darentur. Anno 1923 communistae frustra rerum potiri conati sunt.

Dictatura Nazista

Pellicula Hamburgi ab exercitu Civitatum Foederatarum delendi.

Anno 1933, etiam Hamburgi Nazistae rerum potiti sunt et democratiam deleverunt. Anno 1937 eorum, qui Berolini populo Germanico imperabant, consilio fines urbis vicinis plurimis adiectis hodiernum ad modum propagati sunt. secundo bello mundano Hamburgum aeronavibus pyroboletariis valde deletum est.

Post secundum bellum mundanum

Bello finito Hamburgum urbs a Britannia occupata et libertas restituta est. Urbs plerumque a magistris civium factionis SPD recta est: annis 1946 - 1953 et 1957 - 1960 a Maximiliano Brauer, deinde ad annum 2001 Paulus Nevermann, Herbertus Weichmann, Petrus Schulz, Ioannes-Ulricus Klose, Nicolaus de Dohnanyi, Henning Voscherau atque Ortvinus Runde summum magistratum urbis administrabant, qui omnes ad Factionem Socialem Democraticam pertinuerunt.

Tempus novissimum

Sed 31 Octobris 2001 post electionem civitatis Ole de Beust magister civium superior Hamburgi successor Ortvini Runde (SPD) electus est. Ab hoc die variis coalitionibus urbem patriam regnavit, primo CDU cum Factione Reipublicanae Impetu foedus fecit, deinde ab anno 2004 post foedus finitum et electionem habitam factio sua maiorem partem legatorum adepta est, denique ab anno 2008 cum GAL. Foedere inter alia sancitum est, ut scholae Hamburgi reformandae essent: Ad usque sextum annum omnes dicipuli unam scholam frequentare debuerunt. Sed id plebiscito incolarum 18 Iulii 2010 repudiatum est, quamquam omnes paene factiones (nisi FDP) reformae favebant. Itaque de Beust eodem die se a magistratu se recessurum pronuntiavit. 25 Augusti 2010 Christopherus Ahlhaus (CDU) successor electus est et aliquamdiu cum viridibus foedus habere pergebat. Sed 25 Novembris 2010 Virides foedus regendi finiverunt. Suffragium novum in 20 Februarii 2011 constitutum est. Hoc suffragio Factio Socialis Democratica maximam partem votorum accepit et 7 Martii Olaus Scholz novus magister civium electus est, qui sine alia factione urbem regere potest. Sed suffragiis anno 2015 habitis Scholz foedus regnandi cum Viridibus facere coactus est^[4]. Postquam Scholz Administer Foederalis Aerarii Publici vocatus est, ei 28 Martii 2018 Petrus Tschentscher, consodalis factionis SPD, ad munus successit.

Religiones

Pars maxima incolarum Christiani Lutherani sunt (circa 32%), pars minor Catholica est, sunt circa 10 per centum. Ceteri aliarum religionum sectatores vel nullius religionis sodales sunt.

Ecclesia Evangelica

Hamburgum pars episcopati Albiae Septentrionalis anno 1977 conditi est, sedes episcopi Evangelici Kielia est.

Ecclesia Catholica Romana

Hamburgum est sedes archiepiscopalis cum nomine Archidioecesis Hamburgensis Praesentis archiepiscopus est Stephanus Heße.

Clima

Urbi Hamburgensi clima est oceanicum per enumerationem Köppen–Geiger, in stationes quattuor divisum, mensibus frigidissimis Decembri, Ianuario, Februario, calidissimis Iunio, Iulio, Augusto; temperatura aëris media a Decembri ad Februarium circiter 2° atque mense Iulio 18.7°, minima inter −0.3° et 13.8°, maxima inter 4° et 23.5°, sed minima extrema usque hodie nota −29.1°, maxima extrema 37.3°; pluviis mense Aprili ad 43 mm tantum, mense Augusto 79 mm; diebus pluviosis per annum totum fere 129 incidentibus; horis solis fulgentis mense Decembri 37, mense Maio 223, per annum totum 1 582 relatis.^[5]

Regiones urbanae

Hamburgum in septem regiones urbanas divisum est, quarum una, Altona, vicus piscatorum fuit anno circiter 1535 conditus atque ab anno 1664 usque in 1938 urbs a se ipsa. Aliae regiones sunt Urbs Media, Hamburgum Septentrionale, Bergedorf, Eimsbüttel, Harburg, Wandsbek.

Altona e quattuordecim vicis constituitur, videlicet urbe Altona vetere, Altona septentrionali, Bahrenfeld, Blankenese, Groß Flottbek, Iserbrook, Lurup, Nienstedten, Osdorf, Othmarschen, Ottensen, Rissen, Sternschanze, Sülldorf.
Urbs Media Hamburgensis ex uno et viginti vicis constituitur, videlicet urbe Hamburgo vetere, Billbrook, Billstedt, Borgfelde, Finkenwerder, HafenCity, Hamm-Nord, Hamm-Mitte, Hamm-Süd, Hammerbrook, Horn, Kleiner Grasbrook, Neustadt, Neuwerk, Rothenburgsort, Steinwerder, St. Georg, St. Pauli, Veddel, Waltershof, Wilhelmsburg.^[6]
Hamburgum Septentrionale e tredecim vicis constituitur, videlicet Alsterdorf, Barmbek-Nord, Barmbek-Süd, Dulsberg, Eppendorf, Fuhlsbüttel, Groß Borstel, Hoheluft-Ost, Hohenfelde, Langenhorn, Ohlsdorf, Uhlenhorst, Winterhude.^[7]
Bergedorf e tredecim vicis constituitur, videlicet Allermöhe, Altengamme, Bergedorf, Billwerder, Curslack, Kirchwerder, Lohbrügge, Moorfleet, Neuengamme, Ochsenwerder, Reitbrook, Spadenland, Tatenberg.^[8]
Eimsbüttel ex novem vicis constituitur, videlicet Eidelstedt, Eimsbüttel, Harvestehude, Hoheluft-West, Lokstedt, Niendorf, Rotherbaum, Schnelsen, Stellingen.^[9]
Harburg e septemdecim vicis constituitur, videlicet Altenwerder, Cranz, Eißendorf, Francop, Gut Moor, Harburg, Hausbruch, Heimfeld, Langenbek, Marmstorf, Moorburg, Neuenfelde, Neugraben-Fischbek, Neuland, Rönneburg, Sinstorf, Wilstorf.^[10]
Wandsbek e duodeviginti vicis constituitur, videlicet Bergstedt, Bramfeld, Duvenstedt, Eilbek, Farmsen-Berne, Hummelsbüttel, Jenfeld, Lemsahl-Mellingstedt, Marienthal, Poppenbüttel, Rahlstedt, Sasel, Steilshoop, Tonndorf, Volksdorf, Wandsbek, Wellingsbüttel, Wohldorf-Ohlstedt.^[11]

Cives praeclari

Rudolfus Augstein, editor nuntiorum hebdomadalium
Oliverius Hirschbiegel, moderator cinematographicus
Fridericus Amadeus Klopstock, poeta
Albertus Krantz, rerum gestarum scriptor
Carolus Laeisz, mercator navalis
Felix Mendelssohn-Bartholdy, compositor
Philippus Otho Runge, pictor
Helimutus Schmidt (1918-2015), cancellarius foederalis Germaniae
Uwe Seeler, pedilusor
Aby Warburg, historiae artis studiosus
Heribertus Wehner, vir in re publica versatus
Henricus Rowohlt, histrio et scriptor

Filii filiaeque

Ioachim Westphalus (1510 - 1574), theologus et emendator Ecclesiae
Henningus Conradinus (1538 - 1590), poeta Latinus
Iohannes Brahms (1833 - 1897), compositor
Ernestus Thälmann (1886 - 1944), dux Communisticae Factionis Germanicae
Helimutus Schmidt (1918 - 2015), ex cancellarius Germaniae
Volfgangus Borchert (1921 - 1947), scriptor et actor
Nicolaus de Dohnanyi (*1928), vir publicus et sodalis Socialis Democraticae Factionis Germaniae
Ioannes Apel (1932 - 2011), vir publicus et sodalis SPD
Henning Voscherau (1941 - 2016), vir publicus et sodalis SPD
Ioannes Fried (*1942), historicus
Angela Merkel (*1954), cancellaria Germaniae
Stephanus Weil (*1958), praeses ministrorum Saxoniae Inferioris.

Mortui

Georgius Philippus Telemann (1681 - 1767), compositor
Carolus Philippus Emanuel Bach (1714 - 1788), compositor
Arminius Lange (1912 - 1943), presbyter catholicus Germanicus ad victimarum Nazistarum gregem pertinens, qui dicitur Lubecae martyres
Gustavus Schröder (1885-1959), navarchus, qui anno 1939 sub dictatura Nazistarum cives Iudaicos servabat
Rudolphus Dahlgrün (1908 - 1969), vir publicus et sodalis factionis FDP
Carolus Schiller (1911 - 1994), vir publicus et sodalis SPD
Ioannes Apel (1932 - 2011), vir publicus et sodalis SPD
Helimutus Schmidt (1918 - 2015), ex cancellarius Germaniae
Henning Voscherau (1941 - 2016), vir publicus et sodalis SPD

oppida coniuncta

	Petropolis ex anno 1957
	Massilia ex anno 1958
	Siamhaevum in Re publica Populi Sinarum ex anno 1986
	Dresda ex anno 1987
	Osaca ex anno 1989
	León in Nicaragua ex anno 1989
	Praga ex anno 1990
	Sicagum ex anno 1994

Notae

↑ ^1.0 ^1.1 Tuomo Pekkanen & Reijo Pitkäranta, Lexicon hodiernae Latinitatis Finno-Latino-Finnicum. Societas Litterarum Finnicarum, 2006; Ebbe Vilborg, Norstedts svensk-latinska ordbok. Andra upplagan. Norstedts akademiska förlag, Stockholm, 2009.
↑ "Hamburga ... Hammanisburgum ... Hamburgum": Iohannes Iacobus Hofmannus, Lexicon universale (1698) ~
↑ "Libera et Hanseatica Civitas Hamburgi": Mitteilungsblatt der Deutscher Altphilologenverband (1996)
↑ ndr.de die 18 Aprilis 2015
↑ Res climatologicae e Vicipaedia Anglica extractae, fontibus fidei dignis ibi citatis
↑ De media urbe
↑ De Hamburgo septentrionali
↑ De regione Bergedorf
↑ De regione Eimsbüttel^{[nexus deficit]}
↑ De regione Harburg
↑ De regione Wandsbek

Bibliographia

"Hamburga" in Iohannes Iacobus Hofmannus, Lexicon universale (1698) ~
Philip Oltermann, "Story of cities #40: how a village had to die so Hamburg's port could survive" in The Guardian (11 Maii 2016) (Anglice)

Nexus interni

Nexus externi

Vicimedia Communia plura habent quae ad Hamburgum spectant.

Europae urbes milies milium incolarum

Athenae • Barcino • Belogradum • Berolinum • Birminghamia • Bruxellae • Bucaresta • Budapestinum • Casanum • Catharinopolis • Charcovia • Colonia Agrippina • Constantinopolis • Hamburgum • Kiovia • Londinium • Lutetia • Matritum • Mediolanum • Minscum • Monacum • Moscua • Neapolis • Novogardia Inferior • Odessa • Permia • Petropolis • Praga • Roma • Rostovia ad Tanaim • Samara • Serdica • Ufa • Varsavia • Vindobona • Volgogradum • Voronegia

Opus geopoliticum • Maximae urbes orbis terrarum • Index maximarum urbium Europaearum

Capsae cognatae: Urbes Europae capitales • Urbes Africae maximae • Urbes Americae Australis maximae • Urbes Americae Septentrionalis maximae • Urbes Asiae maximae • Urbes Indiae maximae • Urbes Oceaniae maximae • Urbes Sericae maximae

Terrae foederales Germaniae


Badenia et Virtembergia · Bavaria · Berolinum · Brandenburgum · Urbs Hanseatica Brema · Hamburgum · Hassia · Megapolis et Pomerania Citerior · Rhenania Septentrionalis et Vestfalia · Rhenania et Palatinatus · Saxonia · Saxonia et Anhaltium · Saxonia Inferior · Slesvicum et Holsatia · Saravia · Thuringia Index regionum · Terrae foederales Germaniae

Urbes foederalium Germaniae terrarum capitales


Aquae Mattiacae • Berolinum • Brema • Dresda • Dusseldorpium • Erfordia • Hamburgum • Hannovera • Kielia • Magdeburgum • Moguntiacum • Monacum • Potestampium • Saravipons • Stutgardia • Suerinum

Res historicae

Terrae rei publicae Vimarianae


Anhaltinum • Badenia • Bavaria • Res Publica Brunsvicum • Urbs Hanseatica Brema • Hamburgum • Hassia • Lippia • Lubeca • Megalopolis-Suerinum • Megalopolis-Strelicia • Oldenburgum • Borussia • Saxonia • Schaumburgum-Lippia • Thuringia • Waldecum-Pyrmontum (ad usque annum 1929) • Virtembergia

[ppv-1] 1.0 ^1.1 Tuomo Pekkanen & Reijo Pitkäranta, Lexicon hodiernae Latinitatis Finno-Latino-Finnicum. Societas Litterarum Finnicarum, 2006; Ebbe Vilborg, Norstedts svensk-latinska ordbok. Andra upplagan. Norstedts akademiska förlag, Stockholm, 2009.

[2] "Hamburga ... Hammanisburgum ... Hamburgum": Iohannes Iacobus Hofmannus, Lexicon universale (1698) ~

[3] "Libera et Hanseatica Civitas Hamburgi": Mitteilungsblatt der Deutscher Altphilologenverband (1996)

[4] r.de die 18 Aprilis 2015

[5] Res climatologicae e Vicipaedia Anglica extractae, fontibus fidei dignis ibi citatis

[6] De media urbe

[7] De Hamburgo septentrionali

[8] De regione Bergedorf

[9] De regione Eimsbüttel^{[nexus deficit]}

[10] De regione Harburg

[11] De regione Wandsbek

[1]

[2]

[3]

[4]

[5]

[6]

[7]

[8]

[9]

[10]

[11]