Lidocainna
A Lidocainna a l'è un anestetico locale de tipo amidico: a vegne squæxi sempre missa in commercio in ta forma de cloridrou; a pö esse döviä segge pe inieçion che mediante applicaçion in scê mucose. Comme tütti i anestetici locali a sö açion a l'è dovüa ao blocco da conduçion di stimoli, impedindoghe de camminâ aprövô ai nervi.
L'associaçion con l'Adrenalinna
[modìfica | modìfica wikitèsto]Sciccome anche a Lidocainna, comme squæxi tütti i anestetici locali, a provoca vasodilataçion, spesso a vegne associâ con l'Adrenalinna, che a diminuìsce o flüsso sanguigno, aumentando l'effetto dell'anestesia. L'Adrenalinna a va döviâ con cautela tegnindo conto da situaçion cardiovascolare di paçienti.
Effetti indexideræ
[modìfica | modìfica wikitèsto]I effetti indexideræ dell' üso de questo anestetico pöen esse:
- deprescion respiratoia; confüxion; convulscioin;
- bradicardia con pericolo de arresto cardiaco;
- se pö avei anche ipersensibilitæ sciübben che, comme pe i atri anestetici de tipo amidico, a segge meno probabile che con quelli de tipo esterico.
L'üso in Odontoiatria
[modìfica | modìfica wikitèsto]Questo anestetico o vegne döviou, da parecchio tempo, pe l'analgesia pe infiltraçion in Odontoiatria in te a concentraçion ao 2% con Adrenalinna 1:80.000. Existe anche de cremme e di unguenti che sfrütten a façilitæ de assorbimento da Lidocainna da parte de mucose. Questi ürtimi prodotti son döviæ, pe l'anestesia de superfiçie, segge in Odontoiatria che in te atre branche da Meixinna.
Vôxe corelæ
[modìfica | modìfica wikitèsto]- Eugenolo (aroma, comme öio essensiale e in meixinna comme antisettico e anestetico)
Âtri progètti
[modìfica | modìfica wikitèsto]
Wikimedia Commons a contêgne di files in sce Lidocainna
