Lompat ke isi

Taman Nasional Komodo

Wikipedia Minangkabau - Lubuak aka tapian ilimu
Versi yang bisa dicetak tidak lagi didukung dan mungkin memiliki kesalahan tampilan. Tolong perbarui markah penjelajah Anda dan gunakan fungsi cetak penjelajah yang baku.
Taman Nasional Komodo
Komodo National Park
Komodo di Taman Nasional Komodo
Map showing the location of Taman Nasional Komodo
Map showing the location of Taman Nasional Komodo
Komodo NP
koordinat8°32′36″S 119°29′22″E / 8.54333°S 119.48944°E / -8.54333; 119.48944Koordinat: 8°32′36″S 119°29′22″E / 8.54333°S 119.48944°E / -8.54333; 119.48944
Wilayah1,733 km2 (669 sq mi)[1]
Ditetapkan pado1980
Pangunjuang45.000 (in 2010)
Pangalola kawasanKementerian Kehutanan Republik Indonesia
komodonationalpark.org
Situs Warisan Dunia UNESCO
KriteriaAlam: vii, x
Referensi609
Pangukuahan1991 (Sesi 15th)

Taman Nasional Komodo adolah taman nasional nan talatak di Provinsi Nusa Tenggara Timur dan dakek jo Pulau Sumbawa, Nusa Tenggara Barat. Taman ko tadiri ateh tigo pulau utamo yaitu Pulau Komodo, Pulau Rinca, jo Pulau Padar, sarato 26 pulau ketek lainnyo. Wilayah total dari taman nasional ko mancapai 1.733 km2 (603 km2 wilayah darek).[2]

Taman nasional ko partamo kali didirikan pado taun 1980 untuak malinduangi komodo jo tampek tingganyo.[3] Kudian ditaruihan pulo untuak malinduangi binatang-binatang lain. Ado 277 spesies binatang nan marupokan papaduan antaro binatang Asia jo Australia, nan taddiri ateh 32 spesies mamalia, 128 spesies buruang, jo 37 spesies reptil. Ado pulo 253 spesies tarumbu karang jo 1000 spesies ikan. Pado taun 1991 taman ko ditatapkan sabagi Situs Warisan Dunia UNESCO.[4]

Pado taun 2011, Taman Nasional Komodo tapiliah manjadi salah satu dari New7Wonders of Nature (7 Kaajaiban Alam Baru).[5]Kudian mandapek suaro paliang banyak. Taman Nasional Komodo tapiliah dek baragamnyo biota lauik di dalamnyo.[6]

Sijarah

Pado taun 1911, surang letnan Balando, Letnan J. K. H. van Steyn van Henbroek, malakukan panjalajahan di Pulau Komodo. Dari panjalajahannyo didapek foto jo kulik komodo nan dikirimnyo ka Peter Ouwens nan sangkek tu manjadi kurator di Kebun Raya Bogor. Peter Ouwens nan juo ilmuwan mambuek publikasi tantang komodo pado tulisan nan bajudul "On a Large Species from The Island of Komodo" pado taun 1912 inggo pulau sarato binatang ko tanamo di Eropa. Samanjak itu, mulai dilakukan palinduangan ka binatang sarato pulaunyo. Mulo-mulo pado taun 1915, Kasultanan Bima mangaluakan surek kaputusan untuak malinduangi komodo (Verordening van het Sultanat van Bima). Kudian upayo ko dilanjuikan dek Pamarintah Hindia-Balando inggo manatapkan kawasan suaka margasarwa pado taun 1927.[7]

Pado taun 1980, status suaka margasatwa barubah manjadi taman nasional.[3] Salanjuiknyo pado taun 1991, Taman Nasional Komodo manjadi Situs Warisan Dunia UNESCO.[4] Sampai akhianyo di taun 2011, Taman Nasional Komodo manjadi salah satu dari New7Wonders of Nature.[5]

Pulau Padar

Pado taun 2019, Pamarintah Daerah Provinsi Nusa Tenggara Timur barencana untuak manutuik samantaro Taman Nasional Komodo sainggo indak bisa dikunjuangi untuak tujuan raun. Pemda maanggap hal iko paralu dilakukan untuak manaiakan populasi komodo nan mulai turun dek bakurangnyo binatang nan manjadi buruannyo. Salain itu, upayo ko dianggap paralu untuak mamparancak taman nasional sainggo manaiakan pandapatan daerah dari kunjuangan pariwisata.[8][9] Upayo ko ditantang dek masyarakaik satampek dek upayo ko mambueknyo musti direlokasi padohal alah lamo tingga di sinan.[10][11]

Pulau Rinca

Pado taun 2020, Taman Nasional Komodo ditutuik dek adonyo Pandemi COVID-19. Panutupan ko alah dimulai dari Maret 2020 sampai Juni 2020.[12] Pado patangahan Juni 2020, Balai Taman Nasional Komodo barencana ka mambukak baliak taman nasional, tapi jo skema pambatasan pangunjuang sairiang jo panerapan tatanan normal baru. untuak maambek pamindahan panyakik COVID-19.[13][14]

Geografi

Dataran babatu-batu di Pulau Komodo.

Taman Nasional Komodo mambantang dari pasisia barat Flores, tigo pulau utamo (Komodo, Rinca, jo Padar), 26 pulau ketek, inggo parairan Selat Sape di dakek Sumbawa. Pulau-pulau ko barasa dari tanah volkanik. Daratannyo babatu-batu sarato babukik-bukik bulek[3] jo katinggian inggo 735 m.[2] Vegetasi padang rumpuik mandominasi taman nasional ko. Hutan-hutan rimbo masih dapek tasuo walau saketek dan hanyo ado di daerah bakatinggian di ateh 500 meter ateh pamukaan lauik dan manjadi rumah untuak tumbuahn-tumbuahan endemis katigo pulau utamo.[3]

Iklim pulau-pulau ko condong kariang dan tamasuak dalam daerah nan paliang jarang dituruni hujan di Indonesia. Curah hujan tahunan antaro 800 mm inggo 1000 mm. Pado musim kamarau, antaro Mei inggo Oktober, suhu rato-ratonyo adolah 40 °C.[3]

Fauna

Komodo (Varanus komodoensis) marupokan fauna nan manjadi atraksi utamo di taman nasional ko. Kurang labiah ado 2.700-an ikua nan taseba di Pulau Komodo jo Rinca sarato pulau-pulau ketek di sakaliliangnyo, bahkan di pasisia barat Flores.[15] Namun, populasi komodo dinyatokan punah di Pulau Padar.[3][2]

Salain komodo, ado baragam binatang di taman nasional ko. Walau baitu, karagaman binatang darek indak sabanyak binatang lauik. Binatang darek nan ado marupokan binatang endemik sarato papaduan antaro binatang Asia jo Auatralia. Binatang Asia rato-rato binatang mamalia, antaro lain ruso timor (Cervus timorensis), ciliang (Sus scrofa vittatus), cigak (Macaca fascicularis), kabau (Bubalus bubalis), jo musang (Paradoxurus hermaphroditus lehmanni). Samantaro binatang Australia nan tasuo kabanyakan reptil jo buruang, sarupo buruang gosong kaki-sirah (Megapodius reinwardt), kakaktuo gombak kuniang (Cacatua sulphurea), jo cucak timor (Philemon buceroides). Adopulo binatang endemik cando mancik komodo atau mancik rinca (Rattus rintjanus).[3]

Binatang lauik baragam jinihnyo di taman nasional ko. Paliang banyak tasuo di bagian timur laut pasisia Pulau Komodo dek ado banyak tarumbu karang di siko.[3] Binatang lauik nan dapek tasuo, cando hiu paus, ikan mola, pari manta, pari alang, kudo lauik ketek, false pipefish, clown frogfish, cipuik lauik-indak bacangkang (nudibranchia), gurito cincin biru, porifera, duyuang, paus sperma, paus biru, lumbo-lumbo, jo paus omura.[16][17][18][19]

  • Komodo nan sadang makan
    Komodo nan sadang makan
  • Kabau
    Kabau
  • Cigak
    Cigak
  • Komodo nan maintai ruso timor
    Komodo nan maintai ruso timor
  • Pari Manta
    Pari Manta

Rujuakan

  1. ↑ World Heritage Site Database
  2. ↑ a b c "Ministry of Forestry: Komodo NP]". Diarsipkan dari versi asli tanggal October 12, 2015. Diakses tanggal April 3, 2019. 
  3. ↑ a b c d e f g h UNESCO: Advisory Body Evaluation, retrieved 2 February 2010
  4. ↑ a b "Komodo National Park". UNESCO. 
  5. ↑ a b New 7 Wonders of the world, retrieved 29 December 2011
  6. ↑ http://www.detiknews.com/read/2011/11/12/080701/1765930/10/new7wonders-baru-resmikan-7-keajaiban-dunia-pada-awal-2012
  7. ↑ "Sejarah Taman Nasional Komodo Yang Wajib Anda Ketahui". Gumilang Tour and Travel (dalam bahasa Inggris). 2019-11-16. Diarsipkan dari versi asli tanggal 2020-07-01. Diakses tanggal 2020-07-01. 
  8. ↑ Putri, Aditya Widya. "Rencana Pulau Komodo Ditutup untuk Pelestarian, Perlukah?". tirto.id (dalam bahasa Indonesia). Diakses tanggal 2020-07-01. 
  9. ↑ Utama, Abraham (2019-01-22). "Penutupan Taman Nasional Komodo, sekedar wacana atau berbasis riset?". BBC News Indonesia (dalam bahasa Indonesia). Diakses tanggal 2020-07-01. 
  10. ↑ "Ini Dampak Rencana Penutupan Pulau Komodo Bagi Warga dan Wisatawan". Mongabay Environmental News (dalam bahasa Inggris). 2019-07-31. Diakses tanggal 2020-07-01. 
  11. ↑ "Nasib Suku Komodo di Pulau Komodo". Republika Online (dalam bahasa Indonesia). 2019-08-12. Diakses tanggal 2020-07-01. 
  12. ↑ "Penutupan Balai Taman Nasional Komodo Kembali Diperpanjang". merdeka.com (dalam bahasa Inggris). Diakses tanggal 2020-07-01. 
  13. ↑ antaranews.com (2020-06-17). "Balai Taman Nasional Komodo siapkan skema pembatasan pengunjung". Antara News. Diakses tanggal 2020-07-01. 
  14. ↑ Media, Kompas Cyber. "Wisata Taman Nasional Komodo, Bakal Ada Pembatasan Pengunjung". KOMPAS.com (dalam bahasa Indonesia). Diakses tanggal 2020-07-01. 
  15. ↑ Trooper Walsh; Murphy, James Jerome; Claudio Ciofi; Colomba De LA Panouse (2002). Komodo Dragons: Biology and Conservation (Zoo and Aquarium Biology and Conservation Series). Washington, D.C.: Smithsonian Books. ISBN 1-58834-073-2. 
  16. ↑ Kahn, B. 2001. "Komodo National Park Cetacean Surveys: April 2001 and 1999–2001 survey synopsis". Presented working paper CMS/SEAMAMSII/24. United Nations Environment Programme – Convention on the Conservation of Migratory Species of Wild Animals (UNEP/CMS) Second International Conference on the Marine Mammals of Southeast Asia. July 22–23, 2002. Demaguette, Philippines. 39pp.
  17. ↑ "Cetacean Surveys in Komodo National Park" (PDF). Indonesia Program Information Sheet CMP 8. The Nature Conservancy. Diarsipkan dari versi asli (PDF) tanggal 24 March 2012. Diakses tanggal 2015-01-22. 
  18. ↑ "The Deep South of Komodo". The Seven Seas Liveaboard. Diarsipkan dari versi asli tanggal 2017-07-17. Diakses tanggal 2015-01-22. 
  19. ↑ Tanzil N. (2010). "Blue Whales in Komodo National Park!". hlm. ...Life Is Beautiful... Diakses tanggal 2015-01-22. 
Diambiak dari "https://min.wikipedia.org/w/index.php?title=Taman_Nasional_Komodo&oldid=3145117"