Преглед на кодот на Грузиска православна црква

{{Infobox Orthodox Church
| show_name = Грузиска православна црква<br /><small>საქართველოს სამოციქულო ავტოკეფალური მართლმადიდებელი ეკლესია</small>
| image = [[Податотека:Coat of Arms of Georgian Orthodox Church.svg|200 px]]
| caption = 
| founder = [[апостол Андреј]], [[Света Нина]]
| independence = [[Антиохиска патријаршија]] во 486, [[Руска православна црква]] во 1917|
| recognition = 
| primate= Архиепископ мцхетски и тбилиски [[Илија II]]
| headquarters=[[Тбилиси]], [[Грузија]]
| territory=  [[Грузија]]
| possessions= [[Западна Европа]], [[САД]], [[Русија]], [[Турција]], [[Азербејџан]],
|language=[[грузиски]]
| population= 3,500,000<ref>[http://www.cnewa.org/ecc-bodypg-us.aspx?eccpageID=21&IndexView=toc CNEWA - Georgian Apostolic Autocephalous Orthodox Church]</ref>
| website = [http://www.patriarchate.ge www.patriarchate.ge]
}}
'''Грузиска православна црква''' ({{lang-ka|საქართველოს მართლმადიდებელი სამოციქულო ეკლესია}}) — национална црква на [[Грузија]] и една од четиринаесетте автокефални цркви на [[православие]]то. Оваа црква е една од најстарите христијански организации, чие основање традиционално се поврзува со мисијата на [[апостол Андреј]] во [[Колхида]] и [[Кавкаска Иберија]] во текот на [[I век]].

Во текот на [[2002]] година, околу 80% од жителите на [[Грузија]] се определиле како православни христијани. Вкупниот број на верници е околу 5 милиони, а околу 1.500.000 живеат надвор од земјата. Црквата има 35 диоцеза и 512 цркви кои се одржуваат од страна на 730 свештеници.

== Историја ==

Според традицијата и верувањата, во времето кога апостолите биле испратени за да го проповедат [[Евангелие]]то на народите по целиот тогашен свет, [[апостол Андреј]] се упатил кон Колхида и Иберија. Според една друга легенда, [[апостол Симон]] исто заминал кон [[Кавказ]], каде бил погребан во едно село блиску денешниот град Сухуми. На овие простори проповедал и Матеј, Вартоломеј и Тадеј.

Веднаш со пристигнувањето на [[апостол Андреј]], тој го започнал своето проповедање, и притоа крстил голем број од населението. Според преданието, на местото каде апостолот ја поставил иконата на [[Пресвета Богородица]], се отворил исцелувачки извор од вода. Поради ова, во нејзина чест бил изграден манастир.

[[Податотека:SaintNino.gif|мини|лево|[[Света Нина]] од Кападокија ги покрстила [[Грузијците]]]]
Првата грузиска епархија била основана во [[Ацкури]], од страна на [[апостол Андреј]]. Најстара позната денес црква во [[Грузија]] датира од [[III век]] и се наоѓа во [[Настакиси]], во источна Грузија. Од [[303]] година, Нина од [[Кападокија]] започнала да го приповеда христијанството во Иберија и во [[317]] година христијанството било признаено како официјална државна религија на земјата од страна на царот [[Миријан II]] и неговата сопруга Нана. Христијанизацијата во западните делови на Грузија конечно завршила во текот на [[VI век]]. [[Свети Георги Победоносец]] бил сметан за покровител на земјата, од каде и доаѓа името на земјата на голем број европски јазици (''Georgia'').

Од почетокот на [[IV век]], Грузиската православна црква била под јурисдикција на [[Антиохиска патријаршија|Антиохиската патријаршија]]. Таа станала автокефална во [[466]] година, кога епископот Мцхета бил прогласен за католикод на Картли. Во периодот од [[VI век|VI]] до [[X век]], земјата претрпела голема трансформација, со појавата на [[монаштво]]то. Еден од најпознатите центри на христијанската култура се Грузискиот манастир во [[Синај]], манастирот Иврион во [[Атон]], Бачковскиот манастир во [[Тракија]] итн.

Во [[1010]] година, катокликосот на Картли бил издигнат до патријарх и започна да ја носи титулата католикос-патријарх на цела Грузија. Монголските и турските инвазии во периодот од [[XIII век|XIII]] до [[XV век]] се одразиле многу тешко на христијанството во земјата. Од [[XV век]], црквата како и државата била разделена на два дела, кои биле управувани од два католикос-патријарх.


Во почетокот на [[XIX век]], Грузија паднала под силно влијание на [[Русија]].  Во [[1801]] година [[Источна Грузија]] влегла во состав на [[Руска Империја|Руската Империја]]. Во [[1811]] година Светиот Синод му го одзела чинот Патријарх на Антониј II и го поништил патријаршиството во Грузија. Така, Грузиската автокефална црква била лишена од својата автокефалност и била потчинета под [[Руска православна црква|Руската православна црква]]. Од [[30 јуни]] [[1811]] година Грузиската црква имала статус на Грузиски егзархат на Руската Црква. И покрај тоа што имало најразлични отпори, сепак грузискиот јазик бил заменет со руски во богослужбата. 
Со започнувањето на [[Руска револуција|Руската револуција]] во [[1917]] година, грузиските епископи повторно ја повратиле автокефалноста на црквата. Но ова не било признаено од страна на Руската православна црква, како и од [[Болшевици]]те, кои земјата ја зазеле во [[1921]] година. Во следните години, црквата била подложена на силни притисоци и закани. Голем број на цркви биле затворени, а стотици монаси и свештеници биле убиени.

Автокефалноста на Грузиската православна црква била признаена од страна на Руската православна црква во [[1943]] година. Но, политиката на [[Советски Сојуз|Советскиот Сојуз]] спрема црквите не се променила ниту по крајот на [[Втората светска војна]]. Во [[1989]] година, автокефалноста на црквата била признаена и од страна на [[Цариградската патријаршија]].

== Наводи ==
{{наводи}}

{{Европа по тема|Православието во}}
{{Православни цркви}}

[[Категорија:Грузиска православна црква| ]]
[[Категорија:Православни цркви]]
[[Категорија:Национални цркви по земја]]