ചെത്തിക്കൊടുവേലി

ഇംഗ്ലീഷ് വിലാസം

https://ml.wikipedia.org/wiki/Plumbago_indica

Plumbago indica
Plumbago indica
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Core eudicots
Order:	Caryophyllales
Family:	Plumbaginaceae
Genus:	Plumbago
Species:	P. indica
Binomial name
Plumbago indica L.
Synonyms
Plumbago rosea L. Plumbago rosea var. coccinea (Lour.) Hook. Thela coccinea Lour.

ഇന്ത്യയിലെല്ലായിടത്തും പൂന്തോട്ടങ്ങളിൽ കാണുന്ന ഒരു മനോഹരമായ ചെടിയാണ് ചെത്തിക്കൊടുവേലി. (ശാസ്ത്രീയനാമം: Plumbago indica). വേരുകളിൽ പൊള്ളുന്ന തീവ്രതയുള്ള ഒരു നീരുണ്ട്. മരച്ചീനി മുതലായ കിഴങ്ങുവർഗ്ഗങ്ങൾ കൃഷി ചെയ്യുമ്പോൾ വേലിയായി ചെത്തിക്കൊടുവേലി നട്ടുപിടിപ്പിക്കാറുണ്ട്. എലികൾ ഇതിന്റെ വേര് ഉള്ളിടത്ത് പ്രവേശിക്കില്ല. പലവിധ ഔഷധങ്ങളായും ആയുർവേദത്തിൽ വേര് ഉപ്യോഗിച്ചു വരുന്നു. മിക്കപ്പോഴും ചുണ്ണാമ്പുവെള്ളമൊഴിച്ചശേഷമേ ഉപയോഗിക്കാറുള്ളൂ. വലിയ അളവിൽ ഉപയോഗിക്കുന്നത് പലപ്പോഴും മാരകമാണ്. ഗർഭിണികൾ ഉപയോഗിക്കരുത്. ഗർഭച്ഛിദ്രം ഉണ്ടാക്കിയേക്കാം. നല്ല ദഹനശക്തിയുണ്ട്, വിശപ്പുണ്ടാക്കാൻ സഹായിക്കുന്നു. വാതത്തിനുള്ള ഒരു ഓയിന്മെന്റ് ഉണ്ടാക്കാറുണ്ട്. പലവിധ ത്വഗ്‌രോഗങ്ങൾക്കും ഉപയോഗിക്കുന്നു. ഗർഭച്ഛിദ്രം നടത്താൻ നിയമവിരുദ്ധമായി ഉപയോഗിക്കുന്നു.

മറ്റു ഭാഷകളിലെ പേരുകൾ

Plumbago, Scarlet leadwort, Rose-colored Leadwort • Hindi: लाल चित्रक Lal chitrak • Manipuri: মুকাকলৈ Mukaklei, তেলহিদাক Telhidak • Oriya: ଅଗ୍ନୀ Ogni • Bengali: ৰক্ত চিত্ৰক Rakt-chitrak • Tamil: அக்கிநீ Akkini • Gujarati: કાલોચિત્રક Kalochitrak • Kannada: ಚಿತ್ರಮಲಿಕಾ Chitramulika (ഇന്റർനെറ്റിലെ പലയിടത്തുനിന്നും ശേഖരിച്ച പേരുകളാണിവ, തെറ്റുകളുണ്ടായേക്കാം)

രസാദി ഗുണങ്ങൾ

രസം :കടു

ഗുണം :ലഘു, രൂക്ഷം, തീക്ഷ്ണം

വീര്യം :ഉഷ്ണം

വിപാകം :കടു

ഔഷധയോഗ്യ ഭാഗം

വേരിന്മേൽ തൊലി, വേര്

പുതിയ ഇനങ്ങൾ

കേരളകാർഷിക സർവ്വകലാശാല പുറത്തിറക്കിയ ഇനങ്ങളാണ് മൂദുല, അഗ്നി എന്നിവ. രണ്ടായിരത്തി ആറിലാണ് ഇവ വികസിപ്പിച്ചെടുത്തതു്.

ചിത്രശാല

• 
  ചെത്തിക്കൊടുവേലി, തൃശ്ശൂരിൽ

പുറത്തേക്കുള്ള കണ്ണികൾ

• ചിത്രങ്ങൾ
• ഔഷധഗുണങ്ങൾ