മയ്യിൽ ഗ്രാമപഞ്ചായത്ത്

ഇംഗ്ലീഷ് വിലാസം

https://ml.wikipedia.org/wiki/Mayyil

മയ്യിൽ
മയ്യിൽ
12°02′N 75°28′E / 12.04°N 75.46°E / 12.04; 75.46
ഭൂമിശാസ്ത്ര പ്രാധാന്യം	പട്ടണ സ്വഭാവമുള്ള ഗ്രാമം
രാജ്യം	ഇന്ത്യ
സംസ്ഥാനം	കേരളം
ജില്ല	കണ്ണൂർ
ഭരണസ്ഥാപനം(ങ്ങൾ)	പഞ്ചായത്ത്
പ്രസിഡന്റ്	പി. ബാലൻ
'
'
വിസ്തീർണ്ണം	33.08ചതുരശ്ര കിലോമീറ്റർ
ജനസംഖ്യ	33126
ജനസാന്ദ്രത	1003/ച.കി.മീ
കോഡുകൾ • തപാൽ • ടെലിഫോൺ	670602 +91 4602
സമയമേഖല	UTC +5:30
പ്രധാന ആകർഷണങ്ങൾ	വേളം മഹാഗണപതി ക്ഷേത്രം

നമ്പ്രം മുച്ചിലോട്ടു ഭഗവതി ക്ഷേത്രം., പറശ്ശിനിപ്പാലം, മുനമ്പ്കടവ് പാലം,നണിച്ചേരിക്കടവ് പാലം, പുഴയോര പാത

കേരളത്തിലെ കണ്ണൂർ ജില്ലയിലെ തളിപ്പറമ്പ് താലൂക്കിലുള്ള ഒരു ഗ്രാമപഞ്ചായത്താണ് മയ്യിൽ. കണ്ണൂർ പട്ടണത്തിൽ നിന്നും 20 കിലോമീറ്റർ അകലെയായാണ് മയ്യിൽ സ്ഥിതിചെയ്യുന്നത്. വളപട്ടണം പുഴ ഈ പഞ്ചായത്തിന്റെ ഒരു അതിരാണ്. ഏകദേശം 12 കിലോമീറ്ററോളം നദീതീരം പഞ്ചായത്തിനുണ്ട്. തളിപ്പറമ്പിൽ നിന്നും നണിച്ചേരിപാലം വഴി 13 കി.മീ ദൂരം സഞ്ചരിച്ചാൽ മയ്യിൽ എത്തിച്ചേരാം.കേരളത്തിലെ പ്രമുഖ തീർത്ഥാടന,ടൂറിസം കേന്ദ്രമായ പറശ്ശിനിക്കടവിൽ നിന്നും പറശ്ശിനിപ്പാലം വഴി 7 കി മീ ദൂരം മാത്രമാണ് മയ്യിൽ പട്ടണത്തിലേക്കുള്ളത്. കാഞ്ഞങ്ങാട് മുതലുള്ളവർക്ക് കണ്ണൂർ അന്താരാഷ്ട്ര വിമാനത്താവളത്തിലേക്ക് എളുപ്പത്തിൽ എത്തിച്ചേരാൻ പറ്റുന്ന നിർദ്ദിഷ്ട വിമാനത്താവള പാത കടന്നു പോകുന്നതും മയ്യിൽ വഴിയാണ്. ഇവിടെ നിന്ന് മട്ടന്നൂർ വിമാനത്താവളത്തിലേക്ക് അര മണിക്കൂർ (22 കി മീ) ദൂരമാണ് ഉള്ളത്. ഇരിക്കൂർ ബ്ലോക്കിലും, തളിപ്പറമ്പ് നിയോജക മണ്ഡലത്തിലും, കണ്ണൂർ ലോകസഭ മണ്ഡലത്തിലും ഉൾപ്പെടുന്നു. ഫുട്ബോൾ കളിയുടെ കണ്ണൂർ ജില്ലയിലെ ഒരു ഈറ്റില്ലമാണ് ഈ പ്രദേശം.

അതിരുകൾ

വടക്കു ഭാഗത്ത് കുറുമാത്തൂർ, ചെങ്ങളായി പഞ്ചായത്തുകളെയും, കിഴക്കുഭാഗത്ത് മലപ്പട്ടം, ചെങ്ങളായി പഞ്ചായത്തുകളും, അതിരിട്ട് വളപട്ടണം പുഴ ഒഴുകുന്നു. തെക്ക് കിഴക്ക്, തെക്ക് കുറ്റ്യാട്ടൂർ, കൊളച്ചേരി പഞ്ചായത്തുകളും, പടിഞ്ഞാറ്, കൊളച്ചേരി പഞ്ചായത്തും, വടക്ക് വടക്ക് പടിഞ്ഞാറ് തളിപ്പറമ്പ്,ആന്തൂർമുനിസിപ്പാലിറ്റികളുമാണ് ഈ പഞ്ചായത്തിന്റെ അതിരുകൾ^[1].

ചരിത്രം

നീണ്ടു കിടക്കുന്ന നദീ തീര പ്രദേശങ്ങളായ കണ്ടക്കൈ, മുല്ലക്കൊടി തുടങ്ങിയ സ്ഥലങ്ങളിലും കുന്നിൽ ചെരിവുകളിലും (പെരുവങ്ങൂർ, പഴശ്ശി,ചെറുപഴശ്ശി, മയ്യിൽ താഴെ തുടങ്ങിയവ) വളരെഏറെക്കാലം മുമ്പ് തന്നെ ജനവാസമുണ്ടായിരുന്നു. വേളം അമ്പലത്തിന്റെ ചുറ്റുപാടുമായി നൂറ്റാണ്ടുകൾക്കപ്പുറം തന്നെ ഒരു ഗ്രാമം നിലനിന്നിരുന്നതായി ഉറപ്പിക്കാം. വ്യക്തമായ പഠനങ്ങൾ, ചരിത്ര രേഖകൾ തുടങ്ങിയവ ഇത് സംബന്ധിച്ച് നടന്നിട്ടില്ല എന്നത് ഖേദകരമാണ്. മദ്ധ്യകാലഘട്ടത്തിൽ ചിറക്കൽ രാജവംശത്തിന്റെ (കോലത്ത് നാട്)അധീനതയിലായിരുന്നു ഈ പ്രദേശം. രാജസ്വം,ദേവസ്വം, ബ്രഹ്മസ്വം എന്നിങ്ങനെ ജന്മിത്തവ്യവസ്ഥയിലടിസ്ഥാനപ്പെടുത്തിയായിരുന്നു ഭൂമിയുടെ ഉടമസ്ഥാവകാശം.

തൊഴിൽ-ജാതി ശ്രേണികളിൽ താഴ്ന്നവർക്ക് സ്വന്തമായി ഭൂമി വിരള മായിരുന്നു.. മൈസൂർ സുൽത്താൻമാരുടെ പടയോട്ടത്തെത്തുടർന്ന് പരമ്പരാഗതമായ സാമൂഹ്യഘടനയും, സാമ്പത്തിക ക്രമവും മാറാൻ തുടങ്ങി. ബ്രിട്ടീഷ് അധീശത്വത്തോടെ ഈ മാറ്റം പൂർണമായി.

കേരളത്തിലെ സാമൂഹ്യ പരിഷ്കണ വിപ്ലവങ്ങളും കർഷകസമരങ്ങളും വളരെ വേഗത്തിലാണ് ഇവിടുത്തെ ജനത ഏറ്റെടുത്തത്. കുഞ്ഞാക്കമ്മയുടെ നേതൃത്വത്തിൽ നടന്ന കണ്ടക്കൈ സമരവും തുടർന്നുണ്ടായ ജന്മിത്ത വിരുദ്ധമുന്നേറ്റവുമൊക്കെ കേരളത്തിനാക മാനം ഊർജ്ജമേകി.. പാടിക്കുന്നിലെ രക്തസാക്ഷികളുടെ പോരാട്ടത്തിലും ജീവത്യാഗത്തിലും കാലുറപ്പിച്ച് നിന്നാണ് ആധുനിക മയ്യിൽ പിറവിയെടുക്കുന്നത്

പഞ്ചായത്ത് രൂപവത്കരണം

1962-ൽ മയ്യിൽ, കയരളം, കണ്ടക്കൈ എന്നീ മൂന്നു വില്ലേജു പഞ്ചായത്തുകൾ സം‌യോജിപ്പിച്ചു കൊണ്ടാണ്‌ മയ്യിൽ ഗ്രാമപഞ്ചായത്ത് രൂപീകൃതമായത്^[2]. ഇതുവരെയുള്ള പഞ്ചായത്തു പ്രസിഡണ്ടുമാരുടെ പട്ടിക താഴെ

വർഷം	പേര്‌
1964 - 1979	കെ.കെ കുഞ്ഞനന്തൻ നമ്പ്യാർ
1979 - 1984	ഐ. ത്രിവിക്രമൻ നമ്പൂതിരി
1988 - 1995	കെ.കെ കുഞ്ഞനന്തൻ നമ്പ്യാർ
1995 - 2000	ടി. രുക്മിണി ടീച്ചർ
2000-2005	ടി.ഒ. നാരായണൻ
2005- 2010	എ. ബാലകൃഷ്ണൻ
2010- 2015	എം. പത്മാവതി
2015-	പി. ബാലൻ

സാംസ്കാരിക സവിശേഷതകൾ

മലബാറിലെ പ്രശസ്തമായ തെയ്യം കൊട്ടിയാടപെടുന്ന അനേകം കാവുകളും, ക്ഷേത്രങ്ങളും ഇവിടെയുണ്ട്. പ്രശസ്തമായ പാടിക്കുന്ന് ഇവിടെയാണ്. വേളം മഹാഗണപതി ക്ഷേത്രം ഇവിടെയാണ്. വായനശാലകളുടെ ജില്ലയിലെ ഒരു പ്രധാന കേന്ദ്രമാണ് മയ്യിൽ. സി.ആർ.സി-മയ്യിൽ, വേളം പൊതുജനവായനശാല, സഫ്ദർഹാശ്മി വായനശാല-തായംപൊയിൽ, നവകേരള ഗ്രന്ഥാലയം ചെറുപഴശ്ശി എന്നിവയാണ് പ്രധാന വായനശാലകൾ. ഉത്തരകേരളത്തിലെ സജീവമായ ഫിലിം സൊസൈറ്റികളിലൊന്നായ ചേതന ഫിലിം സൊസൈറ്റി മയ്യിലായിരുന്നു പ്രവർത്തിച്ചിരുന്നത്. ഹരിതസംഘങ്ങളും,കുടുംബശ്രീകളും ഇവിടെ സജീവമായി പ്രവർത്തിച്ചു വരുന്നു. പണ്ടുകാലത്തു വെള്ളരി നാടകങ്ങൾ എന്നറിയപ്പെട്ടിരുന്ന അമേച്വർ നാടകങ്ങലുടെ ഒരു കേന്ദ്രം കൂടിയാണ് ഇവിടം. കാലടി സുപ്രഭാ കലാനിലയം ഇപ്പൊഴും അമേച്വർ നാടകങ്ങളിൽ സജീവമായി പ്രവർത്തിക്കുന്നു. സ്റ്റേറ്റ് ലൈബ്രറി കൗൺസിൽ അഫിലിയേഷനുള്ള 33 ഗ്രന്ഥശാലകൾ ഈ പഞ്ചായത്തിലുണ്ട്^[3].

സ്ഥിതിവിവരക്കണക്കുകൾ

വിസ്തീർണ്ണം(ച.കി.മി)	വാർഡുകൾ	ആൾ താമസമുള്ള ആകെ വീടുകൾ	ആകെ വീടുകൾ	ആകെ പുരുഷന്മാർ	ആകെ സ്ത്രീകൾ	ആകെ ജനസംഖ്യ	ജനസാന്ദ്രത	സ്ത്രീ പുരുഷ അനുപാതം	സാക്ഷരരായ പുരുഷന്മാർ	സാക്ഷരരായ സ്ത്രീകൾ	ആകെ സാക്ഷരത
33.08	18	3931	4044	12430	12793	25223	762	1029	94.54	83.50	88.93

തൊഴിൽ മേഖല

പ്രധാന തൊഴിൽ മേഖല കൃഷി തന്നെയാണ്. നെല്ല്, റബ്ബർ, തെങ്ങ്, കുരുമുളക്, കപ്പ ഇവയെല്ലാം ഇവിടെ കൃഷി ചെയ്യപ്പെടുന്നു. മയ്യിൽ പഞ്ചായത്തിൽ നിലവിൽ നെൽകൃഷി വളരെ ഊർജ്ജിതമായി നടത്തുന്നുണ്ട്. മുല്ലക്കൊടി, കയരളം, കണ്ടക്കൈ, പെരുവങ്ങൂർ, വേളം, മയ്യിൽ താഴെ, ചെറുപഴശ്ശി, അരയിടത്ത് ചിറ തുടങ്ങിയ പാടശേഖരങ്ങളിൽ സർക്കാർ സഹായത്തോടെ വീണ്ടും നൂറ് മേനി കൊയ്യുകയാണ് കർഷകർ. മയ്യിൽ നെല്ലുല്പാദക സംഘത്തിന്റെ നേതൃത്വത്തിൽ നെല്ല് ശേഖരണം, വിത്ത്, കാർഷിക ഉപകരണങ്ങൾ ലഭ്യമാക്കൽ , തുടങ്ങിയ പ്രവർത്തനങ്ങൾ നടത്തി വരുന്നു. സിവിൽ സർവ്വീസ്, മെഡിസിൻ, എഞ്ചിനീയറിംഗ്,ഉന്നത വിദ്യാഭ്യാസം, എന്നീ മേഖലകളിലടക്കം ജോലി ചെയ്യുന്ന ധാരാളം ജീവനക്കാരും അദ്ധ്യാപകരും പല വീടുകളിലുമുണ്ട്. മയ്യിൽ കൈത്തറിയുടെ, നാട് കൂടിയാണ്. കൂടാതെ ധാരാളം പേർ ഗൾഫിലും മറ്റ് പലവിദേശ രാജ്യങ്ങ്ളിലും തൊഴിൽ ചെയ്യുന്നുണ്ട്.

ഭൂമിശാസ്ത്രം

മയ്യിൽ പഞ്ചായത്തിൽ നിന്നും തുടങ്ങുന്ന പറശ്ശിനിക്കടവ് പാലം

നെല്പാടങ്ങളാൽ സമൃദ്ധമായ ഒരു പ്രദേശമാണിവിടം.കണ്ടക്കൈ,മുല്ലക്കൊടി, കയരളം,ചെക്ക്യാട്ട്കാവ്,കടൂർ,ചെറുപഴശ്ശി, വള്ളിയോട്ട് , അരയിടത്ത് ചിറ,വേളം, പെരുവങ്ങൂർ ,നണിയൂർ തുടങ്ങിയ പ്രദേശങ്ങളിൽ നെല്പാടങ്ങൾ ഉണ്ട്.പഞ്ചായത്തിന്റെ ഒരു വശത്തു കൂടെ വളപട്ടണം പുഴ ഒഴുകുന്നു.

ജലപ്രകൃതി

ശരാശരി വർഷപാതാനുപാതം 320 സെ.മീ ആണ്‌. മയ്യിൽ മുല്ലക്കൊടി നീർമറിയുടെ വടക്കു ഭാഗത്ത് വളപട്ടണം പുഴയിലേക്കും, തെക്ക് ഭാഗത്ത് വളപട്ടണം പുഴയുടെ പോഷക നദിയുമായ കാട്ടാമ്പള്ളി പുഴയിലേക്കുമാണ് വെള്ളം ഒഴുകിയെത്തുന്നത്. ഇതു കൂടാതെ അനേകം തോടുകളും,പുഴകളും ഈ പഞ്ചായത്തിലെ ജലസ്രോതസ്സായുണ്ട്.

വിദ്യാഭ്യാസം

മയ്യിൽ പഞ്ചായത്തിൽ ആകെ 16 വിദ്യാഭ്യാസ സ്ഥാപനങ്ങളും ഒരു ഐ.ടി.സിയും പ്രവർത്തിക്കുന്നുണ്ട്^[4]. ഇതു കൂടാതെ സ്വകാര്യ ഉടമസ്ഥതയിലുള്ള എം.ബി.എ. കോളേജ്, ഐ.റ്റി.എം. കോളേജ്, ബി.എഡ് കോളേജ്, ടി.ടി.സി. കോളേജ് എന്നിവ ഈ പഞ്ചായത്തിലുണ്ട്.

പ്രധാന വിദ്യാഭ്യാസ സ്ഥാപനങ്ങൾ

മയ്യിൽ ഗവണ്മെന്റ് ഹയർ സെക്കണ്ടറി സ്കൂൾ (ഇടൂഴി മാധവൻ നമ്പൂതിരി സ്മാരക ഗവർമെന്റ് ഹയർ സെക്കന്ററി സ്കൂൾ, മയ്യിൽ)
ഇൻസ്റ്റിറ്റ്യൂറ്റട്ട് ഓഫ് ടെക്നോളജി,മയ്യിൽ
ഐ.ടി.എം. കോളേജ്,മയ്യിൽ

കേരളത്തിൽ 2018 വർഷത്തിൽ ഏറ്റവും കൂടുതൽ കുട്ടികളെ (529)SSLC പരീക്ഷക്കിരുത്തിയ സർക്കാർ സ്കൂളുകളിൽ ഏറ്റവുമധികം വിജയശതമാനം നേടിയത് മയ്യിൽ ഇടൂഴി മാധവൻ നമ്പൂതിരി സ്മാരക ഹയർ സെക്കന്ററി സ്കൂൾ ആയിരുന്നു.

കേരളത്തിലെന്നല്ല ,ഇന്ത്യയിലാകമാനം എടുത്താലും ഏറ്റവുമധികം ഗ്രന്ഥശാലകളുള്ള പഞ്ചായത്താണ് മയ്യിൽ.34 രജിസ്റ്റർ ചെയ്തഗ്രന്ഥശാലകൾ അക്ഷര ഗോപുരങ്ങളായി ഇവിടെ തലയുയർത്തി നില്ക്കുന്നു. സഫ്ദർ ഹാശ്മി വായനശാല തായം പൊയിൽ, വേളം പൊതുജന വായനശാല, CRC മയ്യിൽ, ശ്രീ ജാതവേദ ഗുരു മെമ്മോറിയൽ വായനശാല കണ്ടക്കൈ എന്നിവ അവയിൽ പ്രമുഖമാണ്.

ആരോഗ്യം

പൊതുജനാരോഗ്യ പ്രവർത്തനത്തിൽ മയ്യിൽ ആസ്ഥാനമാക്കി Block CHC കേന്ദ്രം പ്രവർത്തിക്കുന്നു. കൊളച്ചേരി,മയ്യിൽ, കുറ്റ്യാട്ടൂർ,മലപ്പട്ടം,ഇരിക്കൂർ, കൂട്ടുംമുഖം,ഏരുവശ്ശി,ചന്ദനക്കാംപാറ, പാമ്പുരുത്തി എന്നീ ആരോഗ്യ കേന്ദ്രങ്ങളിലെ പ്രവർത്തനങ്ങൾക്ക് നേതൃത്വം നല്കുന്നത് മയ്യിൽ Block മെഡിക്കൽഓഫീസർ,ഹെൽത്ത് സൂപ്പർ വൈസർ എന്നിവരാണ്. മയ്യിൽ സാമൂഹികാരോഗ്യകേന്ദ്രം (Community Health Centre,MAYYIL) ഹോമിയോ ഡിസ്‌പെൻസറി,മയ്യിൽ, ആയുർ‌വേദ ഡിസ്‌പെൻസറി -കണ്ടക്കൈപറമ്പ്, ഫാത്തിമ ക്ലിനിക്,ഇടൂഴി ആര്യവൈദ്യശാല എന്നിവയാണ് പഞ്ചായത്തിലെ പ്രധാന ആതുരാലയങ്ങൾ. വിദഗ്ദ്ധ ചികിത്സക്ക് പലപ്പോഴും ആശ്രയിക്കുന്നത് കണ്ണൂർ നഗരത്തിലെ ജില്ലാ ആശുപത്രിയെയും,സ്വകാര്യ ആശുപത്രികളെയും, പരിയാരം മെഡിക്കൽ കോളേജിനെയും ആണ്. മുല്ലക്കൊടി,കണ്ടക്കൈ,പെരുമാച്ചേരി എന്നിവിടങ്ങളിൽ ആരോഗ്യ ഉപകേന്ദ്രങ്ങൾ പ്രവർത്തിക്കുന്നു മൃഗചികിത്സക്കായി ഒരു മൃഗാശുപത്രിയും (കണ്ടക്കൈ-വേളം) രണ്ട് മൃഗസംരക്ഷണ ഉപകേന്ദ്രങ്ങളും ഇവിടെയുണ്ട്.

രാഷ്ട്രീയം

കമ്മ്യൂണിസ്റ്റ് പാർട്ടിക്കു വളക്കൂറുള്ള ഒരു പ്രദേശം ആണ് ഇത്. ഒട്ടനവധി കമ്യൂണിസ്റ്റ്- തൊഴിലാളി നേതാക്കൾ ഉയർന്നു വന്നിട്ടുണ്ട്. കേരളത്തിലെ ആരോഗ്യമന്ത്രിയായിരുന്ന പി.കെ. ശ്രീമതി, കെ.കെ. കുഞ്ഞനന്തൻ നമ്പ്യാർ എന്നിവർ ഉദാഹരണങ്ങളാണ്.

ആരാധനാലയങ്ങൾ

വേളം ശ്രീ മഹാഗണപതി ക്ഷേത്രം
ചെക്യാട്ട് വിഷ്ണുക്ഷേത്രം
ചെക്യാട്ട് ധർമശാസ്താ ക്ഷേത്രം
മയ്യിൽ ടൌൺ ജുമാ മസ്ജിദ്
ഏക്കോട്ടില്ലം ശ്രീ മഹാവിഷ്ണു ക്ഷേത്രം
സലഫി മസ്ജിദ്

വില്ലേജുകൾ

മയ്യിൽ, കയരളം, കണ്ടക്കൈ. ഇതിൽ മയ്യിൽ വില്ലേജോഫീസ് വള്ളിയോട്ട് സ്ഥിതി ചെയ്യുന്നു. കയരളം വില്ലേജോഫീസ് മയ്യിലിൽ തന്നെ സ്ഥിതി ചെയ്യുന്നു.

വാർഡുകളും ജനപ്രതിനിധികളും

നമ്പർ	വാർഡ്	ജനപ്രതിനിധി	പാർട്ടി	സംവരണം
1	ഒറപ്പൊടി	പി. ബാലൻ	സി.പി.ഐ.എം.	പൊതുവായത്
2	കണ്ടക്കൈ	ശ്രീധരൻ എം. പി.	സി.പി.ഐ.എം.	പൊതുവായത്
3	കൊട്ടയാട്	മനോഹരൻ. കെ.	സി.പി.ഐ.എം.	പൊതുവായത്
4	ഇരുവാപ്പുഴ നമ്പ്രം	സുനിൽ കുമാർ. എ.	സി.പി.ഐ.എം.	പൊതുവായത്
5	പെരുവങ്ങൂർ	അജയകുമാർ. കെ.	ഐ.എൻ.സി.	പട്ടികജാതി
6	വേളം	രാധിക. കെ	സി.പി.ഐ.എം.	വനിത
7	മയ്യിൽ	ഉഷ കെ	സി.പി.ഐ.എം.	വനിത
8	വള്ളിയൊട്ടു്	ശ്രീന കെ	സി.പി.ഐ.എം.	വനിത
9	തായംപൊയിൽ	രാധാമണി എം.വി.	സി.പി.ഐ.എം.	വനിത
10	നിരന്തോട്	അജിത എം.വി.	സി.പി.ഐ.എം.	വനിത
11	അരയിടത്ത് ചിറ	വി.ഒ. പ്രഭാകരൻ	സ്വതന്ത്രൻ	പൊതുവായത്
12	ചെറുപഴശ്ശി	നബീസ പി.പി.	ഐ.യു.എം.എൽ	വനിത
13	പെരുമാച്ചേരി	പുരുഷോത്തമൻ സി.കെ	സി.പി.ഐ.എം.	പൊതുവായത്
14	മേച്ചേരി	രവി എം	സി.പി.ഐ.എം.	പൊതുവായത്
15	കയരളം	ശ്രീജ പി.പി	സി.പി.ഐ.എം.	വനിത
16	നണിയൂർ നമ്പ്രം	പ്രത്യുഷ് പി.വി	സി.പി.ഐ.എം.	പൊതുവായത്
17	അരിമ്പ്ര	ഗിരിജ വി.വി	സി.പി.ഐ.എം.	വനിത
18	മുല്ലക്കൊടി	പ്രീത പി	സി.പി.ഐ.എം.	വനിത

^[5]

വാർഡുകളും ജനപ്രതിനിധികളും (2010-2015)

നമ്പർ	വാർഡ്	ജനപ്രതിനിധി	പാർട്ടി	സംവരണം
1	ഒറപ്പൊടി	രമാവതി	സി.പി.ഐ.എം.	സ്ത്രീ
2	കണ്ടക്കൈ	പി.കെ. പത്മാവതി	സി.പി.ഐ.എം.	സ്ത്രീ
3	കൊട്ടയാട്	രജനി. സി.	സി.പി.ഐ.എം.	സ്ത്രീ
4	ഇരുവാപ്പുഴ നമ്പ്രം	ലളിത. പി.	സി.പി.ഐ.എം.	സ്ത്രീ
5	പെരുവങ്ങൂർ	രാധിക. കെ.	സി.പി.ഐ.എം.	സ്ത്രീ
6	വേളം	പി.പി. സ്നേഹജൻ	സി.പി.ഐ.എം.	പട്ടികജാതി
7	മയ്യിൽ	കെ.കെ. രാമചന്ദ്രൻ	സി.പി.ഐ.എം.	പൊതുവായത്
8	വള്ളിയൊട്ടു്	എം. രാഘവൻ	സി.പി.ഐ.എം.	പൊതുവായത്
9	തായംപൊയിൽ	കെ. രാമചന്ദ്രൻ	സി.പി.ഐ.എം.	പൊതുവായത്
10	നിരന്തോട്	എം. ഭരതൻ	സി.പി.ഐ.എം.	പൊതുവായത്
11	അരയിടത്ത് ചിറ	എം. പത്മാവതി	സി.പി.ഐ.എം.	സ്ത്രീ
12	ചെറുപഴശ്ശി	കെ.പി. ബാലകൃഷ്ണൻ	സി.പി.ഐ.എം.	പൊതുവായത്
13	പെരുമാച്ചേരി	കെ. ശ്യാമള	സി.പി.ഐ.എം.	സ്ത്രീ
14	മേച്ചേരി	കെ.വി. ലീല	സി.പി.ഐ.എം.	സ്ത്രീ
15	കയരളം	പി.പി. രമേശൻ	സി.പി.ഐ.എം.	പൊതുവായത്
16	നണിയൂർ നമ്പ്രം	പി. ശാരദ	സി.പി.ഐ.എം.	സ്ത്രീ
17	അരിമ്പ്ര	ടി.പി. മനോഹരൻ	സി.പി.ഐ.എം.	പൊതുവായത്
18	മുല്ലക്കൊടി	മുകുന്ദൻ.കെ.	സി.പി.ഐ.എം.	പൊതുവായത്

^[6]

ധനകാര്യ സ്ഥാപനങ്ങൾ

മയ്യിൽ സർ‌വ്വീസ് സഹകരണ ബാങ്ക്, മുല്ലക്കൊടി സഹകരണ ബാങ്ക് എന്നിവയാണ് മയ്യിലിലെ പ്രധാന ധനകാര്യ സ്ഥാപനങ്ങൾ. കാർഷിക വികസന ബാങ്ക്, സിൻഡിക്കേറ്റ് ബാങ്ക്, ഫെഡറൽ ബാങ്ക്, സ്റ്റേറ്റ് ബാങ്ക് ഓഫ് ട്രാവൻ‌‌കൂർ, ജില്ലാ കാർഷിക വികസന ബാങ്ക് , കേരള ഗ്രാമീൺ ബാങ്ക് , ജില്ലാ സഹകരണ ബാങ്ക് എന്നിവയുടെയും ഓരോ ശാഖകളും ഈ പഞ്ചായത്തിലുണ്ട്.

തപ്പാലാഫീസുകൾ

മയ്യിൽ, കണ്ടക്കൈ, കയരളം, പാവനൂർമൊട്ട, ചെറുപഴശ്ശി, മുല്ലക്കൊടി എന്നിവിടങ്ങളിൽ തപാലോഫീസുകൾ സ്ഥിതി ചെയ്യുന്നു.

മറ്റു സർക്കാർ ഓഫീസുകൾ

പോലീസ്മ സ്റ്റേഷൻ മയ്യിൽ, KSEB അസിസ്റ്റന്റ് എഞ്ചിനീയരുടെ കാര്യാലയം , BSNL ടെലഫോൺ എക്സ്ചേഞ്ച്, മയ്യിൽ കൃഷിഭവൻ, കയരളം വില്ലേജ് ഓഫീസ്, എന്നിവ സ്ഥിതി ചെയ്യുന്നത് മയ്യിൽ പട്ടണത്തിൽ തന്നെയാണ്. മയ്യിൽ വില്ലേജ്വാ ഓഫീസ് ടൗണിൽ നിന്നും അല്പം മറിയാണ് സ്ഥിതി ചെയ്യ്യുന്നത്. വാട്ടർ അതോററ്റിയുടെ ഓഫീസ് സ്ഥിതി ചെയ്യുന്നത് പാടിക്കുന്നിലാണ്^[7].

എത്തിച്ചേരാനുള്ള വഴി

ഏറ്റവും അടുത്തുള്ള റെയിൽ‌വേ സ്റ്റേഷൻ : കണ്ണൂർ, ഏകദേശം 20 കി.മീ അകലെ
ഏറ്റവും അടുത്തുള്ള വിമാനത്താവളം : കണ്ണൂർ അന്താരാഷ്ട്ര വിമാനത്താവളം, കണ്ണൂർ - മയ്യിൽ നിന്ന് ഉദ്ദേശം 22 കി.മീ അകലെ

അവലംബം

കണ്ണൂർ ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.

[പേർ-1] ttp://lsgkerala.in/mayyilpanchayat/

[2] ttp://www.lsg.kerala.gov.in/pages/history.php?intID=5&ID=1127

[3] ttp://lsgkerala.in/mayyilpanchayat/general-information/history/

[4] ttp://lsgkerala.in/mayyilpanchayat/general-information/description/

[5] ttp://www.lsg.kerala.gov.in/reports/lbMembers.php?lbid=1127

[6] ttp://www.lsg.kerala.gov.in/election/candidateDetails.php?year=2010&t=5&d=13&lb=1127

[7] ttp://lsgkerala.in/mayyilpanchayat/general-information/description/

[1]

[2]

[3]

[4]

[5]

[6]

[7]

ക സ തി കണ്ണൂർ ജില്ലയിലെ ഭരണസംവിധാനം
ജില്ലാ പഞ്ചായത്ത്: കണ്ണൂർ ജില്ലാ പഞ്ചായത്ത്
കോർപ്പറേഷൻ	കണ്ണൂർ
നഗരസഭകൾ	കൂത്തുപറമ്പ് · മട്ടന്നൂർ · പയ്യന്നൂർ · തലശ്ശേരി · തളിപ്പറമ്പ് · പാനൂർ · ഇരിട്ടി · ശ്രീകണ്ഠാപുരം · ആന്തൂർ
താലൂക്കുകൾ	കണ്ണൂർ · തലശ്ശേരി · തളിപ്പറമ്പ് · ഇരിട്ടി · പയ്യന്നൂർ
ബ്ലോക്ക് പഞ്ചായത്തുകൾ	എടക്കാട് · ഇരിക്കൂർ · ഇരിട്ടി · കല്ല്യാശ്ശേരി · കണ്ണൂർ · കൂത്തുപറമ്പ് · പയ്യന്നൂർ · പേരാവൂർ · തലശ്ശേരി · തളിപ്പറമ്പ്
ഗ്രാമ പഞ്ചായത്തുകൾ	ആലക്കോട് · അഞ്ചരക്കണ്ടി · ആറളം · അയ്യൻ കുന്ന് · അഴീക്കോട്‌ · ചപ്പാരപ്പടവ്‌ · ചെമ്പിലോട് · ചെങ്ങളായി · ചെറുകുന്ന് · ചെറുപുഴ · ചെറുതാഴം · ചിറക്കൽ · ചിറ്റാരിപറമ്പ്‌ · ചൊക്ലി · ധർമ്മടം · എരമം-കുറ്റൂർ · എരഞ്ഞോളി · ഏരുവേശ്ശി · ഏഴോം · ഇരിക്കൂർ · കടമ്പൂർ · കടന്നപ്പള്ളി-പാണപ്പുഴ · കതിരൂർ · കല്ല്യാശ്ശേരി · കണിച്ചാർ · കാങ്കോൽ-ആലപ്പടമ്പ് · കണ്ണപുരം · കരിവെള്ളൂർ-പെരളം · · കീഴല്ലൂർ · കേളകം · കൊളച്ചേരി · കോളയാട്‌ · കൂടാളി · കോട്ടയം · കൊട്ടിയൂർ · കുഞ്ഞിമംഗലം · കുന്നോത്തുപറമ്പ്‌ · കുറുമാത്തൂർ · കുറ്റ്യാട്ടൂർ · മാടായി · മലപ്പട്ടം · മാലൂർ · മാങ്ങാട്ടിടം · മാട്ടൂൽ · മയ്യിൽ · മൊകേരി · മുണ്ടേരി · മുഴക്കുന്ന് · മുഴപ്പിലങ്ങാട് · നടുവിൽ · നാറാത്ത് · ന്യൂ മാഹി · പടിയൂർ-കല്യാട് · പന്ന്യന്നൂർ · പാപ്പിനിശ്ശേരി · പരിയാരം · പാട്യം · പട്ടുവം · പായം · പയ്യാവൂർ · പെരളശ്ശേരി · പേരാവൂർ · പെരിങ്ങോം-വയക്കര · പിണറായി · രാമന്തളി · തില്ലങ്കേരി · തൃപ്പങ്ങോട്ടൂർ · ഉദയഗിരി · ഉളിക്കൽ · വളപട്ടണം · വേങ്ങാട്‌
നിയമസഭാമണ്ഡലങ്ങൾ	പയ്യന്നൂർ · തളിപ്പറമ്പ് · ഇരിക്കൂർ · കല്യാശ്ശേരി · അഴീക്കോട് · കണ്ണൂർ · ധർമടം · തലശ്ശേരി · കൂത്തുപറമ്പ് · മട്ടന്നൂർ · പേരാവൂർ
മറ്റു ജില്ലകൾ: ആലപ്പുഴ · ഇടുക്കി · എറണാകുളം · കണ്ണൂർ · കാസർഗോഡ് · കൊല്ലം · കോട്ടയം · കോഴിക്കോട് · തിരുവനന്തപുരം · തൃശ്ശൂർ · പത്തനംതിട്ട · പാലക്കാട് · മലപ്പുറം · വയനാട്