Labord
| |||
| Carta topografica de la vescomtat de Labord inclús lo parçan deu Baish Ador | |||
|---|---|---|---|
| |||
Labord (Lapurdi en basco, Labourd en francés, Labort en navarrés) qu'èra ua vescomtat feudau deu ducat d'Aquitània. Las soas tèrras, limitadas au nòrd per Ador e au sud per Bidassoa e peus Pòrts, que son geograficament e istoricament ligadas a la mar. Qu'ei, en part, un territòri arrancat a l'ocean per l'acumulacion de grans sediments quaternaris on s'installèn los vascons. Après un periòde d'ocupacion romana superficiau qu'arribèn a constituir lo ducat independent de Vasconia.
La mar qu'a jogat un ròtle primordiau dens l'evolucion istorica d'aquera region. Òm qu'atribueish a Baiona lo ròtle de capitau de Labord. Aquò qu'ei vertat dinc au sègle XIIau, data a la quau n'estó administrativament desligada. La capitau viengó alavetz Ustàrits dens la quau s'organizè lo Biltzar de Labord (l'assemblada generau de tots los maires). Arron lo maridatge de la duquessa d'Aquitània Alienòr dab Enric II Plantagenêt, en 1152, las tèrras de Labord que passèn devath la dependéncia de la corona anglesa e que serén l'objècte de multiplas intrigas, qui un deus principaus protagonistas seré lo famós Ricard Còr de Leon, mèstre deu desvolopament comerciau e economic de Baiona. Aquera influéncia anglesa que durè dinc a 1450, quan Labord tornar viengó a la corona francesa, arron la signatura deu tractat de patz dens lo castèth d'Aiherra. En 1609, un procèssus de bruishas que i estó condusit per Jean d'Espagnet, conselhèr au Conselh d'estat, e Pierre de Lancre, conselhèr au Parlament entà "purgar lo país de tots los bruishes e bruishas sota l'empresa deus demònis".
Qu'ei dividit en dus. Lo leon roge que sembla venir de la vescomtat de Labord e la flor de liri sus hons blau que commemòra l'adesion a la corona francesa arron tres sègles d'apartenença a Anglatèrra.
.svg){kind=small}
