မိူဝ်ႈဝၼ်းသုၵ်းၼၼ်ႉ ၽၢႆႇပႅၼ်ႇတၵူၼ်ႇ ပိုၼ်ၽၢဝ်ႇဝႃႈ လူင်ပွင်ၸိုင်ႈ ဢမႄႇရိၵၢၼ်ႇ ပၼ်ၶႂၢင်ႉ တႃႇတေၶၢႆပၼ် ၶိူင်ႈၵွင်ႈၵၢင်ႇသိုၵ်း တေႃႇမိူင်းထၢႆႇဝၢၼ်း ဢၼ်ၵိုင်ႇငိုၼ်းတေႃႇလႃႇ 2 ပီႇလီႇယၼ်ႇလိူဝ်ၼၼ်ႉယူႇ။ ၼႂ်းၼၼ်ႉ ပႃးၸဵမ် လွင်ႈဢဝ် ၶိူင်ႈၵႅတ်ႇၵင်ႈၵၢင်ႁၢဝ် ဢၼ်ၶိုတ်းၵၢပ်ႈ ဢၼ်လႆႈၸၢမ်းတူၺ်း တီႈမိူင်းယူႇၶရဵၼ်းၼၼ်ႉ သူင်ႇပၼ်ၸူး မိူင်းထၢႆႇဝၢၼ်း ပွၵ်ႈဢွၼ်တၢင်းသုတ်းၼၼ်ႉယဝ်ႉ။
[ML] [ ± ] - ၶရႅတ်ႉတိတ်ႉ ၶႅပ်းႁၢင်ႈ - လူထႅင်ႈ...
ၶၢဝ်ႇလႃႈသုတ်း ±
ၶေႃႈထတ်းသၢင် ဢၼ်ဢွၵ်ႇမႃး တႃႇပၢင်လိူၵ်ႈတင်ႈ မိူဝ်ႈဝၼ်းဢႃးတိတ်ႉၼၼ်ႉ ပၼ်တၢင်းႁၼ်ထိုင်ဝႆႉ ၸုမ်းၽွမ်ႉႁူမ်ႈ ဢၼ်ဢုပ်ႉပိူင်ႇ မိူင်းၵျႃႇပၢၼ်ႇၼၼ်ႉ တေသုမ်း ၽူႈတႅၼ်းၽွင်း ၼမ်လိူဝ်ပိူၼ်ႈၼႆ လႄႈ တေမီးလွင်ႈ ဢမ်ႇတႅတ်ႈၼႅတ်ႈ တွၼ်ႈတႃႇ လူင်ပွင်ၸိုင်ႈ ဢၼ်မီးပၢႆးမၢၵ်ႈမီး ယႂ်ႇသုတ်း တီႈ 4 ၼႂ်းလုမ်ႈၾႃႉၼၼ်ႉယဝ်ႉ။
ဢိတ်ႇသရေး လၢတ်ႈဝႃႈ မိူဝ်ႈဝၼ်းဢႃးတိတ်ႉ ၸဝ်ႉၸဝ်ႉၼၼ်ႉ ၶဝ်ယိုဝ်းသႂ်ႇ ဢွင်ႈတီႈသိုၵ်း တီႈမိူင်းဢီႇရၢၼ်း တႃႇတေတွပ်ႇတႅၼ်း လွင်ႈဢၼ် တီႇႁႃႇရၢၼ်ႇ တိုၵ်းယိုဝ်း ဢိတ်ႇသရေး မိူဝ်ႈႁူဝ်လိူၼ်ၼႆႉသေ ပဵၼ်လွင်ႈတိုၵ်းယိုဝ်း ၵမ်းလိုၼ်းသုတ်း ၼႂ်းပၢင်တိုၵ်း ၼႂ်းၵႄႈ ၸုမ်းၶႄႉၶဵင်ႇ ဢၼ်ယိပ်းၵွင်ႈၵၢင်ႇ ႁၢဝ်ႈႁႅင်းၼၼ်ႉ ၼႆယဝ်ႉ။
ၽွင်းလူင်ၽၢႆႇၼွၵ်ႈမိူင်း ဢမႄႇရိၵၢၼ်ႇ ဢႅၼ်ႇတူဝ်ႇၼီႇ ပလိၼ်ႇၵႅၼ်ႇ ႁူပ်ႉထူပ်း ၸွမ်ၽွင်းလူင် မိူင်းလႄႇပႃႇၼွၼ်ႇ မိူဝ်ႈဝၼ်းသုၵ်းၼၼ်ႉသေ ဢုပ်ႇဢူဝ်းၵၼ် လွင်ႈဢၼ် ဢိတ်ႇသရေး တိုၵ်းတေႃး လႄႈ ဝႃႇသျိၼ်ႇတၢၼ်ႇ လႆႈတဵၵ်းတဵင် လူင်ပွင်ၸိုင်ႈ ပႄႇရူတ်ႉ ႁႂ်ႈဢဝ်လိူင်ႈ သၢၼ်ၶတ်း ၸုမ်းႁႅꩡ်ႉပူဝ်းလႃႇၼၼ်ႉယဝ်ႉ။
ၽၢႆႇၼႂ်းမိူင်း ပႃႇၵိတ်ႈသတၼ်ႇ ဢွၵ်ႇၶေႃႈပိုၼ်ၽၢဝ်ႇဝႃႈ ယွၼ်ႉပိူဝ်ႈ ၸုမ်းယိပ်းၵွင်ႈၵၢင်ႇၶဝ် ယိုဝ်းတပ်ႉပၢင်သဝ်း ဢၼ်မီးႁိမ်းၽၢႆႇႁွင်ႇဝၼ်းတူၵ်း ဝဵင်း Dera Ismail Khan ၼၼ်ႉလႄႈ ပလိၵ်ႈလႅၼ်လိၼ် ပႃႇၵိတ်ႈသတၼ်ႇ လႆႈတၢႆၵႂႃႇ ဢမ်ႇယွမ်း 10 ၵေႃႉ ၼႆယဝ်ႉ။
ၽႃႇသႃႇၵႂၢမ်းတၢင်ႇၸိူဝ်း တီႈ ဝီႇၶီႇၶၢဝ်ႇ
ဝူင်းၵၢၼ်ပီႈၼွင်ႉ
» More Wikinews stories
±
_local_election_speech_at_Ebisu_station_2.jpg){kind=link}
.jpg){kind=link}
.jpg){kind=link}
