Komaki

Komaki 小牧市
Mga lungsod sa Hapon
Paikot sa kanan mula sa taas: Kastilyo ng Komaki; Gusaling Panlungsod ng Komaki (hilaga); Panoramang urbano ng Komaki; Gusaling Panlungsod ng Komaki (timog)
Watawat Sagisag
Kinaroroonan ng Komaki sa Prepektura ng Aichi
Komaki
Mga koordinado: 35°17′27.6″N 136°54′43.6″E
Bansa	Hapon
Rehiyon	Chūbu (Tōkai)
Prepektura	Aichi
Pamahalaan
• Alkalde	Suzuo Yamashita
Lawak
• Kabuuan	62.81 km2 (24.25 milya kuwadrado)
Populasyon  (Oktubre 1, 2019)
• Kabuuan	148,872
• Kapal	2,400/km2 (6,100/milya kuwadrado)
Sona ng oras	UTC+9 (Pamantayang Oras ng Hapon)
- Puno	Tabunoki (Machilus thunbergii)
- Bulaklak	Azalea
Bilang pantawag	0568-72-2101
Adres	1-1 Horinouchi, Komaki-shi, Aichi-ken 485-8650
Websayt	[www.city.komaki.aichi.jp Opisyal na websayt]

Ang Komaki (小牧市, Komaki-shi) ay isang lungsod na matatagpuan sa Prepektura ng Aichi, Hapon. Magmula noong 1 Oktubre 2019 (2019 -10-01), may tinatayang populasyon na 148,872 ang lungsod sa 68,174 mga kabahayan, at kapal ng populasyon na 2,370 mga tao sa bawat kilometro kuwadrado. Ang kabuoang lawak ng lungsod ay 62.81 square kilometre (24.25 mi kuw). Karaniwang ini-uugnay ang Komaki sa dating Paliparan ng Komaki, na matatagpuan sa hangganan sa pagitan ng Komaki at ng katabing lungsod ng Kasugai.

Kasaysayan

Natuklasan ang mga labing arkeolohiko sa lupain ng kasalukuyang Komaki buhat sa Paleolitikong Hapones hanggang sa panahong Yayoi, at madalas din ang mga bunton ng puntod mula sa panahong Kofun. Noong panahong Sengoku, ginamit ni Oda Nobunaga ang Kastilyo ng Komaki bilang kaniyang mga punong himpilan kung saang ipinag-utos niya ang paglusob sa Lalawigan ng Mino. Kalaunan, ang lugar na pumapalibot sa Bundok Komaki ay naging sityo ng Labanan sa Komaki at Nagakute noong 1584. Bahagi ito ng mga lupain ng Dominyong Owari noong panahong Edo, at lumago bilang isang hintuan sa rutang nag-uugnay ng Nagoya sa lansangang Nakasendō.

Sa kasagsagan ng pagtatag ng makabagong sistema ng mga munisipalidad sa panahong Meiji, ang lugar ay binuo ng mga nayon sa ilalim ng Distrito ng Higashikasugai, Aichi. Inihayag ang Komaki bilang isang bayan noong Hulyo 16, 1906 sa pamamagitan ng pagsasanib ng apat na mga nayon. Itinaas ito sa katayuang panlungsod noong Enero 1, 1955, pagkaraang isanib ito sa nayon ng Kitasato ng Distrito ng Nishikasugai.

Heograpiya

Matatagpuan ang Komaki sa gitna ng Kapatagang Nōbi, gitnang-kanlurang bahagi ng Prepektura ng Aichi, sa hilaga ng Nagoya metropolis. Nangingibabaw sa panoramang urbano ng lungsod ang Bundok Komaki, kung saang nasa ibabaw nito ang Kastilyo ng Komaki.

Kalapit na mga munisipalidad

• Prepektura ng Aichi
  • Kasugai
  • Inuyama
  • Iwakura
  • Kōnan
  • Kitanagoya
  • Toyoyama
  • Ōguchi

Demograpiya

Ayon sa datos ng senso sa Hapon, mabilis na tumataas ang populasyon ng Komaki sa nakalipas na 60 mga taon.

Historical population

Taon	Pop.	±%
1960	43,470	—
1970	79,606	+83.1%
1980	103,233	+29.7%
1990	124,441	+20.5%
2000	143,122	+15.0%
2010	147,059	+2.8%

Kapatid na mga lungsod

• Wyandotte, Michigan, Estados Unidos
• Anyang, Timog Korea (magkasundong mga lungsod mula noong 1986)

Mga kawing panlabas

• Opisyal na websayt (sa Hapones)