Talk:姬旦

This version is: [1]

周公像

周公旦，又叫周公、叔旦，係中國上古周朝人，姓姬，而唔係氏。佢以係國王周文王之子，係周武王嘅細佬。周文王死後，周武王繼位做周王，佢幫打天下，將西向東，推翻殷商紂王，成爲共主，斷代史視爲周代或者周朝。周武王死，仔太子誦立。因爲誦年紀細，就代爲攝政。嗰陣就有三監之亂，姬旦同召公奭聯手剷除東方殷商勢力，奠定周國地位。周公旦創立封建，宗親同遺族列爲諸侯，分封到各地。同時亦創立禮樂，爲各諸侯所遵守。

周公同夢

「夢神」

因為孔子一句「久矣吾不復夢見周公」（我好耐冇夢到周公治理嘅美好社會喇），後來周公就畀人叫做「夢神」。

周公解夢

「周公解夢」係傳統嘅夢文化，根據夢嘅內容預測未來。流傳喺民間嘅解夢書《周公解夢大全》入便，分咗夢做十五類：直夢、象夢、因夢、想夢、精夢、性夢、人夢、感夢、時夢、反夢、借夢、寄夢、轉夢、病夢、鬼夢。

民間戲稱

周公旦係一個成日喺孔子嘅夢入便出現嘅人物，喺儒教長期主導文化嘅中國，周公就無可避免噉同夢聯繫咗上嚟，於是「夢周公」就用咗嚟戲稱睏覺。亦有人用「（去）搵周公」代表去睏覺。