珠海

珠海係中國廣東珠三角嘅一個重要城市。水面離香港36海里，地接澳門，亦係中國經濟特區之一。珠海市包括咗香洲區、金灣區同斗門區。珠海市面積有1,687平方千米，常住人口有141萬人（2005年11月統計）。

歷史

其實整個珠海市喺民國前一直都係香山縣/中山縣嘅地方，只係喺解放之後，斗門縣同珠海市分開咗；而斗門縣由中山縣獨立出來之後，本來係一個獨立嘅縣，到後尾又劃返畀珠海市，然後再降級變埋做珠海市嘅一個區。