香港獨立運動

香港獨立運動，有人又叫做港獨，指國家獨立運動嚮香港嘅發展歷史，即係有冇人唔單止講，重組織指揮其它人推動香港脫離中共政權，香港獨立成為國家嘅社會運動。

來歷

• 最初，因為香港立法會議員張超雄開會提案香港就普選舉行全民投票，當其時台灣嗰邊台獨同埋中華民國總統陳水扁又動議全民公投決定台灣去向，結果張超雄嘅公投提案就畀人聯想到台灣獨立運動，唔少左派報紙將全民投票同港獨連埋。
• 之後，香港民主派凡親同北京意見相左，就會被話做港獨，有人甚至將民主運動同漸進港獨連埋。
• 而且，香港同澳門係唔係殖民地其實有得拗，如果係殖民地必須做前途公投，中英葡係將港澳視為主權爭議地區。
• 有人認為，香港係可以成為「東方瑞士」，香港而今噉樣，某程度上係上一代，或者上二代人集體賣港所做成。

好易俾人以為係漸進港獨嘅現象

• 煽動香港人對中央反感。
• 港獨唔同意「先一國、後兩制」；港獨強調「兩制」，否定「一國」。
• 港獨將香港居民叫做香港人民
• 港獨將香港特區叫做共和國
• 港獨主張香港唔需要解放軍，但係要發展自己嘅軍隊
• 國防外交要香港人話事
• 緬懷殖民地，慨嘆今不如昔

近況

以上現象有啲有；有啲未出現。只講無做，唔算係社會運動，港獨十畫都未有一撇。不過極左人士認為「星星之火、可以燎原」，所以唔可以唔小心提防。