Roltrap
'n Roltrap is gemeganiseerde trappe. 'n Tipe roterende vervoerband word ingespan om mense tussen die vloere van 'n gebou te beweeg. Mense kan opklim en sal dan aan die bokant of onderkant afgelewer word (afhangende of die roltrap boontoe of ondertoe beweeg). Roltrappe is meestal van twee armleunings voorsien wat teen dieselfde spoed as die trappe beweeg.
Roltrappe kom gewoonlik in pare voor, een wat op en een wat af beweeg. Dit word algemeen in winkelsentrums, lughawens, hotelle en so meer aangewend en kan groot groepe mense gelyktydig akkommodeer. As dit breek, of as die krag onderbreek word, kan roltrappe steeds as gewone trappe aangewend word.
Die toestel bestaan uit 'n elektriese motor met 'n ketting van individuele trappe wat in mekaar inhaak. Dit beweeg op 'n spoor wat die trappe heeltyd horisontaal hou soos dit roteer.
Charles Seeberger het die eerste roltrap gebou en dit in 1897 as 'n trekpleister op Coney Island in New York Stad installeer. Hy het by die Otis Elevator Company gewerk wat die eerste kommersiële roltrap vir die wêreldtentoonstelling van 1900 in Parys vervaardig het. Die Amerikaanse uitvinder Nathan Ames het in 1899 patentregte vir die roltrap verkry.
Sien ook
[wysig | wysig bron]Eksterne skakels
[wysig | wysig bron]
Wikimedia Commons het meer media in die kategorie Roltrap.
Wikiwoordeboek het 'n inskrywing vir roltrap.
