Bernhardiner

De Bernhardiner isch e Schwizer Hunderasse, wo zu de turistische Woorzaiche vo de Schwiiz ghört. Si sind binennt noch em Hailige Bernhard wo uf em Groos St. Bernhard e Hospiz igrichtet het.

Art und Wiis

D Bernhardiner sind langhoorigi rootbruu-wiiss gfleckti Hünd. D Männdli chönd 90 Santimeter gross werde und fast 100 Kilo schweer, d Wiibli sind 10 Santimeter chlinner. D Bernhardiner wachset recht schnell und werdet chumm elter as achti. Si sind üsserst fridlich und zoom und trotz irer Grössi au för Chinder kai Problem. Au zu Fremde sind si recht zuetraulich. Wege de Öberzüchtig sind di hütige Bernhardiner afälig uf meriri Chranggete.

Gschicht

De Bernhardiner isch i de Schwizer Alpe züchtet wore und zerstmol för s 17. Joorhundert bizügt, as Helfer vo de Mönch vom Hospiz ufem Grosse St. Bernhard. Si werdet iigsetzt um Lüüt us Lauine z rette. De bikanntischt Bernhardiner isch de Barry, wo ageblich öber 100 Mensche grettet ha söll, aber vellicht sinds au nu 40 gsii. Er isch hüt im Naturhistorische Museum z Bern z biwundere. Die hütige Bernhardiner sind allerdings öberzüchtet und vill z schweer und nüm nützli för Lüüt z finde, wo vo Lauine verschüttet wore sind.

Literatur

Otmar Kuttenkeuler: Bernhardiner. Verlagsgesellschaft Rodolf Müller 1978 ISBN 3-481-26632-4
Antonio Morsiani: Bernhardiner Kynos Verlag
Marc Nussbaumer: Barry vom Grossen St. Bernhard Naturhist.Museum Bern 2000 ISBN 3-908152-02-X
Iris Kürschner; Barry, die Hospitzhunde vom Grossen St. Bernhard, AT Verlag, Bern; ISBN 978-3-03800-436-3

Weblink

Commons: Bernhardiner – Sammlig vo Multimediadateie

Saint Bernard Dog Darstellig vo dr Rasse dur s Naturhistorisch Museum vo dr Burgergmeind Bärn (ängl.)
Schwyzerischer St. Bernhards-Club
Bernhardiner Club Dytschland
St. Bernhards-Klub e. V.
Weltunion vo dr St.Bernhard-Klub (WUSB)
Fondation Barry Schwyz
Bernhardiner Club Öschtriich
Zuchtverband Schwyzer Hundsrasse