Mauro Pedrazzini
Dr Mauro Pedrazzini (* 15. Juni 1965 z Escha) isch e liachtaschtaanische Bolitiker (FBP). Är isch syt em 27. Meerz 2013 as Regieriigsroot mit Zueständigkait fir s Minischterium fir Gsellschaft Mitgliid vu dr Regierig vum Fiirschteduum Liechteschtai.
Lääbe
[ändere | Quälltäxt bearbeite]Dr Mauro Pedrazzini isch e Suhn vum Sandro Pedrazzini un dr Hedy geb. Meier. Är isch mit drei Gschischter z Escha ufgwachse. Är isch uf s Liachtaschtaanisch Gimnasium z Vaduz gange un het deert anne 1985 d Matura gmacht. Derno het er vu 1985 bis 1991 an dr der Universiteet Bärn Physik, Chemy un Aschtronomy studiert um mit em Lizenziat (lic. phil. nat.) abgschlosse un deert au 1990 bis 1991 as Forschigsassischtänt am Laboratorium fir Hochenergyphysik gschafft. Ab 1992 isch er Doktorand am Forschigszäntrum fir Plamaphysik an dr ETH z Lausanne gsii un het deert anne 1996 promoviert.
Vu 1992 bis 2001het er bi dr Balzers AG gschafft, aafangs as Projäktlaiter, speeter as Laiter vu dr Abdailige Engineering un Forschig un Entwicklig. In dr Johr 1997 bis 199 het er näbe em Beruef no dr Wiirtschaft (Executive MBA) an dr Universitet St. Galle studiert.
2001 bis 2003 het er bi dr Liachtaanische Landesbank z Vaduz as Finanzanalyscht un Fondsmanager gschafft, ab 2003 bis zue sym Regierigsyydritt 2013 derno bi däre ire Doochtergsellschaft LLB Asset Management AG, ab 2006 deert as Laiter vum Aktiemanagement.
In dr Legislaturperiod vu 2005 bis 2009 isch dr Pedrazzini Stellverdrätter vum Regierigsschef Otmar Hasler gsii, vu 2009 bis 2013 Stellverdrätter vum Vizeregierigsschef Martin Meyer. No dr Landdaagswaal 2013 isch er as Regierigsroot fir d FBP vum liachtaschtaanische Landdaag vorgschlaa[1] un vum Regänt Erbprinz Alois ernännt woore, zueständig fir s nei Minischterium fir Gsellschaft (Gsundhait, Sozials, Familie un Chanceglyychi). Syter anne 2013 isch au er Mitgliid vu Bresidium vu dr FBP.
No dr Landdaagswaal vum 5. Februar 2017 isch dr Pedrazzini am 30. Meerz 2017 as Regierigsroot widergweelt woore.[2]
Weblink
[ändere | Quälltäxt bearbeite]
Commons: Mauro Pedrazzini – Sammlig vo Multimediadateie- Redaktion HLFL: Pedrazzini, Mauro. In: Historischs Lexikon vom Förschtatum Liachtastaa.
- dr Mauro Pedrazzini uf dr Websyte vu dr Regierig vum Fiirschteduum Liachtaschtaa
Fueßnote
[ändere | Quälltäxt bearbeite]- ↑ Landtags-Protokolle 2013, S. 34 (Memento vom 19. Novämber 2018 im Internet Archive) (Sitzung vom 27. März 2013).
- ↑ Landtags-Protokolle 2017, S. 35 (Memento vom 13. Septämber 2017 im Internet Archive) (Sitzig vum 30. Meerz 2017).
