Cul de Gavarnía

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O cul de Gavarnía (en francés Cirque de Gavarnie) ye un cul que fa parti d'o macizo d'as Tres Serols, que fue declarau en 1997 Patrimonio d'a Humanidat por a Unesco. O salto d'augua de Gavarnía ye un d'os mas altos d'Europa, con mas de 400 m de cayida vertical. O cul de Gavarnía ye situau en os Pireneus, en a comuna francesa de Gavarnía (Altos Pireneus), en a rechión d'Occitania, adintro d'o Parque Nacional d'os Pireneus.

Con un diametro de seis kilometros, ista muralla rocosa, marabiella d'a naturaleza, ye un d'os puestos mas vesitaus de toz os Pireneus franceses. O terreno calcario, gris, ocre u rosa, puya dica mas de 3.000 m d'altaria.

A paret tien dica 1.500 m d'altaria dende o fondón d'a val dica bellas d'as cimás mas alteras d'o Pireneu, como o Marmorés d'el Cul Gran (3.071 m), o Pico Plan de Marmorés (3.248 m), a punda de ro Faixón (3.009 m), a punda de ro Corral Ciego (3.006 m) y a punda Negra (3.144 m).

A breca de Roldán ye una curiosidat cheolochica, una puerta en a crencha rocosa, accesible dende o puerto de Buixaruelo, a o que s'arriba facilment por a estación d'esquí de Gavarnía-Gèdra. Tamién se puet arribar a Buixaruelo por una empinada rota, con amplaria en bel trampo ta nomás un vehíclo, a la que s'accede a la ezquierda, chusto dimpués de pasar o puent de Torla, a on prencipia a vía d'acceso a o Parque Nacional d'Ordesa.

Se veiga tamién

Vinclos externos

Se veigan as imáchens de Commons sobre o cul de Gavarnía.
(fr) Red Natura 2000

Datos: Q1093112
Multimedia: Cirque de Gavarnie / Q1093112