Las Cuevas de Canyart

	Las Cuevas de Canyart
	Entidat local menor d'Aragón
Entidat; • País; • Provincia; • Comarca; • Municipio	Entidat local menor; Aragón; Teruel; Mayestrato; Castellot
Partiu chudicial	Alcanyiz
Población; • Total	; 76 hab. (2018)
Altaria; • Meyana	; 816 m.
Codigo postal	44562
Parroquial; • Diocesi; • Arcipestrau; • Parroquia	; Teruel y Albarracín; Alcorisa; Sant Pero Apóstol
Coordenadas	40°45’46’’N 0°25’43’’U
	Las Cuevas de Canyart Las Cuevas de Canyart en Aragón

Las Cuevas de Canyart (Cuevas de Cañart en castellano) ye un lugar d'o municipio de Castellot,^[1] en a comarca d'o Mayestrato y provincia de Teruel, definiu como una entidat local menor^[2] situada en lo termin municipal de Castellot. Dica los anyos 1960 estió un municipio independient.

La suya población ye de 76 habitants (2018).

Cheografía

O lugar de Las Cuevas de Canyart se troba situau a 816 metros d'altaria sobre lo livel d'a mar.

Toponimia

Seguntes Agustín Ubieto Arteta se deciba Las Cuevas dende 1495 dica 1609, y Las Cuevas de Cañart dende 1646; manimenos en textos mas antigos, que fan referencia a los templers y hespitalers se vei Las Cuevas tamién. Lo nombre Las Cuevas de Canyart s'ha puesto veyer en textos mes antigos que 1646, por eixemplo en un texto notarial escrito en Las Cuevas de Canyart en 1500 encara en aragonés:

conjuges vezinos de la villa de Las Cuevas de Canyart actendientes e considerantes que Yssabel Ruvielos entenada de mi dito Jayme Ferrero, o la filla de la dita mi muller...

En lo censo de 1713 apareix como Cuevas de Cañarte, como una prebatina de castellanización dende l'oficial, con vocal de refirme. Lo nombre Canyart pareix un apelliu occitán.^{(i fa falta una fuent)}

Bi ha bel microtoponimo con component en aragonés como la ermita de la Virgen de los Pueyos.

Luengas y parlas

Actualment en Las Cuevas de Canyart, como en toda la comarca de lo Mayestrato se charra lo castellano rechional d'Aragón, con substrato lingüistico provinient de l'aragonés que se charró en la Edat Meya en las Bailías de la muga sudoriental de lo Reino d'Aragón. Se conoixe una serie de textos notarials de lo sieglo XV relacionaus con Las Cuevas de Canyart.^[3] En la scripta aragonesa d'estos textos se puede documentar bel toponimo en aragonés local ya desapareixiu.

Bi ha un estudio monografico de l'aragonés residual de Cuevas de Canyart feito por Manuel Alvar en 1950,^[4] uno de los pocos feitos sobre este tema en ixas envueltas.

Bi ha casos de conservación de F- inicial: forigar, falz
Evolución y conservación de GE-, GI- latinas en ch: chema.
Conservación de oclusiva sonora intervocalica: rosigar, cado, coda
Evolución de -SK latina enta -x-, y dimpués por castellanización enta j velar: jada, rujiadora
C'L > ll: dalla
Disimilación de -RR-: mardano, galabardera
Bel imperfecto en -iba-: traiban, deciban, reíban.
Adverbios espacials curiosos: cabo alto.
Pronombres personals como a tu, pa tu en cuenta de a tí, para tí en castellano.
Atras palabras de lo lexico aragonés destacable son: anclusa, sargantana, masclo, debantarse, escaicimiento, laminar, chiflar, zuro, zapo, ansa, aladro, royo, remoldar.

Demografía

Evolución demografica

1362 f	1495 f	1842	1857	1860	1877	1887	1897	1900
-	-	772	808	828	905	640	696	648

1910	1920	1930	1940	1950	1960	1970	1981	1991
732	602	499	490	406	293	-	-	-

2012	2013	2014	2015	2016	2017	2018	2019	2020
-	-	-	-	-	-	76	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Molimentos

[[Ilesia de Sant Pero Apóstol de las Cuevas de Canyart|Ilesia de Sant Pero Apóstol, una ilesia en estilo barroco consagrada a sant Pero que ye la ilesia parroquial d'o lugar.

Fiestas

3 de febrero.
Primer domingo d'agosto.

Referencias

↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.164.
↑ (es) Listau de entidaz locals menors d'Aragón.
↑ (es) Miguel Ángel Pallarés Jiménez: Las Cuevas de Cañart a finales de la Edad Media según la documentación notarial de Bernardo Fulla (1443-1509). Asociación cultural "El Morrón".
↑ (es) Manuel Alvar: Materiales para una Dialectología Bajo-aragonesa: I: A propósito de la Noticia delhabla de Aguaviva de Aragón, II: El habla de Cuevas de Cañart. Archivo de Filología Aragonesa, 1959, nº 3, pp. 181-224.

Bibliografía

{ {es}} Miguel Ángel Pallarés Jiménez: Las Cuevas de Cañart a finales de la Edad Media según la documentación notarial de Bernardo Fulla (1443-1509). Asociación cultural "El Morrón".

Vinclos externos

www.LasCuevasDeCanart.com.

Lugars d'o municipio de Castellot
Poblaus: Abenfigo \| Los Alagons \| l'Alchecira \| Castellot \| Crespol \| Dos Torres de Mercader \| Las Cuevas de Canyart \| Ladrunyán \| Luco de Bordón \| Las Planas de Castellot Despoblaus: Santoleya \| Torremocha

Datos: Q945783
Multimedia: Cuevas de Cañart / Q945783

[1] (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.164.

[2] (es) Listau de entidaz locals menors d'Aragón.

[BERNALFULLA-3] (es) Miguel Ángel Pallarés Jiménez: Las Cuevas de Cañart a finales de la Edad Media según la documentación notarial de Bernardo Fulla (1443-1509). Asociación cultural "El Morrón".

[PARLACANTART-4] (es) Manuel Alvar: Materiales para una Dialectología Bajo-aragonesa: I: A propósito de la Noticia delhabla de Aguaviva de Aragón, II: El habla de Cuevas de Cañart. Archivo de Filología Aragonesa, 1959, nº 3, pp. 181-224.

[1]

[2]

[3]

[4]