Tititea
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Tititea Mount Aspiring | |
 | |
Situación
| |
| Situación |  Nueva Zelanda
|
| Latitut | 44°23′S |
| Lonchitut | 168°43′E |
| Vértiz cheodesico | Error d'expresión: operador / no asperau/0.pdf |
Cheografía
| |
| Cordelera | Alpes d'o Sud |
| Sierra | |
| Macizo | |
| Altaria | 3.033 m |
| Primera puyada | |
| Ruta mas fácil | |
Mapa
| |
  | |
O Tititea (en maorí Tititea, en anglés Mount Aspiring) ye a montanya mas alta de Nueva Zelanda difuera d'a rechión d'o mont Cook.
Descripciónn
[editar | modificar o codigo]Se troba aintro d'o Parque Nacional d'o Mont Aspiring, en Otago, y tien una altaria de 3.033 m. Os maorís le dicen Tititea, que puet traducir-se como o Pico que brila. O suyo nombre en anglés lo metió en aviento de 1857 o chefe de topografía d'a provincia d'Otago, John Turnbull Thomson.[1] Ye conoixiu tamién como o "mont Cervino d'o Sud", por a suya forma piramidal si se veye dende o río Matukituki. A primera puyada la facioron o comandant Bernard Head y os guidas Jack Clarke y Alec Graham o 23 de noviembre de 1909. A expedición de Head puyó a la tuca a traviés d'una cresta en a parte occidental dende o glaciar Bonar, una rota que no se tornó a repetir dica 1965.[2]
O Tititea ye situau una mica a l'ueste d'a división prencipal entre as dos versants d'os Alpes d'o Sud, 30 kilometros a l'ueste d'o laco Wanaka.[1] Se troba en a intersección de tres grans sistemas glaciars — o glaciar Bonar, que desemboca en o río Waipara, y os glaciars Volta y Therma, que rematan en o río Waitoto. O Waipara ye un afluent d'o río Arawhata, y os dos, o río Arawhata y o río Waitoto desembocan en a costa ueste entre Haast y Jackson Bay.
Escalada
[editar | modificar o codigo]A rota mas tipica ta puyar a o mont Aspiring ye puyar a traviés d'a val occidental d'o Matukituki, que se troba a la fin d'una carretera de 50 kilometros que va dende Wanaka dica Raspberry Flat. Dende astí un rete de cubilars ufre puntos de descanso ta os escaladors.
O primer d'istos ye o Mount Aspiring Hut, que ye a 8 kilometros (u alto u baixo dos horas a piet) dende o fin d'a carretera. O siguient cubilar se troba a 8-12 horas difuera d'a pista prencipal. Dende a fin d'a pista ye posible puyar por a Creta francesa (French Ridge) y trescruzar o glaciar Bonar, u bien puyar por o collau de Bevan Col dica o glaciar Bonar. As dos opcions requieren de buenos conoiximientos de tecnicas de escalada y travesía a traviés de glaciars. Muitos escaladors optan por plegar dica a zona en helicoptero, ya que l'aproximación dica a base ye dura.
Referencias
[editar | modificar o codigo]- ↑ 1,0 1,1 Wises New Zealand Index, 7th Edition, 1979. p. 15.
- ↑ Logan, H. (1990) 'Great peaks of New Zealand', New Zealand Alpine Club, Wellington, and John McIndoe Limited, Dunedin, New Zealand, ISBN 0-86868-125-3.
Vinclos externos
[editar | modificar o codigo]
Datos: Q1210275
Multimedia: Mount Aspiring / Tititea / Q1210275
