Antoine de Jussieu

Antoine de Jussieu
Vida
Nacimientu	Lyon, 6 de xunetu de 1686
Nacionalidá	Francia
Muerte	París, 22 d'abril de 1758 (71 años)
Familia
Padre	Laurent de Jussieu
Hermanos/es	Joseph de Jussieu; Bernard de Jussieu; Christophe de Jussieu
Familia	ver Antoine-Laurent de Jussieu (sobrín);
Pueblu	De Jussieu (es)
Estudios
Estudios	Facultad de Medicina de Montpellier (es)
Llingües falaes	llatín; francés
Alumnu de	Joseph de Tournefort; Pierre Magnol
Profesor de	Jean Étienne Guettard (es)
Oficiu	botánicu, médicu
Llugares de trabayu	París, Montpellier y Lyon
Miembru de	Royal Society ; Academia Francesa de les Ciencies ; Academia Prusiana de les Ciencies
Abreviatura en botánica	Ant.Juss. (IPNI)

Antoine de Jussieu (6 de xunetu de 1686, Lyon – 22 d'abril de 1758, París) foi un médicu, botánicu y naturalista francés.

Biografía

Jussieu nació en Lyon, fíu de Christophe de Jussieu o Dejussieu, un boticariu de cierta sonadía, quien publicó un Nouveau traité de la theriaque (1708).

Antoine, hermanu de Bernard y de Joseph, entama estudios de Teoloxía enantes d'afayar la so pasión pola Botánica, y empieza a estudiar Medicina na Universidá de Montpellier, y viaxó col so hermanu Bernard por España, Portugal y el sur de Francia. Treslladóse a París en 1708. Nesi añu morrió Joseph Pitton de Tournefort, y Jussieu ocupó'l so puestu vacante nel Jardin des Plantes.

Prauticó la medicina, ocupándose sobremanera de los desheredaos y la xente más probe. Dende 1718 fixo usu na so práutica médica de la corteza de Cassia (Cortex simarubae), un remediu que llegara a París en 1713 procedente de Cayena. Jussieu escribió unes llinies describiendo la corteza nes memories de l'Academia en 1729, y Carlos Linneo nomó la planta nel so honor como Simaruba jussiaei. Les memories tamién contienen escritos sos sobre anatomía humana, zooloxía, paleontoloxía y mineraloxía. Una d'estes memories a l'Academia (1723) identifica per primer vegada los preseos prehistóricos de piedra con ciertos amuletos contra los rayos (pierres de foudre), y amás rellaciona los afayos prehistóricos europeos colos preseos y ferramientes atopaos ente los indíxenes americanos.

Amás de les sos propies publicaciones editó un trabayu de Tournefort, Institutions rei herbariae (3 vols., 1719), aumentáu y con anotaciones. Tamién publicó un trabayu póstumu de Jacques Barrelier, Plantae per Galliam, Hispaniam, et Italiam observatae, etc. (1714) que los sos testos perder nuna quema, salvándose namái les planches de les ilustraciones (el trabayu de Jussieu contién 334 planches a tou foliu y 1392 figures).

Honores

L'asteroide 9470 Jussieu lleva esti nome n'honor de la familia Jussieu.

Obres

Descriptio et icon Coffeae (café). Paris (1713).
De l'Anicie et des usages de la pierre de foudre. Paris (1723).
Memoires de l´Academie. Paris (1729).
Traité des vertus des plantes. Nancy (1771).

Referencies

Dacosta, Arsenio (ed). Del orixe y de los usos de la piedra del rayu. Edición y notes del testu de Antoine de Jussieu (1723). En Revista del Folclor. 309 (2006): 105-108. (enllaz rotu disponible n'Internet Archive; ver l'historial y la última versión).

Abreviatura

L'abreviatura Ant.Juss. emplégase pa indicar a Antoine de Jussieu como autoridá na descripción y clasificación científica de los vexetales. (consulta la llista de tolos xéneros y especies descritos por esti autor nel IPNI).

Referencies

↑ ^1,0 ^1,1 Afirmao en: autoridaes BNF. Identificador BnF: 12292557g. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ ^2,0 ^2,1 ^2,2 Afirmao en: catálogo general de la Biblioteca Nacional de Francia. Identificador BnF: 12292557g. Data de consulta: 4 xunetu 2018. Autor: Biblioteca Nacional de Francia. Editorial: Biblioteca Nacional de Francia. Llingua de la obra o nome: francés.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.

Enllaces esternos

«Antoine de Jussieu», Índiz Internacional de Nomes de les Plantes (IPNI), Real Xardín Botánicu de Kew, Herbariu de la Universidá de Harvard y Herbariu nacional Australianu (eds.), http://www.ipni.org/ipni/authorsearch?id=4595-1&query_type=by_id&output_format=object_view .

[204b1cb59d4b173bd39c86551cb778515ac62576-1] 1,0 ^1,1 Afirmao en: autoridaes BNF. Identificador BnF: 12292557g. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[2533b3eb7ffb2109e722045878a12c33799a032e-2] 2,0 ^2,1 ^2,2 Afirmao en: catálogo general de la Biblioteca Nacional de Francia. Identificador BnF: 12292557g. Data de consulta: 4 xunetu 2018. Autor: Biblioteca Nacional de Francia. Editorial: Biblioteca Nacional de Francia. Llingua de la obra o nome: francés.

[e787d667b1a063180e58ba41a29b8d1dee9c813c-3] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[1]

[2]

[3]