Bandera Xitana

Bandera Xitana
Datos
Fecha d'adopción	1971 (52 años)
Colores	azure (es) , verde y bermeyu
Elementos representaos	chakra (es)

La Bandera'l Pueblu Xitanu o Romanín afitóse per vegada primera durante'l Primer Congresu Xitanu qu'aconceyó en Londres en 1971, nel que tamién s'entamó a trabayar nel que llueu sería l'Himnu Xitanu (Gelem Gelem).

Ye una adaptación de la bandera de la India. Divídese en dos franxes horizontales, azul y verde, con una rueda colorada metanes les dos. La parte cimera, azul, simboliza'l cielu, que ye'l techu del llar del pueblu romanín, pola mor de la so historia como pueblu nómada. La d'embaxo, de color verde, simboliza'l suelu o'l campu, el mundiu pel que debalen. La rueda, tamién presente na bandera de la India, amuesa los deseos de llibertá de movimientu más allá de les fronteres afitaes.

La bandera'l Pueblu Xitanu ye una seña d'identidá pa la comunidá romanina espardía pel planeta enteru. Como tal emplegóse nel funeral del cantante andaluz Camarón de la Isla (1950-1992)

La bandera'l Pueblu Xitanu úsase nos numberosos actos públicos que se celebren cada añu. Ente ellos ta'l Día Internacional del Pueblu Xitanu, que se conmemora'l día 8 d'abril, data que foi afitada nel I Congresu Internacional de Londres yá mentáu equí y nel que tamién se tomaron alcuerdos pa la difusión de la llingua romanina y n'otres estayes.

Referencies

Enllaces esternos