Clarence Williams III

Clarence Williams III
Vida
Nacimientu	Nueva York, 21 d'agostu de 1939
Nacionalidá	Estaos Xuníos
Llingua materna	inglés
Muerte	Los Angeles, 4 de xunu de 2021 (81 años)
Causa de la muerte	cáncanu colorrectal
Familia
Casáu con	Gloria Foster (1967 – 1984)
Estudios
Llingües falaes	inglés
Oficiu	actor de televisión, actor de cine, actor de teatru, direutor de teatru, actor
Premios	ver Theatre World Award (1965) ;
Nominaciones	ver Premiu Tony al meyor actor de repartu nuna obra de teatru ; (1965);
IMDb	nm0929934

Clarence Williams III (21 d'agostu de 1939, Nueva York – 4 de xunu de 2021, Los Angeles) ye un actor d'Estaos Xuníos.^[4] Foi nomáu al premiu Tony, y ye quiciabes meyor conocíu pol so papel de Linc Hayes na mítica serie policial jipi The Mod Squad (1968-1973). Ye actor de teatru, cine y televisión, y ocasional direutor. Tuvo casáu y divorcióse de l'actriz de cine Gloria Foster (meyor conocida como «Oráculu» na película Matrix).

Primeros años

Nacíu na ciudá de Nueva York, Williams ye fíu d'un músicu de xira, y nietu del llexendariu pianista y compositor de jazz Clarence Williams cola so esposa Eva Taylor, cantante de blues. Crióse pola so güela paterna, ya interesóse na actuación dempués que nuna ocasión ingresara por accidente a un escenariu nun teatru per debaxo d'una sala YMCA nel barriu Harlem.^[5]

Carrera

Dempués de pasar dos años na Fuercia Aérea de los Estaos Xuníos, Williams empezó una carrera como actor. Apaeció per primer vegada en Broadway en The long dream (1960), y recibió un Theatre World Award y una nominación al premiu Tony por Slow dance on the killing ground (1964).^[4] Siguiendo col so impresionante trabayu nel escenariu, apaeció en Walk in darkness (1963), Sarah and the sax (1964), Doubletalk (1964), y King John.^[4] Tamién se desempeñó como artista residente na Universidá Brandeis en 1966.

El papel que lu llanzó a la fama en tol país foi como'l policía tapáu Linc Hayes na popular serie televisiva policial contracultural Mod Squad (1968). Xunto colos sos relativamente desconocíos compañeros Michael Cole y Peggy Lipton, convirtióse nuna estrella. Desque la serie terminó (en 1973), Williams trabayó nuna variedá de xéneros nel escenariu y la pantalla, dende la comedia (I'm gonna git you sucka, y Half-Baked) hasta ciencia ficción (Star Trek: Deep Space Nine) y drama (Purple Rain). La so envidiable carrera profesional ―que toma más de cuarenta años― inclúi un papel recurrente na serie de televisión surrealista Twin Peaks (1990), un bon policía en Deep Cover (1992), un alborotador na miniserie Against the wall (Contra'l muriu, 1994), y el padre químicamente dependiente del actor Wesley Snipes en Sugar Hill (1993). Otros papeles en televisión inclúin Hill Street Blues, el clásicu canadiense de cultu The Littlest Hobo, Miami Vice, The Highwayman, Burn Notice, Everybody Hates Chris, Justified, un papel recurrente como Philby Cross en Mystery Woman y en series de la canal Hallmark. Puede vése-y en películes como 52 Pick-Up, Life, The Cool World, Deep Cover, Tales from the Hood, Half-Baked, Hoodlum, Frogs for Snakes, Starstruck, The General's Daughter, Reindeer Games, Impostor, The Legend of 1900, y Purple Rain. Tamién realizó un papel de repartu como un mayordomu afroamericanu de George Wallace na película George Wallace (1997, de TNT), y como Raymond Ellsworth Bumpy Johnson en American Gangster (2007). Dellos papeles nel cine en que nun foi acreditáu inclúin Pork Chop Hill (1959) y American Gangster (2007).

Referencies

↑ Afirmao en: Internet Broadway Database. Identificador de persona d'Internet Broadway Database: 91215. Apaez como: Clarence Williams III. Data de consulta: 9 ochobre 2017. Llingua de la obra o nome: inglés.
↑ ^2,0 ^2,1 «Clarence Williams III Dies: ‘Linc’ On ‘The Mod Squad’ Was 81».
↑ URL de la referencia: http://www.theatreworldawards.org/past-recipients.html.
↑ ^4,0 ^4,1 ^4,2 «Clarence Williams III. Biography», artículu nel sitiu web IMDb.
↑ «Clarence Williams III: Biography», artículu n'inglés na revista TV Guide. Consultáu en mayu de 2013.

[5492603917cbb2949aae72d0762d97ad22ff7ea9-1] Afirmao en: Internet Broadway Database. Identificador de persona d'Internet Broadway Database: 91215. Apaez como: Clarence Williams III. Data de consulta: 9 ochobre 2017. Llingua de la obra o nome: inglés.

[fad53bc0b3380cee987203730a5af9ab87bd9be0-2] 2,0 ^2,1 «Clarence Williams III Dies: ‘Linc’ On ‘The Mod Squad’ Was 81».

[6dbbe843fa48945cc9e8c1d269ed814c13f7f6bd-3] URL de la referencia: http://www.theatreworldawards.org/past-recipients.html.

[IMDb-4] 4,0 ^4,1 ^4,2 «Clarence Williams III. Biography», artículu nel sitiu web IMDb.

[5] «Clarence Williams III: Biography», artículu n'inglés na revista TV Guide. Consultáu en mayu de 2013.

[1]

[2]

[3]

[4]

[5]