Hygrocybe conica
Hygrocybe conica  | ||
|---|---|---|
_1.jpg) | ||
| Clasificación científica | ||
| Reinu: | Fungi | |
| División: | Basidiomycota | |
| Clas: | Agaricomycetes | |
| Orde: | Agaricales | |
| Familia: | Hygrophoraceae | |
| Xéneru: | Hygrocybe | |
| Especie: |
H. conica (Schaeff.: Fr.) P. Kumm., 1871 | |
| Consultes | ||
| [editar datos en Wikidata] | ||
| Hygrocybe conica Carauterístiques micolóxiques  | ||
|---|---|---|
 | ||
 | ||
 | ||
 | ||
 | ||
 | ||
 | ||
| [editar datos en Wikidata] |
Hygrocybe conica[1] ye un fungu basidiomicetu de la familia Hygrophoraceae, frecuente nel sur d'Europa. Habita en márxenes de caminos y praos húmedos de zones de monte, y el so cuerpu granible apaez ente branu y seronda. El so basónimu ye Agaricus conicus Schaeff. 1774.[1] L'epítetu específicu conica fai referencia a la forma del sombrerucu de la so cogorda. El so cogorda ye tóxica, causando trestornos dixestivos.[2]
Descripción
[editar | editar la fonte]La so cogorda presenta un sombreru cónicu d'ente 4 y 5 centímetros de diámetru, con una cutícula brillosa y mafosa n'ambientes húmedos, y aspra cuando s'ensuga. Ye de colores llamativos, que varien ente'l colloráu y el mariellu anaranxao, y se ennegrece col contautu, de forma más intensa conforme la cogorda avieya. Les llámines son delgaes, llibres, ventrudes y de llargor variable, de color blancu o mariellu. La esporada ye blanca. El pie puede midir hasta 10 centímetros d'altor, y ye estilizado y buecu. Tien forma cilíndrica, superficie fibrosa y color variable ente'l mariellu intenso y l'anaranxáu, escureciéndose tamién col contautu. La so carne ye fráxil, con poco golor y tamién se ennegrece al cortala.[2]
Posibilidaes de tracamundiu
[editar | editar la fonte]La so cogorda ye bien paecida a Higrocybe nigrescens, que tamién presenta un sombrerucu de forma cónica anque nun ye tan apuntiáu. Coles mesmes, el pie de H. nigrescens ye más anchu y de más llargor.[2]
Referencies
[editar | editar la fonte]- ↑ 1,0 1,1 «Hygrocybe conica» (n'inglés), Hygrocybe conica, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=356885
- ↑ 2,0 2,1 2,2 Grünert, H.; Grünert, R.; VV.AA. (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 46. ISBN 84-87535-11-9.
Enllaces esternos
[editar | editar la fonte]
Wikimedia Commons tien conteníu multimedia tocante a Hygrocybe conica.
 |
Wikispecies tien un artículu sobre Hygrocybe. |
| Control d'autoridaes |
|
|---|
Datos: Q1434668- Multimedia: Hygrocybe conica
