Lleenda de Muhlenberg
La lleenda de Muhlenberg ye una lleenda urbana n'Estaos Xuníos y Alemaña. Según esta lleenda, namás pol votu de Frederick Muhlenberg, quien fuera'l primer presidente de la Cámara de Representantes d'Estaos Xuníos, torgó que l'idioma alemán se convirtiera nun idioma oficial d'Estaos Xuníos.[1]
Base histórica
[editar | editar la fonte]El verdaderu megollu detrás d'esta lleenda alcuéntrase nun votu de diferencia na Cámara de Representantes de los Estaos Xuníos en 1794, dempués de qu'un grupu d'inmigrantes alemanes pidiera formalmente la traducción de delles lleis del inglés al alemán. Esti pidimientu foi tratáu pola Cámara de Representantes ensin llegar a un determín final, llevándose a cabu una votación p'aplazar y considerar aquella solicitú nuna fecha posterior, la que foi refugada por un votu, 42 contra 41. N'otres pallabres, nun hubo nenguna votación sobre un proyeutu de llei real, a cencielles foi un votu sobre si o non p'aplazar la idea de llexislar. Por cuenta de que la moción pa retardar nun foi aprobada, l'asuntu foi abandonáu. D'esta manera surdió la lleenda de que l'"alemán perdió la oportunidá de convertise n'idioma oficial de los Estaos Xuníos por un votu".
Muhlenberg (d'ascendencia alemana y que nun votara na llista nominal) foi citáu más tarde diciendo que "cuanto más rápido se conviertan los alemanes n'estauxunidenses, meyor va ser".[1]
Ver tamién
[editar | editar la fonte]Referencies
[editar | editar la fonte]- ↑ 1,0 1,1 Sick, Bastian (19 de mayu de 2005). German language as the official language of the USA?. http://www.spiegel.de/kultur/zwiebelfisch/onionfish-german-as-the-official-language-of-the-usa-a-306711.html. Consultáu'l 20 de xunu de 2018.
| Control d'autoridaes |
|
|---|
Datos: Q84054
