Ruth Roland
Ruth Roland | |
|---|---|
 | |
| Vida | |
| Nacimientu | San Francisco, 26 d'agostu de 1892[1] |
| Nacionalidá |
 Estaos Xuníos |
| Muerte | Hollywood, 22 de setiembre de 1937[1] (45 años) |
| Sepultura | Forest Lawn Memorial Park |
| Causa de la muerte | cáncanu |
| Familia | |
| Casada con | Ben Bard (1929 – 1937) |
| Estudios | |
| Estudios |
Escuela Preparatoria de Hollywood (es)  |
| Oficiu | productora de cine, actriz de teatru, actriz de cine, especialista de cine, direutora de cine |
| Premios | |
| IMDb | nm0738082 |
 | |
Ruth Roland (26 d'agostu de 1892, San Francisco – 22 de setiembre de 1937, Hollywood) foi una productora y actriz teatral y cinematográfica estauxunidense.
El so padre dirixía un teatru, y ella foi una neña actriz qu'empezó a actuar nel vodevil. Foi contratada pol direutor Sidney Olcott, que la viera n'escena en Nueva York. Actuó nel so primer filme pa Kalem Company en 1909 y, xunto a Gene Gauntier, llueu recibió'l llamatu de "Kalem Girl." Roland foi finalmente unviada al estudiu que Kalem tenía na costa oeste de los Estaos Xuníos, onde foi la primer actriz y supervisora de la "Kalem House", na cual vivíen tolos actores. A los 12 años d'edá, Roland yera la estudiante más nueva de la Hollywood High School.[2]
Más palantre Ruth Roland dexó Kalem y foise con Balboa Films, cola cual tuvo un contratu ente 1914 y 1917. En 1915 actuó nun serial d'aventures de 14 episodios tituláu The Red Circle. Muyer de negocios arteru, fundó la so propia compañía productora y robló un alcuerdu de distribución con Pathé pa rodar seis nuevos seriales que fueron un gran ésitu:
Ruth Roland Serials, Inc.: (caún de 15 episodios)
- The Adventures of Ruth (1919)
- Ruth of the Rockies (1920)
- White Eagle (1922)
- The Timber Queen (1922)
- The Haunted Valley (1923)
- Ruth of the Range (1923)
Ente 1909 y 1927 Ruth Roland actuó en más de 200 filmes. Intervieno n'unu de los primeros títulos en color, Cupid Angling (1918), realizáu col procesu Naturalcolor inventáu por Leon Douglass y filmado nel área del Llagu Lagunitas nel Condáu de Marin, California.
Roland dexó temporalmente'l cine hasta 1930, añu en que rodó'l so primer títulu sonoru. Anque la so voz funcionaba bien na pantalla, l'actriz yá llegaba a los cuarenta años d'edá, polo que se dedicó al teatru, actuando úna única vegada más nel cine en 1935.
Roland casóse col actor Ben Bard en 1929. Bard tamién actuaba nel teatru, y tres la boda dirixó una escuela d'interpretación en Hollywood. El matrimoniu duró hasta'l fallecimientu de Roland por causa de un cáncer en 1937, a los 45 años d'edá, en Hollywood. Foi soterrada nel campusantu Forest Lawn Memorial Park en Glendale (California).
Pola so contribución a la industria cinematográfica, Ruth Roland tien una estrella nel Paséu de la Fama de Hollywood, nel 6220 de Hollywood Boulevard.
-
A Matrimonial Martyr (1916) -
The Sultana (1916) -
The Neglected Wife (1917) -
Hands Up (1918) -
The Tiger's Trail (1919) -
The Timber Queen (1922)
Notes
[editar | editar la fonte]Traducíu direutamente de la Wikipedia n'inglés
Referencies
[editar | editar la fonte]- Ruth Roland na Internet Movie Database (n'inglés)
- Balboa Films - A History and Filmography of the Silent Film Studio ISBN 0-7864-0496-5
- ↑ 1,0 1,1 Afirmao en: autoridaes BNF. Identificador BnF: 14697864r. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ [1] Archiváu 2006-10-20 en Wayback Machine at www.silent-movies.com
Enllaces esternos
[editar | editar la fonte]
Wikimedia Commons acueye conteníu multimedia sobre Ruth Roland.
Datos: Q457815- Multimedia: Ruth Roland
