Ninety One
| Ninety One | |
|---|---|
| Əsas məlumatlar | |
| Üslub | Q-Pop |
| Fəaliyyət illəri | 2015—günümüz |
| Ölkə |
 Qazaxıstan |
| Şəhər | Almatı |
| Dil | qazaxca |
| Leybl | JUZ Entertainment |
| Heyət |
A.Z. (Azamat Zenkayev) ALEM (Batırxan Məlikov) Ace (Azamat Aşmakın) ZaQ (Dulat Muhammetqali) Bala (Daniyar Kulumşin) |
| juzent.com | |
 Vikianbarda əlaqəli mediafayllar | |
Ninety One və ya 91 (qaz. Тоқсан бір; Toqsan bir; azərb. Doxsan bir) — 2015-cü ildə JUZ Entertainment tərəfindən qurulmuş Q-pop qrupu.[1] Qrupun prodüseri ORDA qrupun üzvü, Yerbolat Bedelxandır.Ninety one qrupu 5 üzvdən ibarətdir:ACE,ALEM,ZAQ,A.Z,BALA
Tarixi
[redaktə | mənbəni redaktə et]Qrupun adı Qazaxıstanın müstəqilliyini qazanması ilə əlaqəlidir( Qazaxıstan öz müstəqilliyini 1991-ci ildə qazanmışdır).Qrup 2014-cü ildə K-Top Idols layihəsi əsasında yaradılmışdır.[1] ZAQ ilə A.Z. bu layihənin qalibləri idi, ALEM ilə BALA isə onlara kastinq nəticəsində qoşulmuşdur. Cənubi Koreyanın S.M. Entertainment agentliyində oxuyandan sonra, ACE də qrupa qoşulub. Əvvəl qrupun adları KTI-boys və W idi. Amma, 2015-ci ilin sentyabrın 1-də Aýıptama (kiril Айыптама qaz. Qınama) adlı ilk sinqlı və onun musiqi videosunu buraxıb, qrupun adını indikinə dəyişiblər. Həmin musiqi videosu 20 həftə ərzində Qazaxıstan kanalların musiqi çartlarında baş yerləri tutmuşdur.[2] Həmin ilin dekabrın 1-də qrupun debüt Aýıptama mini albomu təqdim olunub.[3].
2016-cı ilin iyunun 2-də Qaýtadan (kiril Қайтадан qaz. Yenidən) klipi üzə çıxıb, Gakku TV çartının başına qalxmışdır. 2016-cı ilin dekabrın 11-də Qalaý qaraýsıñ? (kiril Қалай қарайсың? qaz. Necə baxırsan) klipi buraxılıb. Bu mahnı Glaмұр для дур filmin sauntrekidir. Gakku TV çartının birinci yerində 20 həftə ərzində durmuşdur..
Bundan sonra daha bir neçə klip buraxılıb. 2017-ci ilin avqustun 21-də çıxan MOOZ (qaz. Buz) musiqi videosu çıxıb. Bu mahnı az sonra, avqustun 24-də çıxan, qrup haqqında bəhs edən 91 filminin saundtrekidir.
2017-ci ilin oktyabrın 30-dan qrupun üzvləri iştrakı ilə Qaǵaz keme serialı yayımlanmağa başlayıb.[4] 2016-cı ildən başlayaraq qrup Space adı altında videolar paylaşır. Bu videolarda Türkiyəni və Koreyanı gəzdiklərini bildirirlər. Türk ölkələri arasında çox tanınmış qrup 2020-ci ildə Azərbaycana gəlməyi planlaşdırır. Ninety one bir neçə dəfə Azərbaycana gəlmək istədiklərini və burada konsert vermək istədiklərini bildirib.
Diskoqrafiya
[redaktə | mənbəni redaktə et]| Mahnı adı | Buraxılma tarixi | |
|---|---|---|
| Orijinal adı | Tərcüməsi | |
| Айыптама (Ayıptama) | Qınama! | 08.10.2015 |
| Қайтадан (Qaytadan) | Yenidən | 02.06.2016 |
| Қалай қарайсың? (Qalay Qaraysıñ?) | Necə Baxırsan? | 12.12.2016 |
| Қайырлы түн (Qayırlı tün) | Gecən Xeyrə | |
| Ұмытпа (Umıtpa) | Unutma | 18.03.2016 |
| Su asty | Su Altı | 01.05.2017 |
| Yeski Taspa Bii' | Köhnə Yazma Rəqsi | 05.06.2017 |
| Bayau | Yavaşca | 10.07.2017 |
| Mooz | Buz | 21.08.2017 |
| Ah! Yah! Mah! | Ayama | 31.12.2017 |
| E.Yeah | Sahibi | 25.06.2018 |
| All i need | Tək ehtiyacım olan | 08.08.2018 |
| Boyman | Oğlan | 24.10.2018 |
| Why’m | Niyə görüş | 01.01.2019 |
| Men emes | Mən deyiləm | 01.08.2019 |
| Bari biled | Bilirdi | 08.08.2019 |
| Koilek | Coil | 13.08.2019 |
| Olar | Olar | 20.08.2019 |
Qrup üzvləri
[redaktə | mənbəni redaktə et]A.Z.
[redaktə | mənbəni redaktə et]Azamat Baybolat oğlu Zenkayev — Qrupun lideri və reperidir. 28 sentyabr 1993-cü ildə Qazaxıstanın Atırau şəhərində dünyaya gəlmişdir. Ailəsinin ortancıl övladıdır, özündən böyük bacısı və kiçik qardaşı var. Gəmi Kapitanlığı fakültəsində təhsil almışdır. 7 il boksla məşğul olmuşdur. 2004-cü ildən bəri replə maraqlanır, rep döyüşlərində (Freestyle Battle) iştirak edir. 2006-cı ildən bəri isə yeraltı repdə (Underground Rap) püxtələşir. Həmçinin qrupun digər reperi ZaQ ilə,"K-Top Idols'' layihəsinin qaliblərindən biri olmuşdur. Hobbiləri peintboll oynamaq, üzgüçülüklə məşğul olmaq və rəqs etməkdir.
ALEM
[redaktə | mənbəni redaktə et]Batırxan Abay oğlu Məlikov — Qrupun əsas vokalistidir. 18 fevral 1993-cü ildə Özbəkistanın Üşqudıq şəhərində dünyaya gəlmişdir. Lakin,uşaq yaşlarında ikən Qazaxıstanın Qostanay şəhərinə qayıtmışdır. Ailəsinin ortancıl övladıdır, özündən böyük qardaşı və kiçik bacısı var. Təhsilini Rusiyanın Çelyabinsk şəhərində İncəsənət və Mədəniyyət Akademiyasında almışdır. Həmçinin, ''The Voice Of Kazakhstan'' yarışmasının finalçısı, sonradan "X Factor'' müsabiqəsinin yarım finalçısı olmuşdur. Avropa ölkələrinin müxtəlif şəhərlərində, məsələn İspaniyanın Barselona, Almaniyanın Berlin və Rusiyanın bir neçə şəhərində keçirilən bir çox müsabiqələrdə qalib olmuşdur. Alman dilində danışa bilir. Hobbiləri animeyə baxmaq və kitab oxumaqdır. Ən çox xoşladığı anime Death Note-dur. Harri Potter seriyasını sevir.
Ace
[redaktə | mənbəni redaktə et]Azamat Kayrat oğlu Aşmakın — qrupun rəqqas vokalistidir. 29 Avqust 1993-cü ildə Qazaxıstanın Almatı şəhərində doğulmuşdur. Ailəsinin ilk övladıdır, özündən kiçik qardaşı var. T.Q. Jurgenov adına Qazax Milli İncəsənət Akademiyasında təhsil almışdır. 2011-ci ildə burada peşəkar aktyorluğunu öyrənmişdir. 2012-2015-ci illər ərizndə Cənubi Koreyanın ''SM Entertainment''şirkətində staj etmişdir. Azamat Qazax və Rus dillərindən başqa Koreya dilini də bilir. Almatıda Qazax Ablay Xan Univeristetinin Beynəlxalq Münasibətlər fakültəsində təhsilini alır. Hobbiləri təbiət idman növləri ilə məşğul olmaq və mistik kitabları oxumaqdır. Koreya qrupu olan Blackpink heyranıdır
ZaQ
[redaktə | mənbəni redaktə et]Dulat Bolat oğlu Muhammetqali — Qrupun baş rəqqası, reperi və xoreoqrafiya asissentidir. 8 Fevral 1996-cı ildə Qazaxıstanın Semey şəhərində doğulmuşdur. Ailəsinin ilk övladıdır. Özündən kiçik qardaşı və bacısı vardır. Qazax Ablay Xan Universitetinin Beynəlxalq Münasibətlər fakültəsində təhisil almışdır. Beynəlxalq Rus dili Olimpiadasının qalibi olmuşdur. A.Z. ilə birlikdə o da ''K-Top Idols'' layihəsinin qalibi olmuşdur. Hobbisi müxtəlif ölkələrin dillərini öyrənməkdir.
Bala
[redaktə | mənbəni redaktə et]Daniyar Akılbay oğlu Qulımşa — Qrupun ikinci vokalıdır. 19 Fevral 1998-ci ildə Qazaxıstanın Aqtöbe şəhərində anadan olmuşdur. Ailəsinin ilk övladıdır, özündən balaca bacısı və qardaşı var. J.Elebekov adına Respublika Kollecində təhsil almışdır. Ninety One qrupuna qoşulmazdan əvvəl Brotherhood adlı qrupda çıxış edirdi. Hobbisi kinoya baxmaqdır. Qrupun ən balaca üzvüdür.
İstinadlar
[redaktə | mənbəni redaktə et]- ↑ 1 2 "Знакомство с новым бойз-бэндом 91 NINETY ONE" (rus). Yvision. 13 October 2015. 2019-11-03 tarixində arxivləşdirilib. İstifadə tarixi: 2016-08-15.
- ↑ Ninety One покинули хит-парад Arxiv surəti 21 avqust 2016 tarixindən Wayback Machine saytında Arxivləşdirilib 2016-08-21 at the Wayback Machine
- ↑ "Группа Ninety One презентовала дебютный мини-альбом «Айыптама»" (rus). Yvision. 15 декабря 2015. 2018-06-12 tarixində arxivləşdirilib. İstifadə tarixi: 2016-08-15.
- ↑ "Arxivlənmiş surət". 2022-02-17 tarixində arxivləşdirilib. İstifadə tarixi: 2018-05-14.
