قورتولوش (درگی)
قورتولوش توپلوسو | ||
|---|---|---|
| ||
| یاییلان ایللر | 1934-1939 | |
| دیل | تورکجه | |
| یاییلان یئر | بئرلین ، آلمان | |
| موضوع | سیاسی، ایجتیماعی، ادبی | |
.jpg)
قورتولوش توپلوسو — آذربايجان سياسي موهاجيرلري‌نين آلما‌ن‌ين بئرلين شهرينده نشر ائتديکلري توپلو.[۱]
تاريخي
[دَییشدیر]ايلک سايي 1934-جو ايلين نويابريندا، سون - 51-جي سايي ايسه 1939-جو ايلين يانواريندا ايشيق اوزو گؤرموشدور. "قورتولوش" توپلوسو دا ديگر سياسي موهاجير نشرلر کيمي، بولشئويک روسيه‌سي‌نين اسارتينده اولان آذربايجانليلارا موراجيعتله نشر ائديليردي. خوصوصيله، هر ايل 28 ماي ايستيقلالي، 27 آپرئل ايستيلا گونلري مجموعه‌ده داها گئنيش عکس اولونوردو.
توپلودا آذربايجان خالقي‌نين تاريخي، مدنيّتي، تورک دونياسي، بين الخالق مسله‌لر و س. باره‌ده ده دَيرلي يازيلار وئريليردي. مجموعه‌ده محمد امين رسولزاده، ميرزه بالا محمدزاده، مير يعقوب، هلال منشي‌زاده، ب.نوح‌اوغلو، آلماس ايلديريم، جعفر سيد احمد، احد علي زاده، کريم يايچيلي و باشقالاري‌نين مقاله‌لري درج اولونوردو.[۲]
"27 نيسان" مقاله‌سي
[دَییشدیر]ب.نوح‌اوغلو "قورتولوش" توپلوسونون 1936-جي ايل 18-جي نؤمره‌سينده درج ائتديرديگي "27 نيسان" ("27 آپرئل") مقاله‌سينده يازيردي:
" 27 نيسان ان قارا بير گونوموزدور. 27 نيسان ميلّي حوريّتيميزين، ميلّي ايستيقلاليميزين چالينديغي بير گوندور. 27 نيسان موقدّس ميلّي بايراغيميزين يئنديريلديگي قارا بير ماتم گونودور. 27 نيسان حاقّين چئيننديگي، وحشتين و ايستيبدادين موظفر اولدوغو بير گوندور.. بو گون گونشيميز توتولموش و سونو گلمه‌ين بير قارانليق باشلاميشدير. 27 نيساندا ميلّي آذربايجان ويجداني زده‌لنميش، ميلّي شوعوروموزدا دايما سيزلايان موقدّس بير يارا آچيلميشدير. هر 27 نيساندا او يارانين کؤزو قوپويور.
ایستینادلار:
[دَییشدیر]- ^ آذربايجان خالق جومهوريتي ائنسيکلوپئديياسي. "ليدئر-نشريات". باکي - 2005
- ^ آ.طاهرلي. "آذربايجان موهاجيرت مطبوعاتي". 1 حيصه . باکي-2002
ادبيات
[دَییشدیر]- شمشير صباح‌الدين، آذربايجانين ايستيقلال موجاديله‌سي. ايستانبول، 2002؛
- طاهرلي آ. ،آذربايجان موهاجيرت مطبوعاتي، .2 حيصه د، ه. 1، ب، 2002.
