Hogg

Der Artikl is im Dialekt Obaboarisch gschriem worn.

A Hogg

A Hogg, aa Hogga oda Hoggn (dt.: Axt), is a oids Weakzeig zan spoitn, zatein und forma vo Hoiz.

Im Untaschied zua Hogg, wo zwoahende vawendd wead, is a Hagge (std. Beil) a kloane Hogg, wo ma oahendi nutzt.

De traditioneje Hogg besteht aus am Hoizschoft und am Stoibladdl mit oana gschliffanan Schneid.

Friara san Hogg aa ois Woffm eigsetzt worn. De US-Army vawendd heit no Hogg ois Weakzeig und Woffm (schaug: Tomahawk).

Gschicht

De Hogg is oane vo de ejtastn Werkzeig ibahapts. Hogg gibts scho seit da Stoazeit. Do sans moast aus Feiastoa heagstejt worn und worn ned gschliffa. Spada hod ma Hogg aus Bronze, Kupfa und Eisn gmocht. Nebm da Funktion ois Werkzeig worn Hoff vo Ofang o aa Woffm. Dazua ham Hogg aa kuitischn Charakta ghobt, des wo ma aus da jingan Gschicht aa vo de Indiana kennt.

Schau aa

• Broadhogg, Hogg mit an broadn Bladdl
• Dexel, haufeamige Hogg
• Grompm, Spitzhogg und Hau in oam
• Hagge, kloane Hogg
• Hau (Fejdhau, Fejdhogg)
• Schnoatbrax, aa Sope, fias Beweng vo Baam
• Tomahawk, indianisches Hagge

Literatur

• Gottfried Reissinger: Die Konstruktionsgrundlagen der Axt Parey, Hamburg 1959, ISBN 978-3490211163

Im Netz

•  Commons: Hogg – Oibum mit Buidl, Videos und Audiodateien
• Expertenwissen Hogg und Hagge