Kababan
An kababan sarong pahalabang lugar na parating nagdadalagan sa pag-ultanan nin mga kabukidan, na sa parating igwa nin salog o sapa na nagdadalagan hali sa sarong puro pasiring sa ibong. An kadaklan na kababan napoporma nin pagrasay o pagtupas kan daga sa ibabaw nin mga salog o sapa sa laog kan halawigon na panahon. An nagkapirang kababan napoporma sa erosiyon sa paagi kan yelong glacial. An mga glesyer na ini posibleng magdanay na presente sa mga kababan sa haralangkaw na kabukidan o polar na lugar.
Sa mas hababang latitud asin altitud, an mga kababan na ini na pinorma nin glesyer posibleng linalang o pinadakula durante kan edad na yelo alagad ngunyan mga talingkas sa yelo asin okupado na nin mga sapa o salog. Sa mga lugar na desiyerto, an mga kababan posibleng mamara o nagdadara nin tubig alagad bihira sana. Sa mga lugar na may limestone bedrock, mamarang mga kababan puwede man na magresulta sa drainage na ngunyan nangyayari na sa irarom nin daga imbes na sa ibabaw.
