Альтынг

Рэйк’явік. Будынак альтынгу (пабудаваны 1880—1881)

Ісьляндыя

Гэты артыкул — адзін з сэрыі пра палітыку і дзяржаўны лад Ісьляндыі
Дзяржаўны лад Канстытуцыя Ісьляндыі Права Падаткаабкладаньне
Заканадаўчая ўлада Альтынг Сьпікер Выбарчыя акругі
Выканаўчая ўлада Прэзыдэнт Прэм’ер-міністар Урад
Судовая ўлада Вярхоўны суд Ісьляндыі
Выбары Прэзыдэнцкія Парлямэнцкія Канстытуцыйны рэфэрэндум
Палітычныя партыі Сьпіс партыяў
Адміністрацыйна-тэрытарыяльны падзел Вобласьці Грамады Гарады
Зьнешняя палітыка Дыпляматычныя місіі Ісьляндыі у Ісьляндыі Ісьляндыя й Эўрапейскі Зьвяз Трасковыя войны (1950-я / 1970-я)
Іншыя дзяржавы

А́льтынг (па-ісьляндзку: Alþingi — «Усеагульны сход») — парлямэнт Ісьляндыі. Упершыню сабраўся ў 930 годзе на палях тынга (па-ісьляндзку: Þingvellir) на паўднёвым захадзе выспы, на паўночным беразе возера Тынгвадляватн. Альтынг лічыцца найстарэйшым парлямэнтам, які дзейнічае дагэтуль. У тыя часы прымаць удзел у альтынгу мелі права ўсе вольныя мужчыны. Ад самага пачатку альтынг быў месцам ня толькі прыняцьця законаў, але і вырашэньня спрэчак; законамі займалася так званая Лагрэта (па-ісьляндзку: Lögrétta), якая складалася галоўным чынам са жрацоў (па-ісьляндзку: goðar). У 1000 годзе на альтынгу большасьць выказалася за прыняцьце хрысьціянства.